|
-ນ້ີແມ່ນຊ່ືຜູ່ຍ່ິງໃຫຍ່ທ່ີປະຕິເສດບ່ໍໄດ້, ສຳລັບຜູ່ທ່ີຢາກຮູ້ຈັກປະເທດຈີນໃນອະດີດ;
-ນ້ີແມ່ນຊ່ືຂອງຜູ່ຍິ່ງໃຫຍ່ທ່ີ່ຕ້ອງກ່າວເຖິງ, ສຳລັບຜູ່ທ່ີຢາກຮູ້ຈັກປະເທດຈີນໃນປະຈຸບັນ;
-ນ້ີແມ່ນຊ່ືຂອງຜູ່ຍິ່ງໃຫຍ່ທ່ີຈຳເປັນຕ້ອງພົວພັນເຖິງສຳລັບຜູ່ທ່ີຢາກຄາດຄະເນອະນາຄົດຂອງປະເທດຈີນ;
-ຊ່ືຂອງຜູ່ຍິງໃຫຍ່ຜູ່ນ້ີກໍແມ່ນ: ເໝົາເຈີຕົງ.
ວັນທີ26ທັນວາປີ2003ແມ່ນວັນລະນຶກວັນຄ້າຍວັນເກີດຄົບຮອບ110ປີຂອງທ່ານປະທານເໝົາ-ຜູ່ນຳຊຸດທຳອິດຂອງປະເທດຈີນໃໝ່. ທ່ານປະທານເໝົາແມ່ນຜູ້ລິເລ່ີມສ້າງພັກກອມມູນິດຈີນ, ແມ່ນບຸກຄົນແກນກາງຂອງໝູ່ຄະນະນຳຊຸດທີໜ່ຶງຂອງປະເທດຈີນໃໝ່. ປີ 1949, ແມ່ນທ່ານປະທານເໝົາເຈີຕົງຢືນຢູ່ເທິງຫໍທຽນອານເມີນປັກກ່ິງ, ປະກາດສ້າງຕັ້ງສາທາລະນະລັດປະຊາຊົນຈີນ. ຄຸນງາມ ຄວາມດີແຫ່ງປະຫວັດສາດທ່ີຍ່ິງໃຫຍ່ຂອງທ່ານເມົາເຈີຕຸງກໍ່ແມ່ນເພ່ີນໄດ້ນຳພາພັກກອມມູນິດຈີນແລະປະຊາຊົນຈີນສີ້ນສຸດປະຫວັດສັງຄົມເຄ່ິງສັກດີນາເຄີ່ງລາເມືອງຂຶ້ນຂອງຈີນ, ໄດ້ສ້າງຕັ້ງສາທາລະນະລັດປະຊາຊົນຈີນ, ສ້າງຕັ້ງລະບອບສັງຄົມນິຍົມ.
ທ່ານປະທານເໝົາເຄີຍແຕ່ງກາບກອນ ເຊ່ິງໝາຍຄວາມວ່າ: ຊີວິດຄົນເຮົາມີແຕ່ວ່າຮ້ອຍປາຍປີ, ຈະຕ້ອງມີຄວາມເຊ່ືອໝັ້ນຕົນເອງ ,ຕ້ອງມີໂລກະທັດແລະຊີວະທັດອັນຈົບງາມ. ທ່ານເໝົາເຈີຕົງມັກລອຍນ້ຳມາແຕ່ຍາມຍັງນ້ອຍ, ມີເທ່ືອໜ່ຶງ, ເພ່ີນໄປລອຍນ້ຳ, ພໍດີພໍ້ລົມແຮງຟອງຮ້າຍ, ເຖິງວ່າເພ່ີນລອຍນ້ຳເກັ່ງແຕ່ກໍ່ເກືອບບໍ່ມົ້ມ. ຕໍ່ມາໝູ່ໄດ້ຊ່ອຍເອົາເພ່ິນ. ເມ່ືອປະສົບຄວາມອັນຕະລາຍເທ່ືອນີ້ແລ້ວ, ທ່ານປະທານເໝົາໄດ້ຂຽນຄຳກອນດ່ັງກ່າວທ່ີສ່ອງແສງນິໃສຂອງເພ່ີນດ່ັງກ່າວນີ້. ທ່ານປະທານເມົາໄດ້ມີຄວາມປາຖະໜາທ່ີບໍ່ໄດ້ບັນລຜົນເປັນຈີງໂດຍຕະຫລອດ, ຄືເພ່ີນຢາກໄປລອຍຢູ່ແມ່ນ້ຳມີຊີຊິບປີໃນຖານະເປັນຜູ້ມັກລອຍນ້ຳ.
ບົວລະພາແດງ, ດວງຕາເວັນໄດ້ໂພ່ຂຶ້ນ, ຈີນມີຜູ່ໜ່ຶງຊ່ືວ່າເໝົາເຈີຕົງ, ເພ່ີນສະແຫວງຫາຄວາມສຸກເພ່ືອປະຊາຊົນ, ເພ່ີນແມ່ນຜູ່ກອບກູ້ຊີວິດຂອງປະຊາຊົນ. ເພງຕົງຟາງຫົງ ບົວລະພາແດງທ່ີທ່ານພວມຟັງຢູ່ນີ້, ຢູ່ຈີນ, ບໍ່ວ່າຍິງຊາຍນ້ອຍໃຫຍ່ ໃຜກໍ່ຮ້ອງເປັນ. ເນື້ອເພງໄດ້ສໍລະເສີນທ່ານເໝົາເຈີຕົງ ຜູ່ນຳຜູ່ຍ່ິງໃຫຍ່ຂອງຈີນດ້ວຍຄວາມຮັກແພງອັນເລິກເຊ່ິງ, ໄດ້ຝາກຄວາມເຄົາລົບນັບຖືແລະຄວາມຮັກແພງຫາອັນປຽບບໍ່ໄດ້ຂອງປວງຊົນທີ່ມີຕໍ່ເພ່ີນ.
ປີ 1976, ທ່ານປະທານເໝົາໄດ້ເຖິງແກ່ມໍລະນະກຳຢູ່ທ່ີປັກກ່ິງ, ລວມອາຍຸ ໄດ້ 83 ປີ. ແຕ່ວ່າໃນ 27 ປີມານີ້, ຄວາມຄຶດຮອດຄຶດເຖິງແລະຄວາມຮັກຫອມຕໍ່ທ່ານປະທານເໝົາຂອງປະຊາຊົນຈີນບໍ່ເຄີຍໄດ້ຫຼຸດໜ້ອຍລົງຈັກດີ້. ເມ່ືອກ່າວເຖິງຊ່ື"ເໝົາເຈີຕົງ" ທ່ານຮານຈິນເຊື້ ພະນັກງານບຳນານກົມໄປສະນີປັກກ່ິງ ອາຍຸ 50 ກວ່າປີໄດທັງເວົ້າທັງຟາຍນ້ຳຕາຍ້ອນຄຶດຮອດຄຶດເຖິງທ່ານເໝົາເຈີຕົງ. ທ່ານເວົ້າວ່າ, ເວລາກິນນ້ຳສ້າງຕ້ອງຄິດຮອດຄຶດເຖິງຜູ່ຂຸດສ້າງ. ເມ່ືອໄດ້ທວນຄືນເຖິງການປະກອບສ່ວນໃນຕະຫລອດຊີວິດຂອງທ່ານປະທານເໝົາທ່ີມີຕໍ່ປະຊາຊົນຈີນ, ພວກເຮົາແມ່ນຈ່ືຈຳທ່ານປະທານເໝົາຢູ່ສະເໝີ.
ທ່ານລີເຈຍຢາວ ໄທເມືອງປັກກ່ິງທ່ີໄດ້ຊົມງານວາງສະແດງຮູບພາບຂອງທ່ານເມົາເຈີຕຸງຢູ່ຫໍພິພິດທະພັນການທະຫານຈີນເວົ້າວ່າ, ພ່ໍຂອງຂ້ອຍແມ່ນສະຫາຍອາວຸໂສທ່ີເຂົ້າຮ່ວມການປະຕິວັດໄປນຳທ່ານປະທານເໝົາ. ຍາມຍັງນ້ອຍ, ຂ້ອຍກໍໄດ້ຮັບຜົນສະທ້ອນຈາກພ່ໍແມ່, ໂຄລົບທ່ານປະທານເໝົາຫຼາຍ. ນອກຈາກຄຸນສົມບັດຂອງທ່ານແລ້ວ, ບ່ອນທ່ີຍ່ິງໃຫຍ່ກວ່າໝູ່ຂອງທ່ານປະທານເໝົານັ້ນແມ່ນແນວຄິດເໝົາເຈີຕົງ ເຊ່ິງເຮັດໃຫ້ພວກເຮົາປົດປ່ອຍອອກຈາກສະພາບຖືກກົດຂ່ີຂູດຮີດ, ເຮັດໃຫ້ປະຊາຊາດຈີນກ້າວເຂົ້າວົງຊົນຊາດຕ່າງໆຂອງໂລກ.
ເນ່ືອງໃນໂອກາດວັນຄ້າຍວັນເກີດຂອງທ່ານປະທານເໝົາຄົບຮອບ 110 ປີ, ໃນຫລາຍມື້ມານີ້, ມວນຊົນຈີນໃນແຫ່ງຕ່າງໆໄດ້ຈັດງານວາງສະແດງຮູບແຕ້ມ, ງານດົນຕີ, ງານອ່ານກາບກອນ, ງານສົນທະນາແລະແບບວິທີຕ່າງໆມາລະລຶກບຸກຄົນປະຫວັດສາດທ່ີມີຜົນສະທ້ອນສຳຄັນຍ່ິງຕໍ່ຈີນໃນສັດຕະວັດທີ 20 ຜູ້ນີ້.
ເພງເໝົາເຈີຕົງແມ່ນເພງສະຫຼັບໃນເລື້ອງໂທລະພາບບັນທຶກປະຫວັດສາດຂະໜາດໃຫຍ່ທ່ີຊ່ືວ່າ"ເຂົ້າໃກ້ທ່ານເໝົາເຈີຕົງ" ເຊ່ິງພວມນຳອອກສາຍຢູ່ທ້ອງຖ່ີນຕ່າງໆຂອງຈີນ. ເນື້ອເພງຮ້ອງວ່າ, ມີບາງເພງຟັງແລ້ວຮູ້ສຶກຂຸ້ນຫູຫລາຍແລະເຕັມໄປດ້ວຍຄວາມຫວັງ, ກໍ່ຄືວ່າໄດ້ຟັງທ່ານກ່າວປາຖະກະຖາໃນຫລາຍປີກ່ອນ, ທ່ີແທ້, ນີ້ແມ່ນເພງໃນດວງໃຈເຮົາ, ມ່ວນແທ້ມ່ວນວ່າ, ເໝົາເຈີຕົງ!
ສ່ິງທ່ີຕ່າງກັນກັບເລື້ອງໂທລະພາບຫລາຍເລື້ອງທ່ີສ່ອງແສງເນື້ອໃນກ່ຽວກັບທ່ານເໝົາເຈີຕົງນັ້ນແມ່ນເລື້ອງໂທລະພາບບັນທຶກທ່ີຊ່ືວ່າ"ເຂົ້າໃກ້ທ່ານເໝົາເຈີຕົງ", ບໍ່ແມ່ນສະແດງໃຫ້ເຫັນເລື້ອງໃຫຍ່ຢ່າງຈະໜາດໃຫຍ່, ແລ້ວເຮັດໃຫ້ທ່ານເໝົາເຈີຕົງມີສີສັນເທບນິຍາຍ, ແຕ່ຫາກແມ່ນເອົາເລື້ອງທຳມະດາທ່ີຄົນທັງຫຼາຍບໍ່ຮູ້ມາສະແດງໃຫ້ເຫັນຊີວິດການເປັນຢູ່ຂອງທ່ານເໝົາເຈີຕົງທ່ີເປັນສາມັນຊົນ.
ທ່ານຈາງເໝີງ ໄທເມືອງປັກກ່ິງຜູ່ໜ່ຶງເວົ້າວ່າ, ເມ່ືອເບ່ິງເລື້ອງໂທລະພາບບັນທຶກ"ເຂົ້າໃກ້ທ່ານເໝົາເຈີຕົງ"ແລ້ວ, ສ່ິງທ່ີໄດ້ສ້າງພາບປະທັບໃຈເລິກເຊ່ິງກວ່າໝູ່ແກ່ຂ້ອຍແມ່ນ, ພາຍຫລັງທ່ານປະທານເໝົາລອຍນ້ຳຢູ່ແມ່ນ້ຳຢາງເຊແລ້ວ, ຍໍ່ທັນນຸ່ງເສື້ອກໍ່ລົມກັບຊາວນາຜຜູ່ເຖົ້າຜູ່ແກ່, ນີ້ເຮັດໃຫ້ຂ້ອຍຮູ້ສຶກວ່າແມ່ນເລື້ອງຈິງ. ທ່ານປະທານເໝົາໃນນາມເປັນລູກຫຼານຊາວນາ, ໄດ້ສືບທອດຄຸນສົມບັດທ່ີມີມູນເຊື້ອຂອງຈີນຫລາຍຢ່າງ. ສົມມຸດວ່າ, ເພ່ີນເຄົາລົບຜູ່ເຖົ້າຜູ່ແກ່, ຮັກແພງເດັກນ້ອຍ, ເຄົາລົບປັນຍາຊົນ, ມີຄວາມເມດຕາໍຕໍ່ຜູ່ອ່ືນ.
ນີ້ກໍ່ແມ່ນທ່ານເໝົາເຈີຕົງ, ຜູ່ນຳທ່ີເປັນໜ້າເຄົາລົບນັບຖືຂອງຈີນ.ກຳມະກອນທ່ີຮັບຜິດຊອບວຽກລ້າງຟິມເລື້ອງ"ເຂົ້າໃກ້ທ່ານເໝົາເຈີຕົງ"ນັ້ນເວົ້າວ່າ, ທ່ານເໝົາເຈີຕົງຄືແນວນີ້ ໃຜກໍ່ສະແດງບໍ່ໄດ້.
ທ່ານປະທານເໝົາແມ່ນຄົນແຂວງຫູນານຂອງຈີນ, ມັກກິນເຜັດ, ກີນຊີ້ນອົບ. ທ່ານເໝົາເຈີຕົງມີເຈດຈຳນົງວ່າ, ອຳນາດການປົກຄອງອອກຈາກກະບອກປືນ, ແຕ່ເພ່ີນບໍ່ເຄີຍຍິງປືນຈັກນັດໃນຕະຫຼອດຊີວິດ, ເພ່ີນຈົນວ່າບໍ່ມັກຈັບປືນ. ໄມ້ຄ້ອນເທົ້າທ່ີທະຫານປ້ອງກັນເຮັດນັ້ນໄດ້ເປັນເພ່ືອນທ່ານຜ່ານເວລາຫລາຍສິບປີ.
ຄຳເວົ້າຂອງທ່ານກໍ່ເຕັມໄປດ້ວຍສະຕິປັນຍາແລະຊວນຫົວຫລາຍ. ມີນັກຂ່າວຕ່າງປະເທດເຄີຍຖາມທ່ານວ່າ, ທ່ານເປັນຊາວຈີນກ່ອນຫລືເປັນຊາວພັກກອມມູນິດກ່ອນ? ທ່ານເໝົາເຈີຕົງຕອບວ່າ: ບັນຫາຂອງທ່ານຄືວ່າຈະຖາມຂ້າພະເຈົ້າວ່າແມ່ນມີພໍ່ແມ່ກ່ອນຫລືວ່າມີລູກກ່ອນ? ຂ້າພະເຈົ້າສາມາດຕອບທ່ານໄດ້ຢ່າງຄັກແນ່ວ່າ:ຖ້າບໍ່ມີປະຊາຊາດຈີນກໍ່ຈະບໍ່ມີພັກກອມມູນິດຈີນ.
ຜົນສະທ້ອນອັນເລິກເຊ່ິງຍາວໄກຂອງທ່ານເໝົາເຈີຕົງ, ຈົນຮອດຊູ່ມື້ນີ້ກໍ່ຍັງມີຢູ່ທຸກແຫ່ງຫົນຂອງຈີນ. ນາງລິວຕົງເມີຍ ນັກຂ່າວຂອງສະຖານີໂທລະພາບການສຶກສາຈີນບອກເວົ້າວ່າ, ເມ່ືອທ່ານປະທານເໝົາເຖິງແກ່ມໍລະນະກຳ, ຂ້ອຍມີແຕ່ 5-6 ຂວບທໍ່ນັ້ນ, ບໍ່ມີພາບປະທັບໃຈແນວໃດຕໍ່ທ່ານປະທານເໝົາ. ພາຍຫລັງມາ, ເມ່ືອຂ້ອຍເຮັດວຽກຖະແຫລງຂ່າວແລ້ວ, ຈ່ິງຮູ້ວ່າ, ທ່ານປະທານເໝົາໄດ້ວາງທັດສະນະຄະຕິມວນຊົນຕໍ່ວຽກງານຖະແຫລງຂ່າວມາດົນແລ້ວ, ນີ້ແມ່ນເປັນເອກະສັນກັນກັບທິດທາງໂຄສະນາຂອງພວກເຮົາໃນປະຈຸບັນ. ຂ້ອຍໂຄລົບນັບຖືທ່ານປະທານເໝົາຫລາຍ.
ທ່ານເຈັຍຕາຫຼົງແມ່ນກຳມະກອນຜູ່ບຳນານຂອງໂຮງຈັກເຄ່ືອງຍົກປັກກ່ິງ. ທ່ານເວົ້າວ່າ, ແນວຄິດສຳຄັນ3ຕົວແທນຂອງຈີນໃນປະຈຸບັນແມ່ນໄດ້ສືບທອດຈາກແນວຄິດເໝົາເຈີຕົງແລະທິດສະດີເຕ້ິງສ້ຽວຜິງ, ສາມອັນນີ້ແມ່ນແນວຄິດທ່ີສືບເນ່ືອງກັນ.
ທ່ານດອກເຕ້ີຈູ້ແຢນໃນຫ້ອງສຶກສາຄົ້ນຄວ້າປະຫວັດສາດຂອງພັກກອມມູນິດຈີນຂອງໂຮງຮຽນພັກຂອງສູນກາງພັກກອມມູນິດຈີນເຫັນວ່າ, ຊາວຈີນຄຶດເຖິງທ່ານປະທານເໝົາ, ຍັງຍ້ອນວ່າ, ທ່ານມີນຳ້ໃຈຊົນຊາດທ່ີເລີດລຳ້, ຄື: ຈິດໃຈບາກບັ່ນສູ້ຊົນດ້ວຍຄວາມທໍລະຫົດອົດທົນແລະນຳ້ໃຈຕັ້ງຕົວເປັນເອກກະລາດເປັນເຈົ້າຕົນເອງ, ນຳ້ໃຈທ່ີເອົາໃຈໃສ່ການສຳຫຼວດຄົ້ນຄວ້າແລະນຳ້ໃຈລັດທິຮັກຊາດອັນສູງສົ່ງ, ຍັງມີຈິດໃຈຊອກຫາສັດຈະທຳຈາກຄວາມເປັນຈິງ, ຈິດໃຈເຫຼົ່ານ້ີ, ມີຄວາມໝາຍສຳຄັນໃນການປະຕິຮູບແລະໄຂປະຕູສູ່ພາຍນອກແລະໃນການສ້າງສາທັນສະໄໝ.
ທ່ານດອກເຕີຈູ້ແຢ້ນຍັງເຫັນວ່າ, ການກະທຳຕ່າງໆຂອງຜູ່ນຳຈີນຊຸດປະຈຸບັນ, ເຊັ່ນ: ທ່ານຫູຈີນທາວແລະທ່ານເວິນເຈັ່ຍປາວເປັນຕົ້ນທ່ີລົງໄປຮາກຖານ, ຊອກຮູ້ຄວາມທຸກຄວາມສຸກຂອງປະຊາຊົນໄດ້ສະແດງໃຫ້ເຫັນແບບແຜນເຮັດວຽກທ່ີເຂົ້າໃກ້ຊິດຕິດແທດກັບປະຊາຊົນ ເຊ່ິງທ່ານເໝົາເຈີຕົງເຄີຍປະຕິບັດໂດຍຕະຫຼອດ. ທ່ານເຫັນວ່າ, ແບບແຜນເຂົ້າໃກ້ຊິດກັບປະຊາຊົນນ້ີຍ່ອມຈະເຮັດໃຫ້ການພົວພັນລະຫວ່າງຜູ່ນຳຊຸດໃໝ່ກັບມວນຊົນຈີນຍ່ິງໃກ້ຊິດກວ່າເກົ່າ, ແລະຊຸກຍູ້ໃຫ້ສັງຄົມຈີນຂະຫຍາຍໄປໜ້າຢ່າງມີສະຖຽນລະພາບແລະປອດໄສກວ່າເກົ່າ.
ເນື້ອເພງ"ຢູ່ເທິງພູຄຳປັກກ່ິງ"ຮ້ອງວ່າ, "ຢູ່ເທິງພູຄຳປັກກ່ິງເປັງລັດໝີແຈ້ງສະຫວ່າງໄປທຸກທິດ, ທ່ານປະທານເໝົາຄືດວງຕາເວັນສີຄຳ, ຈັ່ງແມ່ນອົບອຸ່ນອີຫຼີ, ຈັ່ງແມ່ນເມດຕາອີຫຼີ, ເພ່ີນໄດ້ຊ້ີທິດບອກທາງໃຫ້ພວກເຮົາ, ເຮັດໃຫ້ພວກເຮົາເດີນໄປຕາມເສັ້ນທາງຜາສຸກແຫ່ງສັງຄົມນິຍົມ. ເພງນີ້ໄດ້ຝາກຝັງຄວາມໂຄລົບຮັກແພງແລະຄວາມຄຶດຮອດຄຶດເຖິງຂອງປະຊາຊົນຈີນທ່ີມີຕໍ່ທ່ານເໝົາເຈີຕົງ.
|
