ວັນທີ 5 ກຸມພານີ້ ຢູ່ທ່ີປັກກ່ິງ, ເຈົ້າໜ້າທີກະຊວງກະສິກຳແລະກະຊວງສາທາລະນະ
ສຸກຂອງຈີນຮ່ວມກັນຢືນຢັນວ່າ, ນັບມາຮອດປະຈຸບັນ, ເຊື້ອພະຍາດໄຂ້ຫວັດສັດປີກທ່ີ
ໄດ້ເກີດຂຶ້ນຢູ່ 12 ເຂດແຂວງຂອງຈີນ ບໍ່ໄດ້ແຜ່ລະບາດຈາກສັດໄປສູ່ຄົນ, ຢູ່ເຂດໃນ ຈີນຍັງບໍ່ທັນໄດ້ພົບເຫັນມີຜູ່ໃດຕິດເຊື້ອພະຍາດໄຂ້ຫວັດສັດປີກ. ພະຍາດໄຂ້ຫວັດສັດ
ປີກຖືກຄວບຄຸມໄວ້ຂ້ອນຂ້າງດີ.

ໃນງານຊຸມນຸມນັກຂ່າວທ່ີຫ້ອງການຖະແຫຼງຂ່າວລັດຖະບານຈີນຈັດຂຶ້ນນັ້ນ, ທ່ານຫຼິວ
ແຈນ ຮອງລັດຖະມົນຕີກະຊວງກະສິກຳຈີນໄດ້ສະເໜີສະພາບການສະກັດກັ້ນພະຍາດ
ໄຂ້ຫວັດສັດປີກຂອງຈີນໃນໄລຍະມໍ່ໆມານີ້. ທ່ານເວົ້າວ່າ:ວັນທີ 27 ມັງກອນຈີນໄດ້ປະ ກາດພົບເຫັນພະຍາດໄຂ້ຫວັດສັດປີກທ່ີມີການຕິດແປດຮ້າຍແຮງທ່ີສຸດລາຍທຳອິດ,ນັບ
ມາຮອດວັນທີ 4 ກຸມພານີ້, ລວມທັງໝົດໄດ້ພົບເຫັນພະຍາດດ່ັງກ່າວ 23 ລາຍ,ໃນນັ້ນ
ມີ 18 ລາຍຖືກສົງໄສເປັນພະຍາດໄຂ້ຫວັດສັດປີກ,ມີ 5 ລາຍຖືກບ່ົງມະຕິເປັນພະຍາດ
ໄຂ້ຫວັດສັດປີກ; ໃນທ່ົວປະເທດມີສັດປີກລ້ຽງ 5 ໝື່ນກວ່າໂຕຕິດເຊື້ອພະຍາດ, ໄດ້ຂ້າ
1 ລ້ານ 2 ແສນກວ່າໂຕ.ພະຍາດໄຂ້ຫວັດສັດປີກຫຼາຍລາຍຖືກຄວບຄຸມໄວ້ຂ້ອນຊ້າງດີ, ບໍ່ໄດ້ພົບເຫັນມີຄົນຕິດເຊື້ອພະຍາດໄຂ້ຫວັດສັດປີກ.

ທ່ານກ່າວວ່າ, ປະຈຸບັນ ຈີນໄດ້ປະຕິບັດລະບອບລາຍງານສະພາບໄຂ້ຫວັດສັດປີກປະ
ຈຳວັນ, ຮຽກຮ້ອງອົງການປົກຄອງທ້ອງຖ່ິນຕ້ອງລາຍງານຕາມສະພາບຕົວຈິງ; ແຕ່ວັນ
ທີ 5 ກຸມພາເປັນຕົ້ນໄປ ຈີນເລ່ີມປະຕິບັດລະບອບຖະແຫຼງຂ່າວໂດຍສະເພາະ, ປະ
ກາດສະພາບພະຍາດແລະສະພາບອື່ນໆທ່ີກ່ຽວຂ້ອງຕໍ່ສັງຄົມແລະສ່ືມວນຊົນ.

ຕາມສະເໜີວ່າ, ລັດຖະບານກາງຈີນຈະແຕ່ງໜ່ວຍກວດກາ ເຕືອນວຽກງານສະກັດກັ້ນ ພະຍາດໄຂ້ຫວັດສັດປີກຂອງອົງການປົກຄອງທ້ອງຖ່ິນ,ເຈົ້າໜ້າທີ່ອົງການປົກຄອງທ້ອງ ຖ່ິນທ່ີສະກັດກັ້ນພະຍາດໄຂ້ຫວັດສັດປີກບໍ່ດີນັ້ນຈະປະຕິບັດວິໄນ.

ໃນງານຊຸມນຸມນັກຂ່າວທ່ີຈັດຂຶ້ນໃນມື້ນີ້ ທ່ານວາງລົງເຕີ ຮອງລັດຖະມົນຕີກະຊວງສາ
ທາລະນະສຸກຈີນເຜີຍວ່າ, ເຖິງວ່າອັດຕາຄົນຕິດເຊື້ອພະຍາດໄຂ້ຫວັດສັດປີກຂ້ອນຂ້າງ
ຕ່ຳກໍ່ຕາມ, ແຕ່ພາກສ່ວນຕ່າງໆຂອງຈີນກໍ່ໄດ້ກຽມພ້ອມແລ້ວຈະແກ້ໄຂບັນຫາຄົນເປັນ
ພະຍາດໄຂ້ຫວັດສັດປີກທ່ີອາດຈະເກີດຂຶ້ນ. ທ່ານເວົ້າວ່າ: ກ່ອນບຸນກຸດຈີນພວກຂ້າພະ ເຈົ້າໄດ້ປະກາດແຜນການສະກັດກັ້ນພະຍາດໄຂ້ຫວັດສັດປີກແຜ່ລະບາດຈາກສັດໄປສູ່
ຄົນຕໍ່ທ່ົວປະເທດແລ້ວ. ກ່ອນອື່ນແມ່ນຕ້ອງພົບເຫັນພະຍາດນີ້ຢ່າງວ່ອງໄວ, ທັງຊອກ
ຫາຄົນສຳຜັດຢ່າງໃກ້ຊິດ, ບາງຄົນສັງເກດເບ່ິງ, ສ່ວນຜູ່ທ່ີສຳຜັດຢ່າງໃກ້ຊິດທ່ີສຸດນັ້ນ
ຕ້ອງກັກກັນ, ນີ້ແມ່ນມາດຕະການສຳຄັນທ່ີສຸດໃນການຄວບຄຸມພະຍາດໄຂ້ຫວັດສັດປີກ.