ປັກກິ່ງແລະພະນົມເປັນເຊັນສັນຍາຮ່ວມສ້າງ "ຕົວເມືອງມິດຕະພາບ"

ວັນທີ 21 ພຶດສະພານີ້ຢູ່ນະຄອນຫຼວງພະນົມເປັນປະເທດກຳປູເຈຍ, ທ່ານນາງສີຈິິ້ງ ກຳມະການປະຈຳຄະນະພັກ, ຫົວໜ້າຄະນະແນວໂຮມຮັກຊາດຄະນະພັກປັກກິ່ງແລະທ່ານຄົງສະເຮັງ ເຈົ້າຄອງນະຄອນຫຼວງພະນົມເປັນໄດ້ເຊັນສັນຍາຮ່ວມກັນສ້າງສາ "ຕົວເມືອງມິດຕະພາບ".

ທ່ານນາງສີຈິ້ງ ກ່າວວ່າ, ປີນີ້ເປັນປີທີ່ຈີນແລະກຳປູເຈຍສ້າງສາຍພົວພັນທາງການທູດຄົບຮອບ 60 ປີ, ການທີ່ເຊັນສັນຍາສ້າງຕົວເມືອງມິດຕະພາບລະຫວ່າງປັກກິ່ງແລະພະນົມເປັນໃນມື້ນີ້, ແມ່ນຂີດໝາຍຂອງປະຫວັດສາດໃນການຂະຫຍາຍການພົວພັນລະຫວ່າງນະຄອນຫຼວງຂອງສອງປະເທດ. ຍິນດີຖືກໂອກາດນີ້, ເຮັດໃຫ້ການແລກປ່ຽນລະຫວ່າງຕົວເມືອງສອງແຫ່ງໃຫ້ໃກ້ຊິດກວ່າເກົ່າ, ແລະເປີດສາກໃໝ່ຂອງການຮ່ວມມືຢ່າງແທ້ຈິງແລະຮອບດ້ານລະຫວ່າງສອງນະຄອນຫຼວງ, ປະກອບສ່ວນເຂົ້າໃນມິດຕະພາບຍາວນານລະຫວ່າງຈີນແລະກຳປູເຈຍແລະສອງປະເທດສ້າງສາຍພົວພັນທາງການທູດຄົບຮອບ 60 ປີໃນລະດັບທ້ອງຖິ່ນ.