ວັນທີ 5 ມິຖຸນານີ້, ກອງປະຊຸມສຳມະນາຄູ່ຮ່ວມການຫຼຸດຜ່ອນຄວາມທຸກຍາກທົ່ວໂລກໄດ້ຈັດຂຶ້ນຢູ່ນະຄອນຫຼວງໂຣມປະເທດອີຕາລີ.
ກອງປະຊຸມດັ່ງກ່າວໄດ້ຈັດຂຶ້ນໂດຍອົງການທັນຍາຫານ ແລະກະສິກຳສະຫະປະຊາຊາດ, ກອງທຶນພັດທະນາກະສິກຳສາກົນ, ອົງການແຜນການທັນຍາຫານໂລກ, ສູນການຊ່ວຍເຫຼືອຜູ້ທຸກຍາກສາກົນຈີນ ແລະສູນຖະແຫຼງຂ່າວເວັບໄຊຈີນຮ່ວມກັນ. ຜູ້ຕາງໜ້າຈາກຈີນ, ການາ, ເກນຢາ ແລະເຊເນການ ກໍຄືນັກວິຊາການຂອງມະຫາວິທະຍາໄລອີຕາລີຫຼາຍກວ່າ 90 ຄົນເຂົ້າຮ່ວມ. ຜູ້ເຂົ້າຮ່ວມໄດ້ປຶກສາຫາລືກ່ຽວກັບ "ການຊຸກຍູ້ສາຍພົວພັນຄູ່ຮ່ວມມື ແລະການຊົມໃຊ້ຄວາມຮູ້, ສົ່ງເສີມເປົ້າໝາຍການພັດທະນາແບບຍືນຍົງຂອງອົງການສປຊ" ເປັນຫົວຂໍ້, ໂດຍໄດ້ແບ່ງປັນປະສົບການທີ່ໄດ້ຮັບຜົນສຳເລັດໃນການຊ່ວຍເຫຼືອຜູ້ທຸກຍາກ ແລະດຳເນີນການປຶກສາຫາລືໃນຫົວຂໍ້ຊຸກຍູ້ສາຍພົວພັນຄູ່ຮ່ວມການຫຼຸດຜ່ອນຄວາມທຸກຍາກ, ເພີ່ມທະວີການແລກປ່ຽນຄວາມຮູ້ກ່ຽວກັບການຫຼຸດຜ່ອນຄວາມທຸກຍາກ ແລະອື່ນໆ.
 |
