ວິທະຍຸສາກົນແຫ່ງປະເທດຈີນລາຍງານວ່າ,ພາຍຫລັງໃນບາງແຫ່ງຂອງຈີນເກີດໄຂ້
ຫວັດໃຫຍ່ສັດປີກຫຼືຖືກສົງໄສເປັນໄຂ້ຫວັດໃຫຍ່ສັດປີກຢ່າງລຽນຕິດແລ້ວ,ແຫ່ງຕ່າງໆ
ລ້ວນແຕ່ໃຊ້ມາດຕະການຢ່າງຕັ້ງຫນ້າປ້ອງກັນແລະຄວບຄຸມໄຂ້ຫວັດໃຫຍ່ສັດປີກ.

ວຽກງານບັງຄັບສັກຢາຕ້ານພະຍາດໄຂ້ຫວັດໃຫຍ່ສັດປີກໃນເມືອງມາອານຊານແລະ
ຂອບເຂດ 5 ກິໂລແມັດອ້ອມຂ້າງເຂດທີ່ມີໄຂ້ຫວັດໃຫຍ່ສັດປີກລະບາດໃນເມືອງກວາງ
ເຕີແຂວງອານອຸຍໄດ້ສິ້ນສຸດລົງແລ້ວ.ປະຈຸບັນນີ້,ວິສາຫະກິດລ້ຽງສັດປີກທີ່ມີຂະຫນາດ
ໃຫຍ່ສົມຄວນເລ່ີມຈັດຕັ້ງເອົາເອງເຮັດວຽກງານສັກຢາປ້ອງກັນ,ວັນທີ່ 1 ກຸມພາ, ນະ
ຄອນຊຽງໄຮ້ໄດ້ຈັດຕັ້ງຫນ່ວຍຕິດຕາມກວດກາ 10 ຫນ່ວຍໄປເຂດຊານເມືອງຕ່າງໆ
ເພື່ອສຳຫຼວດຢ່າງຮອບດ້ານ.

ຕາມຊາບວ່າ,ໃນເຂດທີ່ມີພະຍາດໄຂ້ຫວັດໃຫຍ່ສັດປີກແລະຖືກສົງໄສມີພະຍາດໄຂ້ຫວັດ
ໃຫຍ່ສັດປີກຍັງບໍ່ທັນປະກົດມີຄົນຖືກຕິດແປດເທື່ອ.

ກ່ອນນີ້ມື້ນ່ຶງ,ຢູ່ປັກກ່ິງ,ຜູ້ຮັບຜິດຊອບທີ່ກ່ຽວຂ້ອງຂອງກະຊວງການຄ້າເວົ້າວ່າ,ພາຍຫລັງ
ຈີນປະກາດໄຂ້ຫວັດໃຫຍ່ສັດປີກໃນວັນທີ 27 ມັງກອນແລ້ວ,ກະຊວງການຄ້າຂອງຈີນ
ໄດ້ເພ່ີມທະວີການຕິດຕາມຄວບຄຸມຜະລິດຕະພັນສັດປີກຂາເຂົ້າຂາອອກ,ການຈໍລະຈອນ
ຕະຫຼາດພາຍໃນປະເທດແລະຕໍ່ວ່າຕໍ່ຂານກັບຕ່າງປະເທດ,ປ້ອງກັນຢ່າງເຄ່ັງຄັດບໍ່ໃຫ້ຜະ
ລິດຕະພັນສັດປີກຂອງປະເທດທີ່ມີພະຍາດໄຂ້ຫວັດໃຫຍ່ສັດປີກເຂົ້າມາຈີນແລະບໍ່ໃຫ້ຜະ
ລິດຕະພັນສັດປີກໃນເຂດທີ່ມີພະຍາດໄຂ້ຫວັດໃຫຍ່ຂອງ່ຈີນສ່ົງອອກຂາຍນອກ.

ພ້ອມກັນນັ້ນ,ຂະແຫນງການທີ່ກ່ຽວຂ້ອງພາຍໃນປະເທດຈີນໄດ້ໃຊ້ມາດຕະການ,ເພ່ີມທະ
ວີການຕິດຕາມກວດກາຕະຫຼາດຊີ້ນ,ເພື່ອຮັບປະກັນສິນຄ້າປ້ອນຕະຫຼາດ.

ນອກນີ້,ຂ່າວແຈ້ງວ່າ,ວັນທີ 1 ກຸມພາ ,ຢູ່ປັກກ່ິງ,ທ່ານຈາໂຢລິນ ຊ່າງລ້ຽງສັດປີກໃຫຍ່
ຂອງກະຊວງກະສິກຳຈີນເວົ້າວ່າ,ປະຈຸບັນນີ້,ເຕັກນິກຜະລິດຢາບ່ົງມະຕິໄຂ້ຫວັດໃຫຍ່ສັດ
ປີກຂອງຈີນສຸກງ່ອມຫຼາຍ,ໄດ້ຄົ້ນຄວ້າຜະລິດວັກແຊງທີ່ມີປະສິດທິຜົນແລ້ວ,ອັດຕາປົກ
ປ້ອງຂອງວັກແຊງຊະນິດນີ້ໃນຫ້ອງທົດລອງສາມາດບັນລຸເຖິງ 100%.