ຫວ່າງກ່ອນນີ້ບໍ່ດົນ, ຫຼາຍພາກສ່ວນລັດຖະບານໄທໄດ້ຈັດກອງປະຊຸມຂ່າວຮ່ວມ ໂດຍໄດ້ປະກາດວ່າ ຈະເຊື້ອເຊີນຝ່າຍຕ່າງໆຢ່າງເປັນທາງການ ເພື່ອເຂົ້າຮ່ວມການປະມູນໂຄງການທາງລົດໄຟຄວາມໄວສູງສາຍທີ 2 ໃນວັນທີ 30 ເດືອນນີ້. ເຈົ້າໜ້າທີ່ລັດຖະບານໄທກ່າວວ່າ, ຈະຕົກລົງຝ່າຍຊະນະການປະມູນໃນປີນີ້.
ຂ່າວແຈ້ງວ່າ, ທາງລົດໄຟສາຍນີ້ຍາວທັງໝົດ 220 ກິໂລແມັດ ແລະ ຈະໃຊ້ຄວາມໄວ 250 ກິໂລແມັດຕໍ່ຊົ່ວໂມງ, ຈະອອກຈາກນະຄອນຫຼວງບາງກອກ ແລະ ຈະເຊື່ອມຕໍ່ໃສ່ສະໜາມບິນໃຫຍ່ສອງແຫ່ງຂອງນະຄອນຫຼວງບາງກອກ ຄື ສະໜາມບິນດອນເມືອງ ແລະ ສະໜາມບິນສຸວັນນະພູມ, ຕໍ່ໄປສູ່ສະໜາມບິນອູ່ຕະເພາະເມືອງພັດທະຍາ ເຊິ່ງເປັນແຫຼ່ງທ່ອງທ່ຽວທີ່ມີຊື່ສຽງທາງທິດຕາເວັນອອກ. ໃນອະນາຄົດ, ຍັງຈະຕໍ່ໄປສູ່ຈັງຫວັດຈັນທະບູລີ ແລະ ຈັງຫວັດຕະຣັດອີກ.
ໂຄງການດັ່ງກ່າວຈະໃຊ້ງົບປະມານຫຼາຍກວ່າ 200 ຕື້ບາດ ແລະ ເປັນໂຄງການສຳຄັນໃນການສ້າງແລວທາງເສດຖະກິດພາກຕາເວັນອອກຂອງໄທ.
 |
