ບຸກຄົນຈີນແລະຕ່າງປະເທດກ່າວວ່າງານວາງສະແດງສິນຄ້ານຳເຂົ້າສາກົນຈີນໄດ້ສ່ອງແສງໃຫ້ເຫັນຂະບວນການເປີດປະຕູສູ່ພາຍນອກຂອງຈີນແລະມີຄວາມໝາຍທົ່ວໂລກ
cri2018-11-09 16:25:12
ງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດໄດ້ຈັດຂຶ້ນຢູ່ກຳແພງນະຄອນຊຽງໄຮ, ບຸກຄົນຈີນແລະຕ່າງປະເທດທີ່ເຂົ້າຮ່ວມງານວາງສະແດງຄັ້ງນີ້ໄດ້ມີຄວາມເຫັນວ່າ: ຄວາມໃຫຍ່ໂຕມະໂຫລານຂອງງານວາງສະແດງສິນຄ້ານຳເຂົ້າສາກົນຈີນຄັ້ງນີ້ໄດ້ສ່ອງແສງໃຫ້ເຫັນຂະບວນການເປີດປະຕູສູ່ພາຍນອກຂອງຈີນແລະມີຄວາມໝາຍທົ່ວໂລກ.
ໃນກອງປະຊຸມເວທີປຶກສາຫາລືການຮ່ວມມືຄວາມສາມາດການແຂ່ງຂັນສາກົນຂອງງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດທີ່ຈັດຂຶ້ນໃນວັນທີ 8 ພະຈິກນີ້, ທ່ານເຈັຟຟຣີ ເປີນສະທີນ, ອະດີດປະທານສະພາມົນຕີສະມາຄົມການຄ້າອາເມຣິກາຊຽງໄຮ, ຮອງປະທານວຽກງານສາກົນທັງເປັນປະທານປະຈຳຈີນຂອງສູນການແພດມະຫາວິທະຍາໄລປິສເປີກອາເມຣິກາກ່າວວ່າ, ປັດຈຸບັນທົ່ວໂລກລ້ວນແຕ່ມານະຄອນຊຽງໄຮເພື່ອສະແຫວງຫາໝາກຜົນແລະບົດຮຽນການພັດທະນາຫຼ້າສຸດ, ສະແດງໃຫ້ເຫັນວ່າຈີນມີການປ່ຽນແປງໃຫຍ່ຢ່າງແທ້ຈິງ. ທ່ານເຫັນວ່າ, ພາຍໃຕ້ສະພາບການທີ່ຊັບພະຍາກອນມີຄວາມຈຳກັດ, ການເປີດປະຕູສູ່ພາຍນອກແລະການປະດິດສ້າງໃໝ່ສາມາດສ້າງມູນຄ່າມະຫາສານ.
ທ່ານອາເລັກຈັນໂດຣ ຊາເລສ ທີ່ປຶກສາການຄ້າຂອງສະຖານກົງສູນໃຫຍ່ແມັກຊິກປະຈຳຊຽງໄຮກ່າວຕໍ່ນັກຂ່າວວ່າ, ໃນຫຼາຍປີຜ່ານມາ, ການເປີດປະຕູສູ່ພາຍນອກຂອງຈີນນັບມື້ນັບກວ້າງຂວາງກວ່າເກົ່າ, ມີໄຕຕີຈິດຕໍ່ເພື່ອນຕ່າງປະເທດຂອງໂລກ, ໃນຂະນະດຽວກັນທີ່ຈີນຮັກສາການພັດທະນາຢ່າງວ່ອງໄວນັ້ນ, ຍັງໄດ້ສ້າງໂອກາດທາງການຕະຫຼາດໃຫ້ແກ່ບັນດາປະເທດຫຼາຍກວ່າເກົ່າ. ການເປີດປະຕູສູ່ພາຍນອກຂອງຈີນຄືການເບິ່ງກວ້າງມອງໄກທົ່ວໂລກ, ມີຄວາມກວມລວມຫຼາຍກວ່າເກົ່າ.
