ໃນໂອກາດສະເຫຼີມສະຫຼອງວັນອອກຮັບບຳນານທະຫານຢູ່ນະຄອນຫຼວງພະນົມເປັນປະເທດກຳປູເຈຍໃນວັນທີ 4 ມິຖຸນານີ້, ທ່ານຮຸນແຊນ ນາຍົກລັດຖະມົນຕີກຳປູເຈຍກ່າວວ່າ, ຈະປະຕິບັດນະໂຍບາຍອຸດໜູນການອອກລູກຕໍ່ຄອບຄົວທີ່ທຸກຍາກ, ຄອບຄົວທີ່ມີແມ່ຍິງຜູ້ຖືພາຈະສາມາດໄດ້ຮັບເງິນອຸດໜູນ 190 ໂດລາສະຫະລັດ.
ທ່ານຮຸນແຊນກ່າວວ່າ, ນະໂຍບາຍອຸດໜູນການອອກລູກຂອງລັດຖະບານໄດ້ເລີ່ມປະຕິບັດຢູ່ໂຮງງານຕັດຫຍິບແລະຜະລິດເກີບເມື່ອວັນທີ 1 ມັງກອນປີນີ້. ກຳມະກອນຜູ້ຍິງແຕ່ລະຄົນສາມາດໄດ້ເງິນອຸດໜູນ 100 ໂດລາພາຍຫຼັງເກີດລູກຜູ້ທຳອິດ, ຖ້າອອກລູກຝາແຝດໄດ້ 200 ໂດລາ, ແລະແຝດສາມໄດ້ເງິນອຸດໜູນ 300 ໂດລາສະຫະລັດ.