ວັນທີ 7 ມິຖຸນານີ້, ຢູ່ນະຄອນຫຼວງບຣຸກແຊນປະເທດແບນຊິກ, ທ່ານເຈນ ສະໂຕນເຕນເບີກ ເລຂາທິການໃຫຍ່ກຸ່ມນາໂຕປະກາດວ່າ, ກຸ່ມນາໂຕຈະສ້າງຕັ້ງກອງບັນຊາການໃໝ່ຢູ່ອາເມຣິກາ ແລະ ເຢຍລະມັນ.
ທ່ານສະໂຕນເຕນເບີກໄດ້ເປີດເຜີຍໃນກອງປະຊຸມຂ່າວທີ່ຈັດຂຶ້ນຫຼັງກອງປະຊຸມລັດຖະມົນຕີປ້ອງກັນປະເທດກຸ່ມນາໂຕທີ່ຈັດຂຶ້ນໃນມື້ດຽວກັນວ່າ, ກອງບັນຊາການຮ່ວມມະຫາສະມຸດອັດລັງຕິກຈະສ້າງຕັ້ງຢູ່ເມືອງນັອກໂຟນລັດເວີຈີເນຍປະເທດອາເມຣິກາ ເພື່ອຮັບປະກັນຄວາມປອດໄພຂອງຊ່ອງທາງທະເລລະຫວ່າງອາເມຣິກາເໜືອກັບເອີຣົບ; ອີກແຫ່ງໜຶ່ງຈະສ້າງຕັ້ງຢູ່ເມືອງອູມປະເທດເຢຍລະມັນ ເພື່ອເປັນການສະໜັບສະໜູນດ້ານພະລາທິການ ແລະ ການຈັດສັນທາງການທະຫານຂອງເອີຣົບ. ລັດຖະມົນຕີປ້ອງກັນປະເທດຂອງບັນດາປະເທດຍັງເຫັນດີເພີ່ມຈຳນວນທະຫານ 1.200 ຄົນໃຫ້ແກ່ກອງບັນຊາການທະຫານ. ກອງບັນຊາການໃໝ່ຍັງຈະມີຜົນດີຕໍ່ການຈັດສັນທະຫານຢູ່ເອີຣົບ ແລະ ຂ້າມມະຫາສະມຸດອັດລັງຕິກຂອງກຸ່ມນາໂຕ.
 |
