ວິທະຍຸສາກົນແຫ່ງປະເທດຈີນລາຍງານວ່າ:ເພື່ອສະກັດກັ້ນເຊື້ອໄຂ້ຫວັດໃຫຍ່ສັດປີກ
ແຜ່ລາມເຂົ້າປະເທດຕົນ,ວັນທີ26ມັງກອນ,ລັດເຊຍ ໂປໂລຍແລະປະເທດອື່ນໆຕົກລົງ
ວ່າ,ຢຸດຕິນຳເຂົ້າຜະລິດຕະພັນຊີ້ນໄກ່ຈາກໄທ ກຳປູເຈຍ ອິນໂດເນເຊຍແລະເຂດໄຕ້
ຫວັນຂອງຈີນ.

ຕາມຊາບວ່າ,ການແຜ່ລະບາດຂອງໄຂ້ຫວັດໃຫຍ່ສັດປີກໄດ້ເຮັດໃຫ້ການລ້ຽງສັດປີກ
ຂອງປະເທດທີ່ກ່ຽວຂ້ອງຖືກໂຈມຕີຢ່າງໜັກໜ່ວງທີ່ບໍ່ເຄີຍມີມາກ່ອນ.ປະລິມານການ
ສົ່ງອອກຊີ້ນໄກ່ຂອງໄທເປັນທີສີ່ໃນໂລກ,ພຽງແຕ່ປີ2003ປີດຽວທໍ່ນັ້ນຈຶ່ງສ້າງລາຍຮັບ
ເງິນຕາຕ່າງປະເທດ1ຕື້300ລ້ານໂດລາສະຫະລັດໃຫ້ໄທ.ຕັ້ງແຕ່ພົບເຫັນໄຂ້ຫວັດໃຫຍ່
ສັດປີກແລ້ວ,ໄທໄດ້ຂ້າໄກ່ລ້ຽງເກືອບ9ລ້ານໂຕ.ການຂ້າໄກ່ຫຼາຍປານນີ້ໄດ້ເຮັດໃຫ້ຫຼາຍ
ເອກະຊົນແລະຟາມທີ່ລ້ຽງສັດປີກຫຼົ້ມຈົມ.

ທີ່ຈິງແລ້ວ,ນັກວິທະຍາສາດອາຊີຮູ້ຈັກໄຂ້ຫວັດໃຫຍ່ສັດປີກ.ປີ1997,ພວກເທ່ານກໍ່ໄດ້
ຄົ້ນຄວ້າຜະລິດວັກແຊງອອກ,ໄດ້ສະກັດກັ້ນໄຂ້ຫວັດໃຫຍ່ສັດປີກທີ່ແຜ່ລະບາດຢູ່ຮົງກົງ
ຈີນໃນເວລານັ້ນຢ່າງບັງເກີດຜົນ.

ແຕ່ວ່າ,ເຊື້ອໄວລັດໄຂ້ຫວັດໃຫຍ່ສັດປີກທີ່ພົບເຫັນເທື່ອນີ້ໄດ້ປ່ຽນຊະນິດແລ້ວ,ທັງນີ້ແມ່ນ
ສິ່ງທີ່ນັກວິທະຍາສາດບໍ່ຢາກເຫັນ,ເຊື້ອໄຂ້ຫວັດໃຫຍ່ສັດປີກຊະນິດໃໝ່ທີ່ແຜ່ລະບາດຢູ່
ອາຊີເທື່ອນີ້ຊື່ວ່າH5N1,ໄດ້ພົບເຫັນເປັນຄັ້ງທຳອິດຢູ່ສາທາລະນະລັດເກົາຫຼີໃນທ້າຍປີ
2003.ເຊື້ອໄວລັດຊະນິດນີ້ບໍ່ພຽງແຕ່ຕ່າງກັນຫຼາຍກັບເຊື້ອໄຂ້ຫວັດໃຫຍ່ສັດປີກທີ່ເຄີຍ
ເກີດຂຶ້ນຢູ່ຮົງກົງຈີນທໍ່ນັ້ນ,ຍັງປ່ຽນຊະນິດອີກຫຼັງມີຄົນຕິດແລ້ວ,ຢາເດີມບໍ່ມີບົດບາດຕໍ່
ມັນອີກແລ້ວ.ສິ່ງທີ່ໂຊກດີແມ່ນປະຈຸບັນນີ້ຍັງບໍ່ມີຫຼັກອ້າງອີງສາມາດຢືນຢັນວ່າ,ເຊື້ອໄຂ້
ຫວັດໃຫຍ່ສັດປີກແຜ່ລະບາດຢູ່ລະຫວ່າງຄົນ,ຄົນທັງຫຼາຍບໍ່ຕ້ອງເປັນຫ່ວງຈະຕິດເຊື້ອ
ຈາກຜູ້ຕິດໄຂ້ຫວັດໃຫຍ່ສັດປີກ.

ປະຈຸບັນນີ້,ອົງການອະນາໄມໂລກໄດ້ອອດປະກາດຕໍ່ບຸກຄົນວົງການວິທະຍາສາດທົ່ວ
ໂລກ,ຫວັງໃຫ້ນັກວິທະຍາສາດທົ່ວໂລກຮ່ວມມືກັນຕ້ານເຊື້ອໄວລັດຊະນິດໃໝ່ນີ້,ຄົ້ນ
ຄວ້າຜະລິດວັກແຊກຊະນິດໃໝ່ອອກໂດຍໄວ,ປ້ອງກັນບໍ່ໃຫ້ເຊື້ອໄຂ້ຫວັດໃຫຍ່ສັດປີກ
H5N1ທຳລາຍຄົນຫຼາຍກວ່າເກ່ົາ.