ວິທະຍຸສາກົນແຫ່ງປະເທດຈີນລາຍງານວ່າ, ວັນທີ 3 ກຸມພານີ້ ຢູ່ທ່ີປັກກ່ິງ, ລັດຖະບານ
ຈີນໄດ້ໄຂກອງປະຊຸມຈັດວາງວຽກງານກັນແລະປົວພະຍາດໄຂ້ຫວັດສັດປີກທ່ົວປະເທດ,
ທ່ານຫູຍລຽງຢູ້ ຮອງນາຍົກລັດຖະມົນຕີຈີນ ຜູ່ບັນຊາການສູງສຸດກອງບັນຊາການກັນ
ແລະປົວພະຍາດໄຂ້ຫວັດສັດປີກທ່ົວປະເທດໄດ້ຮຽກຮ້ອງອົງການປົກຄອງທຸກຂັ້ນຕ້ອງ
ຖືສຸກຂະພາບແລະຄວາມປອດໄພຂອງມວນຊົນໄວ້ຢູ່ອັນດັບໜ່ຶງ, ເພ່ີມຄວາມແຮງຂອງ
ວຽກງານ, ປ້ອງກັນຢ່າງເຂັ້ມງວດ ເດັດດ່ຽວຄວບຄຸມເຊື້ອພະຍາດໄຂ້ຫວັດສັດປີກ.

ຕາມໄດ້ຊາບ, ໂດຍແນໃສ່ສ່ືມວນຊົນຕ່າງປະເທດລາຍງານວ່າຢູ່ຈີນມີຄົນຕິດເຊື້ອພະ
ຍາດໄຂ້ຫວັດສັດປີກ, ວັນທີ 3 ກຸມພາ ໂຄສົກຖະແຫຼງຂ່າວກະຊວງສາທາລະນະສຸກ
ຈີນກ່າວວ່າ, ການລາຍງານຂ່າວນີ້ບໍ່ມີຫຼັກຖານຈັກເມັດ, ແມ່ນບໍ່ຮັບຜິດຊອບ. ນັບມາ
ຮອດປະຈຸບັນ, ຢູ່ເຂດໃນຈີນບໍ່ມີຜູ່ໃດຕິດເຊື້ອພະຍາດໄຂ້ຫວັດສັດປີກ.