ວິທະຍຸສາກົນແຫ່ງປະເທດຈີນລາຍງານວ່າ, ວັນທີ 10 ກຸມພານີ້ ຂະແໜງການອະນາ
ໄມຫວຽດນາມຢືນຢັນວ່າ, ປະຈຸບັນ ຢູ່ຫວຽດນາມຍັງບໍ່ທັນໄດ້ພົບເຫັນສະພາບທ່ີພະ
ຍາດໄຂ້ຫວັດສັດປີກລະບາດຢູ່ລະຫວ່າງຄົນກັບຄົນເທ່ືອ.

ຂະແໜງການອະນາໄມຫວຽດນາມຊີ້ອອກວ່າ, ຄົນຫວຽດນາມຜູ່ເປັນພະຍາດໄຂ້ຫວັດ
ສັດປີກລ້ວນແຕ່ໄດ້ສຳຜັດກັບສັດປີກລ້ຽງໂດຍກົງຫຼືໂດຍທາງອ້ອມ, ສ່ວນພະນັກງານ
ການແພດ ພ່ີນ້ອງແລະຜູ່ອື່ນໆທ່ີສຳຜັດກັບຜູ່ເປັນພະຍາດໄຂ້ຫວັດສັດປີກລ້ວນແຕ່ບໍ່ມີ
ອາການເຈັບຫຍັງ.

ມື້ດຽວກັນ, ສ່ືມວນຊົນຫວຽດນາມລາຍງານວ່າ, ນັກວິທະຍາສາດຫວຽດນາມໄດ້ແກ້ລະ
ບຽບແຊນຂອງເຊື້ອພະຍາດ N1 ໃນເຊື້ອພະຍາດໄຂ້ຫວັດສັດປີກແບບ H5N1 ຢ່າງສຳ
ເລັດຜົນ, ສາມາດຮັບປະກັນກວດພົບເຊື້ອພະຍາດໄຂ້ຫວັດສັດປີກພາຍໃນ12ຊ່ົວໂມງ.
ກ່ອນໜ້ານີ້, ຜູ່ຊ່ຽວຊານດ້ານການແພດຂອງຫວຽດນາມກໍ່ໄດ້ແກ້ລະບຽບແຊນຂອງເຊື້ອ
ພະຍາດ H5 ຢ່າງສຳເລັດຜົນແລ້ວ.

ນອກນີ້ຂ່າວແຈ້ງວ່າ, ມື້ດຽວກັນ ເຈົ້າໜ້າທ່ີລັດເດລາວາອາເມລິກາປະກາດວ່າຢູ່ຟາມ
ແຫ່ງໜ່ຶງຢູ່ພາກກາງລັດດ່ັງກ່າວໄດ້ພົບເຫັນພະຍາດໄຂ້ຫວັດສັດປີກແບບ H7. ຟາມ ແຫ່ງນີ້ໄກຈາກຟາມທ່ີພົບເຫັນພະຍາດດ່ັງກ່າວໃນວັນທີ 6 ມີແຕ່ 5 ໄມເທ່ົານັ້ນ.