ວິທະຍຸສາກົນແຫ່ງປະເທດຈີນລາຍງານວ່າ:ກອງປະຊຸມດ່ວນສະຫະປະຊາຊາດກ່ຽວ
ກັບພະຍາດໄຂ້ຫວັດສັດປີກທີ່ອົງການຟາວ ອົງການອະນາໄມໂລກແລະອົງການພະຍ
ຸສັດສາກົນຮ່ວມກັນຈັດຂຶ້ນເປັນເວລາ3ມື້ນັ້ນໄດ້ອັດລົງຢູ່ທີ່ກຸງໂລມໃນວັນທີ5ກຸມພາ.ຜູ້
ຊ່ຽວຊານປະມານ40ທ່ານທີ່ມາຈາກ14ປະເທດແລະເຂດແຄ້ວນໄດ້ເຂົ້າຮ່ວມກອງປະ
ຊຸມ.

ກອງປະຊຸມອອກຖະແຫຼງການຮ່ວມຮຽກຮ້ອງປະຊາຄົມໂລກເພີ່ມທະວີການຮ່ວມມື,ໃຊ້
ມາດຕະການສະກັດກັ້ນແລະຄວບຄຸມການລະບາດພະຍາດໄຂ້ຫວັດສັດປີກ,ແລະໃຫ້
ການຊ່ອຍເຫຼືອດ້ານເງິນທຶນແລະວິຊາການແກ່ປະເທດທີ່ເກີດພະຍາດດັ່ງກ່າວ.

ໃນງານຖະແຫຼງຂ່າວທີ່ຈັດຂຶ້ນໃນມື້ນັ້ນ,ທ່ານຈາກເຄິສ ດີອົຟ ຜູ້ອຳນວຍການໃຫຍ່ອົງ
ການຟາວຊີ້ອອກວ່າ,ເຖິງວ່າຄົນທັງຫຼາຍໄດ້ທຳຄວາມພະຍາຍາມຕ່າງໆນາໆສະກັດ
ກັ້ນການແຜ່ລາມຂອງພະຍາດໄຂ້ຫວັດສັດປີກກໍ່ຕາມ,ແຕ່ທີ່ຈິງແລ້ວພະຍາດໄຂ້ຫວັດ
ສັດປີກຍັງບໍ່ໄດ້ຖືກຄວບຄຸມ.ທ່ານຮຽກຮ້ອງທຸກປະເທດໃຊ້ມາດຕະການປ້ອງກັນລ່ວງ
ໜ້າຕໍ່ພະຍາດໄຂ້ຫວັດສັດປີກ,ເພີ່ມທະວີການບໍລິການດ້ານການສະກັດກັ້ນພະຍາດສັດ,
ແລະຮັກສາການຕິດຕໍ່ພົວພັນກັບອົງການສາກົນທີ່ກ່ຽວຂ້ອງ.ທ່ານກ່າວເຕືອນວ່າ, ຖ້າວ່າ
ພະຍາດໄຂ້ຫວັດສັດປີກຖືກຄວບຄຸມໄວ້ບໍ່ໄດ້,ຈະແຜ່ລາມໄປຮອດປະເທດອື່ນ,ຈະມີຜົນ
ຮ້າຍຢ້ອນຫຼັງອັນໜັກໜ່ວງຕໍ່ການພັດທະນາເສດຖະກິດແລະສາທາລະນະສຸກຂອງທົ່ວ
ສັງຄົມມະນຸດ.

ຜູ້ຊ່ຽວຊານທັງຫຼາຍທີ່ຮ່ວມປະຊຸມໄດ້ເນັ້ນໜັກເປັນພິເສດເຖິງຄວາມສຳຄັນແຫ່ງການ
ເພີ່ມທະວີການຮ່ວມມືສະກັດກັ້ນພະຍາດໄຂ້ຫວັດສັດປີກຢູ່ລະຫວ່າງຊາດແລະລະຫວ່າງ
ພາກພື້ນ.ພວກທ່ານຫວັງໃຫ້ບັນດາປະເທດລາຍງານພະຍາດຖືກສົງໄສເປັນພະຍາດໄຂ້
ຫວັດສັດປີກໂດຍໄວ,ແລະສ້າງຫຼັກການຊີ້ນຳທີ່ແນໃສ່ສະພາບການຂອງປະເທດຕ່າງໆ
ແລະແຜນການປະສານງານຂອງພາກພື້ນ.

ທ່ານຈາກເຄິສ ດີອົຟຍັງຊີ້ອອກວ່າ,ປະຈຸບັນນີ້,ອົງການຟາວໄດ້ສະໜອງການຊ່ອຍເຫຼືອ
ດ້ານວິຊາການທີ່ຕົກເປັນເງິນ5ລ້ານ5ແສນໂດລາສະຫະລັດໃຫ້ປະເທດທີ່ກ່ຽວຂ້ອງແລ້ວ,
ແຕ່ຍັງຕ້ອງການເງິນທຶນຍິ່ງຫຼາຍ.ທ່ານຫວັງໃຫ້ປະຊາຄົມໂລກບໍລິຈາກເງິນ.ມື້ດຽວກັນ,
ຢູ່ທີ່ເຊີແນວ,ອົງການອະນາໄມໂລກກໍ່ຮຽກ ຮ້ອງປະຊາຄົມໂລກສະໜອງການຊ່ອຍເຫຼືອ
ດ້ານເງິນທຶນແລະດ້ານວິຊາການໃຫ້ປະເທດອາຊີທີ່ເກີດພະຍາດໄຂ້ຫວັດສັດປີກ.