ວິທະຍຸສາກົນແຫ່ງປະເທດຈີນລາຍງານວ່າ, ວັນທີ 26 ມັງກອນນີ້ ກະຊວງສາທາລະ
ນະສຸກໄທປະກາດວ່າ, ເດັກຊາຍທ່ີອາຍຸ 6 ຂວບຜູ່ໜ່ຶງທ່ີຕິດເຊື້ອໄວລັດໄຂ້ຫວັດໃຫຍ່
ສັດປີກຊະນິດ H5N1 ຕາຍໃນຕອນຮຸ່ງເຊົ້າມື້ດຽວກັນຍ້ອນລະບົບຫາຍໃຈອ່ອນເພຍ, ນີ້ແມ່ນຄົນໄທຄົນທຳອິດທ່ີຕາຍຍ້ອນຕິດເຊື້ອໄວລັດດ່ັງກ່າວ.

ເຈົ້າໜ້າທ່ີກະຊວງສາທາລະນະສຸກໄທເຜີຍວ່າ, ປະຈຸບັນ ຜູ່ປ່ວຍທ່ີຖືກບ່ົງມະຕິຕິດເຊື້ອ
ໄວລັດໄຂ້ຫວັດໃຫຍ່ສັດປີກຢູ່ໃນປະເທດໄທໄດ້ເພ່ີມຮອດ 3 ຄົນ, ຜູ່ຖືກສົງໄສຕິດເຊື້ອ
ໄວລັດດ່ັງກ່າວໄດ້ເພ່ີມຮອດ 6 ຄົນ, ແຕ່ທ່ານບໍ່ໄດ້ກ່າວວ່າ 3 ຄົນທ່ີຖືກບ່ົງມະຕິເປັນໄຂ້ ຫວັດໃຫຍ່ສັດປີກດ່ັງກ່າວລວມທັງເດັກຊາຍທ່ີຕາຍໃນຕອນຮຸ່ງເຊົ້າມື້ດຽວກັນຫຼືບໍ່.

ມື້ດຽວກັນ, ທ່ານສົມສັກ ລັດຖະມົນຕີກະຊວງກະສິກຳແລະສະຫະກອນໄທກ່າວວ່າ, ໄທ ເປີດກວ້າງຂອບເຂດປ້ອງກັນໄຂ້ຫວັດໃຫຍ່ສັດປີກຈາກ 2 ຈັງຫວັດຄືຈັງຫວັດການຈະ
ນະບຸລີແລະຈັງຫວັດສຸພັນບຸລີທ່ີປະກົດເຫັນໄຂ້ຫວັດໃຫຍ່ສັດປີກກ່ອນໄປຮອດ 10 ຈັງ
ຫວັດ.

ກ່ອນນີ້ມື້ໜ່ຶງ, ເຈົ້າໜ້າທ່ີຊັ້ນສູງຜູ່ໜ່ຶງຂອງກະຊວງກະສິກຳອິນໂດເນເຊຍຢືນຢັນວ່າ, ຢູ່
ອິນໂດເນເຊຍກໍ່ປະກົດເຫັນໄຂ້ຫວັດໃຫຍ່ສັດປີກ. ວັນທີ 26 ມັງກອນນີ້ ອິນໂດເນເຊຍ
ໄດ້ຂ້າທັງເຜົາໄກ່ຫຼາຍພັນໂຕຢູ່ເກາະບາລີ ບ່ອນທ່ອງທ່ຽວທ່ີມີຊ່ືສຽງ ເຊ່ິງເປັນເຂດໜ່ຶງ
ທ່ີມີໄຂ້ຫວັດໃຫຍ່ສັດປີກໜັກໜ່ວງກວ່າໝູ່. ດ້ວຍເຫດນີ້ຍ່ີປຸ່ນໄດ້ເຊົານຳເຂົ້າສັດປີກລ້ຽງ ແລະຜະລິດຕະພັນທ່ີກ່ຽວຂ້ອງທ່ີຜະລິດຢູ່ອິນໂດເນເຊຍແຕ່ວັນທີ 25 ມັງກອນນີ້ເປັນຕົ້ນ
ໄປ.

ນອກນີ້ຂ່າວແຈ້ງວ່າ ວັນທີ 26 ມັງກອນນີ້ ເຈົ້າໜ້າທ່ີປ້ອງກັນພະຍາດແຂວງຈຸງໂຈງ ນາມໂດແຫ່ງສາທາລະນະສັດເກົາຫຼີກ່າວວ່າ, ວັນທີ 24 ມັງກອນນີ້ ຟາມລ້ຽງໄກ່ແຫ່ງ ໜ່ຶງຢູ່ພາກຕາເວັນຕົກຂອງເມືອງເຈໂອນານແຂວງດ່ັງກ່າວໄດ້ປະກົດເຫັນໄຂ້ຫວັດໃຫຍ່
ສັດປີກອີກ.

ແຕ່ທ້າຍປີກາຍນີ້ເປັນຕົ້ນມາ, ຢູ່ສາທາລະນະລັດເກົາຫຼີ ຍ່ີປຸ່ນ ຫວຽດນາມ ໄທແລະກຳ ປູເຈຍເປັນຕົ້ນໄດ້ປະກົດເຫັນໄຂ້ຫວັດໃຫຍ່ສັດປີກ, ຢູ່ຫວຽດນາມແລະໄທຍັງມີຄົນຕາຍ
ຍ້ອນຕິດເຊື້ອໄວລັດໄຂ້ຫວັດໃຫຍ່ສັດປີກ.