ຕາມຂ່າວCRI: ວັນທີ 18 ພຶດສະພານີ້, ເຍົາວະຊົນ 28 ຄົນທີ່ເຂົ້າຮ່ວມກິດຈະກຳເຍົາວະຊົນ 7 ປະເທດທັດສະນະສຶກສາຢູ່ຈີນ ທີ່ມີຊື່ວ່າ "ໜຶ່ງແລວໜຶ່ງເສັ້ນທາງ·ເຊື່ອມສຳພັນທາງຈິດໃຈຂອງປະຊະຊົນ"ນັ້ນໄດ້ເດີນທາງຮອດໂຮງຮຽນຊິ່ນຢີ່ງໃສປັກກິ່ງ ເພື່ອເຂົ້າຮ່ວມ ເວທີປຶກສາຫາລືການຈັບມືກັນລະຫວ່າງເຍົາວະຊົນຈີນ -ຕ່າງປະເທດ ກໍ່ຄືກິດຈະກຳໃຫ້ໂລກຮັບຟັງສຽງຈາກເດັກນ້ອຍ. ທູດຕານຸທູດບາງປະເທດອາຊຽນທີ່ເຂົ້າຮ່ວມກິດຈະກຳໄດ້ໃຫ້ສຳພາດຕໍ່ນັກຂ່າວCRI ແລະ ໄດ້ຕີລາຄາສູງຕໍ່ກິດຈະກຳເທື່ອນີ້.
ກິດຈະກຳເທື່ອນີ້ແມ່ນຈັດຂຶ້ນໂດຍສະມາຄົມການກຸສົນແຫ່ງຊາດຈີນ ໂດຍນັກຮຽນ 28 ຄົນທີ່ມາຈາກ 7 ປະເທດ ຄື, ຈີນ, ຫວຽດນາມ, ກຳປູເຈຍ, ລາວ, ມຽນມາ, ໄທ ແລະ ມົງໂກລີເຂົ້າຮ່ວມກິດຈະກຳທີ່ດຳເນີນເປັນເວລາ 12 ມື້ເທື່ອນີ້. ເຊິ່ງບັນດານ້ອງນ້ອຍຈະໄປທັດສະນະສຶກສາຢູ່ 5 ຕົວເມືອງ ຄື, ນະຄອນສີ່ອ່ານ, ນະຄອນຫຼວງປັກກິ່ງ, ນະຄອນຮາງໂຈ່ວ, ນະຄອນຟູໂຈ່ວ ແລະ ນະຄອນຈູໄຮແລະຕົວເມືອງດັ່ງກ່າວແລ້ວແຕ່ຢູ່ຕາມ "ໜຶ່ງແລວ ໜຶ່ງເສັ້ນທາງ" ເຊິ່ງສາມາດສຳຜັດກັບວັດທະນະທຳເສັ້ນທາງສາຍໄໝບູຮານຂອງຈີນທີ່ຮຸ່ງເຮືອງ ແລະ ການພັດທະນາຢ່າງວ່ອງໄວຂອງຈີນໃນຍຸກປັດຈຸບັນ, ແລະແລກປ່ຽນເຊິ່ງກັນແລະກັນ.
ຂ່າວແຈ້ງວ່າ, ກິດຈະກຳດັ່ງກ່າວເລິ່ມຈັດຂຶ້ນນັບແຕ່ເດືອນພຶດສະພາປີຜ່ານມານີ້, ຫຼັງຈາກນັ້ນໄດ້ຈັດຂຶ້ນຢູ່ນະຄອນຫຼວງວຽງຈັນປະເທດລາວ, ນະຄອນຢາງກຸ້ງປະເທດມຽນມາ, ນະຄອນຫຼວງພະນົມເປັນ ແລະ ນະຄອນສີຫານຸປະເທດກຳປູເຈຍ, ນະຄອນຫຼວງອູລານບາຕໍປະເທດມົງໂກລີ, ນະຄອນຫຼວງຮ່າໂນ້ຍປະເທດຫວຽດນາມ ແລະ ນະຄອນຫຼວງບາງກອກປະເທດໄທໂດຍນັກຮຽນ 1.100 ກວ່າຄົນຂອງ 7 ປະເທດດັ່ງກ່າວເຂົ້າຮ່ວມ.