ວິທະຍຸສາກົນແຫ່ງປະເທດຈີນລາຍງານວ່າ,ວັນທີ12ກຸມພານີ້ ອົງການອະນາໄມໂລກ
ອອກຖະແຫຼງການວ່າ, ຜົນການກວດກາສະແດງໃຫ້ເຫັນວ່າ, ສອງເອື້ອຍນ້ອງຫວຽດ
ນາມຕາຍຍ້ອນພະຍາດໄຂ້ຫວັດສັດປີກໃນວັນທີ 23 ມັງກອນນັ້ນ ພະຍາດໃນຜູ່ຕາຍ
ມີແຕ່ແຊນພະຍາດໄຂ້ຫວັດສັດປີກທໍ່ນັ້ນ ບໍ່ມີແຊນພະຍາດໄຂ້ຫວັດຂອງມະນຸດ.ຈາກ
ນີ້ສາມາດຕົກລົງໄດ້ວ່າ, ເອື້ອຍນ້ອງສອງຄົນນີ້ບໍ່ໄດ້ຕິດພະຍາດໄຂ້ຫວັດສັດປີກຈາກຜູ່
ອື່ນໃນຄອບຄົວຫຼືຜູ່ອື່ນ.

ມື້ດຽວກັນ,ຜູ່ຊ່ຽວຊານດ້ານໂລກລະບາດວິທະຍາບາງຄົນກ່າວເຕືອນວ່າ,ປະເທດຕ່າງໆ
ຄວນຄວບຄຸມພະຍາດນີ້ໂດຍໄວ,ເພ່ືອປ້ອງກັນບໍ່ໃຫ້ເຊື້ອພະຍາດໄຂ້ຫວັດສັດປີກມີການ
ປ່ຽນແປງຄືລະບາດຢູ່ລະຫວ່າງຄົນກັບຄົນ.

ນອກນີ້ ຕາມສະຖິຕິຂອງກະຊວງສາທາລະນະສຸກຫວຽດນາມ, ນັບມາຮອດຕອນບ່າຍ
ວັນທີ 11 ກຸມພາ, ຢູ່ແຫ່ງຕ່າງໆຂອງຫວຽດນາມໄດ້ພົບເຫັນຜູ່ຖືກສົງໄສເປັນພະຍາດ
ໄຂ້ຫວັດສັດປີກ 7 ຄົນອີກ, ປະຈຸບັນ ຜູ່ຖືກສົງໄສເປັນພະຍາດນີ້ໄດ້ເພ່ີມຂຶ້ນຮອດ192
ຄົນ, ໃນນັ້ນມີ 35 ຄົນຕາຍ. ປະຈຸບັນ ການລະບາດຂອງພະຍາດໄຂ້ຫວັດສັດປີກໄດ້
ຜ່ອນຄາຍລົງໃນລະດັບໃດໜ່ຶງແລ້ວ, ບໍ່ໄດ້ພົບເຫັນບ່ອນໃໝ່ເກີດພະຍາດ3ມື້ລຽນຕິດ.