ວັນທີ 4 ມິຖຸນານີ້, ທ່ານຢຸກິຢະ ອະມະໂນະ ປະທານອົງການພະລັງງານປະລະມານູສາກົນ ຫຼື IAEA ໄດ້ເປີດເຜີຍຕໍ່ນັກຂ່າວໃນໄລຍະກອງປະຊຸມສະພາມົນຕີ IAEA ວ່າ, IAEA ໄດ້ກຽມພ້ອມທຸກປະການ. ຖ້າສາມາດບັນລຸສັນຍາການເມືອງກ່ຽວກັບບັນຫານິວເຄຼຍແຫຼມເກົາຫຼີ ແລະ IAEA ໄດ້ຮັບສິດກວດກາພາຍໃຕ້ຂອບສັນຍາ, IAEA ຈະສາມາດດຳເນີນການກວດກາຕໍ່ແຜນການນິວເຄຼຍ ສປປ ເກົາຫຼີພາຍໃນເວລາຫຼາຍອາທິດ.
ປັດຈຸບັນ, IAEA ບໍ່ມີພະນັກງານກວດກາເຮັດວຽກຢູ່ໃນ ສປປ ເກົາຫຼີ, ຈຳເປັນຕ້ອງຊອກຮູ້ສະພາບການພັດທະນາແຜນການນິວເຄຼຍ ສປປ ເກົາຫຼີ ໂດຍຜ່ານພາບຖ່າຍຜ່ານດາວທຽມ ແລະ ຊ່ອງທາງອື່ນໆ ເພື່ອເພີ່ມທະວີການວິໄຈຕໍ່ແຜນການນິວເຄຼຍຂອງ ສປປ ເກົາຫຼີ.
ປັດຈຸບັນ, IAEA ໄດ້ສ້າງຕັ້ງໜ່ວຍງານສະເພາະບັນຫານິວເຄຼຍ ສປປ ເກົາຫຼີ ເຊິ່ງມີຈຸດປະສົງເພີ່ມທະວີການຕິດຕາມກວດກາຕໍ່ບັນຫານິວເຄຼຍ ສປປ ເກົາຫຼີ. ຂະນະດຽວກັນ, ກໍໄດ້ຫ້າງຫາກະກຽມ ເພື່ອຈະເຂົ້າໄປດຳເນີນການກວດກາຢູ່ພາຍໃນ ສປປ ເກົາຫຼີ.
 |
