ໂທລະພາບແຫ່ງຊາດເອຢິບລາຍງານໃນວັນທີ 5 ມິຖຸນານີ້ວ່າ, ມື້ດຽວກັນ, ທ່ານເຊຣິຟ ອິສມາຍ ນາຍົກລັດຖະມົນຕີເອຢິບໄດ້ຍື່ນໃບລາອອກຈາກຕຳແໜ່ງຂອງຄະນະລັດຖະບານຕໍ່ທ່ານອັບເດວ ຟາຕາ ອານ-ຊີຊີ ປະທານາທິບໍດີເອຢິບ.
ທຳນຽບປະທານາທິບໍດີເອຢິບອອກຖະແຫຼງການວ່າ, ທ່ານປະທານາທິບໍດີອານ-ຊີຊີໄດ້ແຕ່ງຕັ້ງໃຫ້ຄະນະລັດຖະບານປັດຈຸບັນປະຕິບັດໜ້າທີ່ຕໍ່ໄປໃນຖານະເປັນລັດຖະບານຂ້າມຜ່ານ, ຈົນກວ່າຄະນະລັດຖະບານຊຸດໃໝ່ຈະໄດ້ຮັບການສ້າງຕັ້ງຂຶ້ນ.
ວັນທີ 2 ມິຖຸນານີ້, ທ່ານອານ-ຊີຊີ ໄດ້ສາບານຕົນດຳລົງຕຳແໜ່ງເປັນປະທານາທິບໍດີສະໄໝທີ 2 ທີ່ມີໄລຍະເວລາ 4 ປີຂອງທ່ານຕໍ່ສະພາເອຢິບ.
 |
