ວິທະຍຸສາກົນແຫ່ງປະເທດຈີນລາຍງານວ່າ:ວັນທີ28ມັງກອນ,ກອງປະຊຸມຂັ້ນລັດຖະ
ມົນຕີກ່ຽວກັບສະຖານະການໄຂ້ຫວັດສັດປີກໃນສະເພາະໜ້ານີ້ໄດ້ໄຂຂຶ້ນຢູ່ບາງກອກ
ນະຄອນຫຼວງແຫ່ງປະເທດໄທ.

ຜູ້ແທນທີ່ມາຈາກ13ອົງກອນເສດຖະກິດ ຄືອາເມລິກາ ຈີນ ຍີ່ປຸ່ນເປັນຕົ້ນແລະຜູ້ແທນ
ທີ່ມາຈາກ3ອົງການຈັດຕັ້ງສາກົນທີ່ກ່ຽວຂ້ອງ ຄື ອົງການອະນາໄມໂລກ ອົງການຟາວ
ແລະອົງການພະຍຸສັດສາກົນເປັນຕົ້ນໄດ້ເຂົ້າຮ່ວມກອງປະຊຸມ.

ນີ້ແມ່ນກອງປະຊຸມສາກົນກ່ຽວກັບໄຂ້ຫວັດສັດປີກຄັ້ງທຳອິດທີ່ຈັດຂຶ້ນພາຍຫຼັງບາງປະ
ເທດເກີດມີໄຂ້ຫວັດສັດປີກຕາມໆກັນໃນທ້າຍປີ2003ມານີ້.ຜູ້ແທນທີ່ຮ່ວມປະຊຸມຈະຕີ
ລາຄາສະຖານະການໄຂ້ຫວັດສັດປີກຢູ່ພາກພື້ນອາຊີໃນປະຈຸບັນນີ້,ພ້ອມກັນຫາລືມາດ
ຕະການແກ້ໄຂ້ຫວັດສັດປີກຢ່າງບັງເກີດຜົນ, ຕົກລົງຫຼັກການຊີ້ນຳທີ່ປະຊາຄົມໂລກ
ຮ່ວມມືຕ້ານໄຂ້ຫວັດສັດປີກ.

ກ່ອນນີ້ມື້ໜຶ່ງ,ທະນາຄານພັດທະນາອາຊີອອກຖະແຫຼງການວ່າ,ທະນາຄານພັດທະນາ
ອາຊີຈະຊ່ອຍເຫຼືອສະມາຊິກທີ່ໄດ້ເກີດໄຂ້ຫວັດສັດປີກຕ້ານກາຂົ່ມຂູ່ສຸກຂະພາບແລະ
ເສດຖະກິດຂອງພາກພື້ນນີ້ຍ້ອນໄຂ້ຫວັດສດັປີກ,ແລະຮຽກຮ້ອງດຳເນີນການຮ່ວມມືພູ
ມີພາກໃນການຕ້ານໄຂ້ຫວັດສັດປີກ.

ທະນາຄານພັດທະນາອາຊີຍັງກ່າວວ່າ,ເງິນທຶນສ່ວນໜຶ່ງທີ່ທະນາຄານພັດທະນາອາຊີ
ອະນຸມັດໃຊ້ເຂົ້າໃນສະກັດກັ້ນແລະປົວພະຍາດຊາສໃນປີ2003ສາມາດນຳໃຊ້ເຂົ້າໃນ
ສະກັດກັ້ນແລະປົວໄຂ້ຫວັດສັດປີກໃນທັນທີ.

ວັນທີ27ມັງກອນ,ຢູ່ທີ່ເຊີແນວ,ອົງການອະນາໄມໂລກ ອົງການຟາວແລະກົມພະຍຸສັດ
ສາກົນໄດ້ຮ່ວມກັນອອກປະກາດຖະແຫຼງຂ່າວ,ຮຽກຮ້ອງປະຊາຄົມໂລກດຳເນີນການ
ຮ່ວມມືຢ່າງກວ້າງຂວາງ,ຍາດແຍ່ງຄວບຄຸມໄຂ້ຫວັດສັດປີກໃຫ້ໄວກ່ອນມັນຈະແຜ່
ລາມໄປວົງກວ້າງ.

ທ່ານຫຼີຈົງວຸກ ຜູ້ອຳນວຍການໃຫຍ່ອົງການອະນາໄມໂລກຊີ້ອອກວ່າ,ໃນໂລກບໍ່ມີບ່ອນ
ໃດອາດເຫັນວ່າແມ່ນປອດໄພ.ປະຊາຄົມໂລກຄວນດຳເນີນການຮ່ວມມືລະຫວ່າງຊາດ
ຄືກັນກັບການຕ້ານພະຍາດຊາສໃນປີ2003,ມີແຕ່ນານາຊາດຮ່ວມມືກັນແລ້ວຈຶ່ງສາມາດ
ຕ້ານການຂົ່ມຂູ່ຂອງພະຍາດເກີດໃໝ່ທີ່ມີຕໍ່ສຸກຂະພາບຂອງມະນຸດ.