ກິດ​ຈະ​ກຳ​ປະ​ກວດ​ຮູບ​ຖ່າຍ​ພາຍ​ໃຕ້​ຫົວ​ຂໍ້: ມີ​ເຈົ້າ​ເປັນ​ເພື່ອນ​ຕາມ “ໜຶ່ງ​ແລວ​ໜຶ່ງ​ເສັ້ນ​ທາງ” ຂອງວິ​ທະ​ຍຸສາ​ກົນ​ແຫ່ງ​ປະ​ເທດ​ຈີນ​ໄດ້ດຶງ​ດູດ​ຜູ້​ໃຊ້​ອິນ​ເຕີ​ເນັດ​ຈາກ 47 ປະ​ເທດ​ແລະ​ເຂດ​ແຄວ້ນ​ທີ່​ລຽບ​ຕາມ “ໜຶ່ງ​ແລວ​ໜຶ່ງ​ເສັ້ນ​ທາງ” ເຂົ້າ​ຮ່ວມ, ໄດ້​ຮັບ​ຮູບ​ຖ່າຍ 11,500 ກວ່າ​ໃບ. ໂດຍ​ຜ່ານ​ການ​ປະ​ກວດ​ 10 ກວ່າ​ຮອບ​ແລະ​ການ​ໃຫ້​ຄະ​ແນນ​ທາງ​ອິນ​ເຕີ​ເນັດ 1,92 ລ້ານ​ສະ​ບັບ, ວັນ​ທີ 10 ເມ​ສາ​ນີ້, ຜົນ​ການ​ປະ​ກວດ​ໄດ້​​ຖືກເປີດ​ເຜີຍ​ຢ່າງ​ເປັນ​ທາງ​ການ.
  ໃນຮູບຖ່າຍເຫຼົ່ານີ້ມີເວລາໃດທີ່ເຮັດໃຫ້ທ່ານຮູ້ສຶກປະທັບໃຈບໍ່? ມີສະຖານທີ່ທ່ານເຄີຍໄດ້ໄປບໍ່? ຫຼືວ່າມີເພື່ອນເກົ່າທີ່ທ່ານຄິດຮອດທີ່ສຸດ?

    ຕາມຂາວ CRI: ວັນທີ 28 ກຸມພານີ້ ກິດຈະກຳປະກວດຮູບຖ່າຍພາຍໃຕ້ຫົວຂໍ້: ມີເຈົ້າເປັນເພື່ອນຕາມໜຶ່ງແລວໜຶ່ງເສັ້ນທາງທີ່ເວັບໄຊທາງການຂອງວິທະຍຸສາກົນແຫ່ງປະເທດຈີນ (CRI ຫຼື www.cri.cn) ເປັນເຈົ້າພາບ ໄດ້ຈັດຂຶ້ນຢ່າງເປັນທາງການ ເຊິ່ງເວັບໄຊດັ່ງກ່າວຈະຜ່ານຈາກສື່ໃໝ່, ສື່ອອນລາຍທີ່ຢູ່ຕ່າງປະເທດ ແລະສື່ຕ່າງ ປະເທດທີ່ ເປັນຄູ່ຮ່ວມມືເຊີນຊວນເພື່ອນມິດທົ່ວໂລກສົ່ງຜົນງານເຂົ້າຮ່ວມກິດຈະກຳປະກວດຮູບຖ່າຍຄັ້ງນີ້.