ຂ່າວສານຊິນຮວາລາຍງານວ່າ:ວັນທີ5ກຸມພາ,ໃນເວລາໃຫ້ສຳພາດຕໍ່ນັກຂ່າວຂ່າວສານ
ຊິນຮວາ,ທ່ານແອຮະແມັດ ຜູ້ຕາງໜ້າອົງການຟາວປະຈຳຈີນເວົ້າວ່າ,ອົງການຟາວໄດ້
ອະນຸມັດໂຄງການຊ່ອຍເຫຼືອວິຊາການດ່ວນລາຍໜຶ່ງໃຫ້ຈີນ,ເພື່ອຊ່ອຍເຫຼືອຈີນກັນແລະ
ປົວພະຍາດໄຂ້ຫວັດສັດປີກ.

ທ່ານແອຮະແມັດເວົ້າວ່າ,ອົງການຟາວຈະສະໜອງ3ແສນ9ໝື່ນໂດລາສະຫະລັດ,ຈັດ
ວາງຜູ້ຊ່ຽວຊານສາກົນ2ຄົນແລະຜູ້ຊ່ຽວຊານຈີນ2ຄົນ,ແລະສະໜອງອຸປະກອນແລະ
ເຄື່ອງວັດແທກອັນຈຳເປັນ,ຄົ້ນຄວ້າພະຍາດໄຂ້ຫວັດສັດປີກຢູ່ກັບບ່ອນ,ແລະໃຫ້ຄຳປຶກ
ສາດ້ານວິຊາການໃຫ້ລັດຖະບານຈີນ.ຕາມຊາບວ່າ,ຜູ້ຊ່ຽວຊານອົສຕຼາລີຜູ້ໜຶ່ງຈະເດີນ
ທາງໄປຮອດປັກກິ່ງໃນໄວໆນີ້.

ທ່ານແອຮະແມັດເວົ້າວ່າ,ການກະທຳອັນວ່ອງໄວຂອງລັດຖະບານຈີນແມ່ນເໝາະສົມ,ນັບ
ມາຮອດປະຈຸບັນນີ້,ພວກຂ້າພະເຈົ້າຊົມເຊີຍຄວາມພະຍາຍາມທຸກຢ່າງຂອງລັດຖະບານ
ຈີນ.ອົງການຟາວກຽມພ້ອມຢູ່ທຸກເວລາຈະຮ່ວມມືກັບຈີນແລະຊ່ອຍເຫຼືອຈີນສະກັດກັ້ນ
ການແຜ່ລາມຂອງພະຍາດໄຂ້ຫວັດສັດປີກ.