ເສດຖະກິດຂອງໂລກພວມຢູ່ໃນໄລຍະຫົວລ້ຽວຫົວຕໍ່
2016-09-04 16:41:30 cri
ວັນທີ4ກັນຍານີ້, ໃນເວລາກ່າວປາໄສຢູ່ກອງປະຊຸມສຸດຍອດG20ຫັງໂຈ່ວ, ທ່ານສີຈິ້ນຜີງ, ປະທານປະເທດຈີນກ່າວວ່າ, ພະລັງຊຸກຍູ້ການເຕີບໂຕຈາກຄວາມກ້າວໜ້າຂອງວິທະຍາສາດເຕັກນິກຮອບຜ່ານມານັ້ນໄດ້ອ່ອນລົງເປັນກ້າວໆ, ແຕ່ການປະຕິຮູບດ້ານວິທະຍາສາດເຕັກນິກແລະອຸດສາຫະກຳຮອບໃໝ່ຍັງບໍ່ທັນເປັນທ່າອ່ຽງລວມ.ຂະນະທີ່ກຸ່ມເສດຖະກິດສຳຄັນໄດ້ເຂົ້າສູ່ສັງຄົມຄົນສູງອາຍຸ ຕາມລຳດັບ, ອັດຕາການເຕີບໂຕຂອງປະຊາກອນຫຼຸດລົງ, ເຊິ່ງໄດ້ສ້າງຄວາມກົດດັນແກ່ເສດຖະກິດສັງຄົມຂອງປະເທດຕ່າງໆ. ເສດຖະກິດໂລກາພິວັດ ພົບກັບອຸປະສັກ, ລັດທິປົກປ້ອງການຄ້າແລະທ່າອ່ຽງປົກປ້ອງພາຍໃນກໍຟື້ນຕົວຄືນໃໝ່, ໂຄງປະກອບເສດຖະກິດຫຼາຍຝ່າຍຖືກຜົນກະທົບ.