ວິທະຍຸສາກົນແຫ່ງປະເທດຈີນລາຍງານວ່າ: ວັນທີ 2 ກຸມພາ ຢູ່ບຼູແຊນ ນະຄອນຫລວງ
ແບນຊິກ ທ່ານລີຈ່ົງວົກ ຜູ່ອຳນວຍການໃຫຍ່ອົງການອະນາໄມໂລກໄດ້ສະແດງຄວາມ
ຊົມເຊີຍຕໍ່ຈີນທ່ີທຳຄວາມພະຍາຍາມໃນການຄວບຄຸມພະຍາດໄຂ້ຫວັດສັດປີກ.ທ່ານເວົ້າ
ວ່າ: ເຖິງວ່າພະຍາດໄຂ້ຫວັດສັດປີກຍັງພວມແຜ່ລາມຢູ່ອາຊີກໍ່ຕາມ, ແຕ່ຈີນໄດ້ໃຊ້ມາດ
ຕະການຢ່າງແຂງແຮງແລ້ວ, ທ່ານມີຄວາມຫມັ້ນໃຈອັນເຕັມປ່ຽມຕໍ່ຈີນຄວບຄຸມສະພາບ
ພະຍາດໄຂ້ຫວັດສັດປີກ.
ນອກນີ້ ຫວ່າງມໍ່ໆນີ້ ວາລະສານນິວຊາຍທິສ (new scientist) ຂອງອງັກິດໄດ້ພິມບົດ
ຄວາມກ່າວວ່າ, ແຫລ່ງເກີດພະຍາດໄຂ້ຫວັດສັດປີກຂອງອາຊີເທື່ອນີ້ອາດຈະແມ່ນຢູ່ຈີນ.
ຜູ່ຊ່ຽວຊານກ່ຽວຂ້ອງຊີ້ອອກວ່າ,ຄວາມເວົ້າແບບນີ້ແມ່ນບໍ່ມີຫລັກຖານຈັກເມັດ.
ທ່ານຢາງຮ້ານຊຸນ ສາສະດາຈານມະຫາວິທະຍາໄລກະສິກຳຈີນຊີ້ອອກວ່າ:ພາຍຫລັງຢູ່
ເຂດກວາງຊີແລະຢູ່ບາງທ້ອງຖິ່ນຂອງຈີນໄດ້ເກີດພະຍາດໄຂ້ຫວັດສັດປີກໃນທ້າຍເດືອນ
ມັງກອນແລ້ວ, ລັດຖະບານຈີນກໍ່ໄດ້ແຈ້ງສະພາບການຕໍ່ພາຍນອກໃນທັນທີ,ແລະນຳໃຊ້
ມາດຕະການປ້ອງກັນແລະປົວຢ່າງບັງເກີດຜົນ, ນັບມາຮອດປະຈຸບັນບໍ່ມີອົງການຄົ້ນຄວ້າ
ວິທະຍາສາດທ່ີມີອິດທິພົນໃດໆຍົກເອົາຫລັກຖານມາຢືນຢັນວ່າ, ຈີນແມ່ນແຫລ່ງເກີດພະ
ຍາດໄຂ້ຫວັດສັດປີກເທື່ອນນີ້.
ທ່ານໂຈ່ວເຈ່ຍ ນັກຄົ້ນຄວ້າຂອງສະພາບັນດິດວິທະຍາສາດກະສິກຳປ່າໄມປັກກິ່ງເຫັນ
ວ່າ, ເມື່ອສັງເກດຈາກດ້ານພະຍາດໄຂ້ຫວັດສັດປີກແຜ່ລາມຂ້າມຊາດຢ່າງງ່າຍນັ້ນເຫັນ
ວ່າ, ນົກເຄື່ອນທ່ີຕາມລະດູການນັ້ນອາດຈະແມ່ນແຫລ່ງລະບາດຂອງພະຍາດນີ້.ທ່ານເວົ້າ
ວ່າ: ດຽວນີ້ ນັກວິທະຍາສາດປະເທດຕ່າງໆໄດ້ມີຄວາມຮັບຮູ້ຄືກັນວ່າ, ສັດປີກນ້ຳໂດຍ
ສະເພາະແມ່ນເປັດປ່າແມ່ນສັດສຳຄັນທ່ີມີເຊື້ອໄຂ້ຫວັດສັດປີກ,ຂີ້ທ່ີມັນລະບາຍນັ້ນມີເຊື້ອ
ພະຍາດຢ່າງຫລວງຫລາຍ, ເມື່ອພວກມັນບິນໄປຮອດບ່ອນໃດ, ກໍ່ເອົາເຊື້ອພະຍາດໄປ
ໃຫ້ຝຸງໄກ່ຢູ່ບ່ອນນັ້ນໂລດ, ເລີຍເກີດພະຍາດໄຂ້ຫວັດສັດປີກທ່ີມີການຕິດແປດຢ່າງຮ້າຍ
ແຮງທ່ີສຸດ.
ຕາມລາຍງານວ່າ, ຫວ່າງມໍ່ໆນີ້ ໂຄສົກຍິງຂອງອົງການອະນາໄມໂລກກໍ່ເຜີຍວ່າ, ເດືອນ
ເມສາປີກາຍນີ້ ຢູ່ອາຊີໄດ້ເກີດພະຍາດໄຂ້ຫວັດສັດປີກທ່ີມີການຕິດແປດຢ່າງຮ້າຍແຮງ
ແລ້ວ, ແຕ່ແຫລ່ງຕິດແປດບໍ່ຢູ່ຈີນ.
|
