ທ່ານ ຮຸນແຊນ ນາຍົກລັດຖະມົນຕີກຳປູເຈຍ ໄດ້ກ່າວໃນກອງປະຊຸມເກັບກູ້ມິນທີ່ໄຂຂຶ້ນຫວ່າງມໍ່ໆມານີ້ວ່າ, ປະເທດຕົນມີແຜນຈະສຳເລັດວຽກງານເກັບກູ້ມິນທີ່ຕົກຄ້າງມາແຕ່ສົງຄາມນັ້ນໃນປີ 2025.
ທ່ານ ຮຸນແຊນ ກ່າວໃນກອງປະຊຸມທີ່ໄຂຂຶ້ນໃນວັນທີ 17 ພຶດສະພານີ້ວ່າ, ລັດຖະບານໄດ້ອະນຸມັດ "ຍຸດທະສາດດຳເນີນງານເກັບກູ້ມິນແຫ່ງຊາດແຕ່ປີ 2018-2025" ໂດຍກຳນົດວ່າ, ຮອດປີ 2025 ຈະສຳເລັດການເກັບກູ້ມິນທີ່ຕົກຄ້າງມາແຕ່ສົງຄາມໃນຂອບເຂດທົ່ວປະເທດ. ອົງການການເຄື່ອນໄຫວກູ້ມິນແລະຊ່ວຍຜູ້ປະສົບເຄາະຮ້າຍຂອງກຳປູເຈຍ ກ່າວວ່າ, ນັບແຕ່ປີ 1992 ເປັນຕົ້ນມາ, ຢູ່ກຳປູເຈຍ ໄດ້ຄົ້ນພົບແລະທຳລາຍມິນແລະລູກລະເບີດຊະນິດອື່ນໆທີ່ບໍ່ທັນແຕກປະມານ 3 ລ້ານ 8 ແສນລູກ, ສ່ວນການບັນລຸເປົ້າໝາຍທຳລາຍລູກລະເບີດທີ່ບໍ່ທັນແຕກທີ່ຍັງເຫຼືອຮອດປີ 2025 ນັ້ນ ຕ້ອງໃຊ້ງົບປະມານ 400 ລ້ານໂດລາສະຫະລັດ.