ມີນັກປະພັນຈີນຜູ້ໜຶ່ງເຄີຍຂຽນຄວາມໜຶ່ງທີ່ເວົ້າວ່າ: 你站在桥上看风景，看风景的人在楼上看你 ແປຕາມໂຕກໍ່ແມ່ນ: ເຈົ້າເບີ່ງທິວທັດຢູ່ເທິງຂົວ, ຜູ້ທີ່ເບີ່ງທິວທັດພັດເບີ່ງເຈົ້າຢູ່ເທິງຕຶກ. ແຕ່ວ່າ, ຄວາມນີ້ມີຄວາມໝາຍເລິກເຊິ່ງຫຼາຍ. ໃນຊີວິດ, ພວກເຮົາມັກຈະເຫັນແລະອິດສາຄວາມສຸກຂອງຜູ້ອື່ນ, ແຕ່ວ່າບັງເອີນ, ເມື່ອຫຼຽວເບີ່ງທາງຫຼັງຂອງຕົນ, ພັດປາກົດເຫັນຜູ້ອື່ນກຳລັງເບີ່ງແລະອິດສາຕົວເອງ. ທີ່ຈິງແລ້ວ, ທຸກຄົນກໍ່ມີຄວາມສຸກ. ມີແຕ່ວ່າ, ເຮົາເຫັນໄດ້ແຕ່ຄວາມສຸກຂອງຜູ້ອື່ນ, ບໍ່ເຫັນຄວາມສຸກຂອງຕົນຊື່ໆ.
