ຈີນຈະໃຫ້ການຊ່ວຍເຫຼືອແບບມະນຸດສະທຳແກ່ລາວໂດຍດ່ວນ
cri2018-07-28 17:29:18
ຕາມຂ່າວCRI：ວັນທີ 28 ກໍລະກົດນີ້, ອົງການຮ່ວມມືເພື່ອການພັດທະນາສາກົນແຫ່ງຊາດຈີນເປີດເຜີຍວ່າ, ຍ້ອນຢູ່ພາກໃຕ້ຂອງລາວເກີດເຫດການເຂື່ອນໄຟຟ້າແຕກໃນຫວ່າງກ່ອນນີ້ບໍ່ດົນ, ລັດຖະບານຈີນຕົກລົງຈະໃຫ້ການຊ່ວຍເຫຼືອແບບມະນຸດສະທຳຈຳນວນໜຶ່ງແກ່ລັດຖະບານລາວໂດຍດ່ວນ.
ໃນຖະແຫຼງການສະບັບໜຶ່ງທີ່ອອກໃນວັນທີ 28 ກໍລະກົດນີ້, ອົງການຮ່ວມມືເພື່ອການພັດທະນາສາກົນແຫ່ງຊາດຈີນກ່າວວ່າ, ຍ້ອນຢູ່ພາກເຂດໃຕ້ຂອງລາວເກີດເຫດເຂື່ອນໄຟຟ້າແຕກເຊິ່ງເຮັດໃຫ້ມີຜູ້ເສຍຊີວິດແລະບາດເຈັບຫຼາຍ, ແລະໄດ້ສ້າງຄວາມເສຍຫາຍດ້ານຊັບສິນ, ເພື່ອຊ່ວຍລັດຖະບານລາວກອບກູ້ຊ່ວຍເຫຼືອປະຊາຊົນຜູ້ຖືກປະສົບໄພ, ລັດຖະບານຈີນຕົກລົງຈະສະໜອງວັດຖຸຊ່ວຍເຫຼືອເພື່ອມະນຸດສະທຳຈຳນວນໜຶ່ງໃຫ້ແກ່ລັດຖະບານລາວໂດຍດ່ວນ, ເຊິ່ງລວມທັງເຮືອຕະລຸມບອນ 100 ລຳ, ຕູບຜ້າເຕັນ 500 ຜືນ, ເຄື່ອງກັ່ນນ້ຳ 100 ຊຸດ. ຈີນຈະກຽມວັດຖຸຊ່ວຍເຫຼືອໃຫ້ພ້ອມໂດຍໄວເທົ່າທີ່ຈະໄວໄດ້, ແລະສົ່ງໄປຮອດເຂດປະສົບໄພ, ເຮັດໃຫ້ປະຊາຊົນທ້ອງຖິ່ນໄດ້ຮັບການຈັດວາງຢ່າງເໝາະສົມໂດຍໄວ.
