ທະນາຄານກາງເອີຣົບໄດ້ເປີດເຜີຍບົດລາຍງານໃນວັນທີ 5 ມິຖຸນານີ້ວ່າ: ຜູ້ບໍລິຫານຄັງສຳຮອງເງິນຕາຕ່າງປະເທດຂອງທະນາຄານກາງບັນດາປະເທດເອີຣົບມີຄວາມໝັ້ນໃຈເພີ່ມຂຶ້ນຕໍ່ເງິນຢວນຈີນໃນຖານະເປັນເງິນຕາຄັງສຳຮອງ.
ບົດລາຍງານລະບຸວ່າ: ພາຍຫຼັງເງິນຢວນຈີນໄດ້ຮັບຮອງໃຫ້ຈັດເຂົ້າເປັນເງິນຕາທີ່ມີສິດຖອນເງິນພິເສດຫຼືSDRຂອງອົງການກອງທຶນເງິນຕາສາກົນຫຼື IMFຢ່າງເປັນທາງການໃນວັນທີ 1 ຕຸລາ 2016, ເງິນຢວນໄດ້ກວມອັດຕາສ່ວນເພີ່ມຂຶ້ນຢ່າງໝັ້ນທ່ຽງໃນຄັງສຳຮອງເງິນຕາຕ່າງປະເທດໃນທົ່ວໂລກ.
ບົດລາຍງານໄດ້ຍົກໃຫ້ເຫັນໂດຍອີງໃສ່ຜົນການສຳຫຼວດຜູ້ບໍລິຫານຄັງສຳຮອງເງິນຕາຕ່າງປະເທດທະນາຄານກາງ 79 ທ່ານເຊິ່ງໄດ້ຄຸ້ມຄອງຄັງສຳຮອງເງິນຕາຕ່າງປະເທດກວມເຄິ່ງໜຶ່ງຂອງໂລກນັ້ນມີ 29 ທ່ານຄາດວ່າ, ຮອດປີ 2020, ໃນກຸ່ມຊັບສິນເງິນຕາຕ່າງປະເທດທີ່ຕົນຄຸ້ມຄອງບໍລິຫານນັ້ນ, ຊັບສິນທີ່ເປັນເງິນຢວນຈະກວມອັດຕາສ່ວນເພີ່ມຂຶ້ນເປັນ 10%ຫາ 20%.