ຂ່າວສານຊິນຮວາລາຍງານວ່າ, ໃນ 6 ປີທ່ີຜ່ານມາ, ເຂດຕິເບດໄດ້ປະຕິບັດລະບອບ
ຮ່ວມມືປ່ິນປົວຢ່າງກວາງຂວາງຢູ່ເຂດກະສິກຳແລະເຂດລ້ຽງສັດ,ຊາວກະສິກອນແລະ
ຊາວລ້ຽງສັດ 80% ຂຶ້ນໄປໄດ້ເຂົ້າຮ່ວມລະບອບຮ່ວມມືປ່ິນປົວ, ໄດ້ຫຼຸດຜ່ອນຄວາມ
ຫາບແບກເສດຖະກິດຂອງຊາວກະສິກອນແລະຊາວລ້ຽງສັດໃນການປ່ິນປົວແລະຮັກ
ສາສຸຂະພາບ.

ລະບອບຮ່ວມມືປ່ິນປົວຍຶດໝັ້ນຫຼັກການທ່ີອົງການປົກຄອງອອກຄ່າປ່ິນປົວຫຼາຍ ຊາວ ກະສິກອນແລະຊາວລ້ຽງສັດອອກຄ່າປ່ິນປົວໜ້ອຍ, ແມ່ນລະບອບຮ່ວມມືຊ່ອຍເຫຼືອ ເຊ່ິງກັນແລະກັນທ່ີຊາວກະສິກອນແລະຊາວລ້ຽງສັດສະໝັກເຂົ້າຮ່ວມ ອົງການປົກຄອງ
ໝູ່ຄະນະແລະບຸກຄົນສ່ວນຕົວພ້ອມກັນປະກອບເງິນທຶນ.

ປີກາຍນີ້, ນາງຊັງຊັງລາມູ ຊາວກະສິກອນຢູ່ເມືອງຕາຈ່ືເຂດຕິເບດ ຍ້ອນອອກເລືອດ
ຫຼາຍຫຼັງປະສູດລູກ ແລ້ວໄດ້ເສຍຄ່າປ່ິນປົວງວດໃຫຍ່, ລະບອບຮ່ວມມືປິ່ນປົວໄດ້ແກ້
ໄຂຄ່າປ່ິນປົວ 1 ໝື່ນ 8 ພັນກວ່າຢວນໃຫ້ນາງ. ສ່ວນຄ່າເຂົ້າຮ່ວມລະບອບຮ່ວມມືປ່ິນ
ປົວທ່ີນາງຈ່າຍນັ້ນພຽງແຕ່ 10 ຢວນທໍ່ນັ້ນ.

ຕາມໄດ້ຊາບ, ເລ່ີມແຕ່ປີນີ້ເປັນຕົ້ນໄປ, ເຂດຕິເບດຈະຊຸກຍູ້ການປະຕິບັດລະບອບຮ່ວມ
ມືປ່ິນປົວຍ່ິງກວ້າງຂວາງກວ່າເກົ່າ, ເຮັດໃຫ້ຊາວກະສິກອນແລະຊາວລ້ຽງສັດຍ່ິງຫຼາຍ
ໄດ້ຜົນປະໂຫຍດ.