ຫວ່າງແລ້ວນີ້,ຜູ້ຊ່ຽວຊານທີ່ກ່ຽວຂ້ອງຂອງອົງການຟາວແລະອົງການອະນາໄມໂລກ
ປະກອບເປັນຄະນະສຳຫຼວດ,ໄປສຳຫຼວດວຽກງານກັນແລະປົວພະຍາດໄຂ້ຫວັດສັດ
ປີກທີ່ມີການຕິດແປດຮ້າຍແຮງທີ່ສຸດຢູ່ແຂວງຈ່ຽງຊີທີ່ຢູ່ພາກກາງຂອງຈີນ.ວັນທີ13ກຸມ
ພາ,ໃນເວລາໃຫ້ສຳພາດຕໍ່ນັກຂ່າວວິທະຍຸພວກເຮົາ, ຜູ້ຊ່ຽວຊານທີ່ກ່ຽວຂ້ອງຂອງຄະ
ນະສຳຫຼວດໄດ້ຢືນຢັນວຽກງານທີ່ກ່ຽວຂ້ອງຂອງແຂວງຈ່ຽງຊີ.

ທ່ານຊູຈີ ຫົວໜ້າຄະນະເຈົ້າໜ້າທີ່ຊັ້ນສູງຂອງສຳນັກງານອົງການຟາວປະຈຳຈີນເວົ້າ
ຕໍ່ນັກຂ່າວວ່າ, ພວກຂ້າພະເຈົ້າໄດ້ເຫັນ,ຢູ່ເຂດເກີດພະຍາດໄດ້ຕັ້ງ3ວົງ,ແຕ່ລະວົງລ້ວນ
ແຕ່ມີສັດຕະວະແພດພະນັກງານດັບເຊື້ອເຮັດວຽກກັນພະຍາດ,ຍັງມີຕຳຫຼວດຢູ່ຍາມ,
ຂ້າພະເຈົາເຫັນວ່າ,ວຽກງານດັ່ງກ່າວແມ່ນຕິດຈອດກັບມາດຖານສາກົນ.

ປະຈຸບັນນີ້,ວຽກງານກັນແລະປົວພະຍາດໄຂ້ຫວັດສັດປີກທີ່ມີການຕິດແປດຮ້າຍແຮງ
ທີ່ສຸດຂອງຈີນພວມດຳເນີນໄປຢ່າງຕັ້ງໜ້າແລະມີລະບຽບ.ໂດຍແນໃສ່ສະພາບການທີ່
ພະຍາດໄຂ້ຫວັດສັດປີກຂອງຈີນຍັງຂ້ອນຂ້າງໜັກໜ່ວງງ,ຄະນະສຳຫຼວດຍັງໄດ້ວາງ
ຂໍ້ສະເໜີອັນຕັ້ງໜ້າຕໍ່ວຽກງານກັນແລະປົວພະຍາດ.

ທ່ານດອກເຕີ ເຈເຟຼ ກີວເບີດ ຜູ້ຊ່ຽວຊານອົງການອະນາໄມໂລກເນັ້ນໜັກເປັນພິເສດ
ວ່າ,ໃນວຽກງານກັນແລະປົວພະຍາດໄຂ້ຫວັດສັດປີກ,ຈີນບໍ່ພຽງແຕ່ຕ້ອງເພີ່ມທະວີການ
ສ້າງສາລະບົບກັນພະຍາດພາຍໃນປະເທດທໍ່ນັ້ນ,ຍັງຄວນດຳເນີນການຮ່ວມມືຢ່າງສະ
ໜິດແໜ້ນກັບປະເທດແລະເຂດແຄວ້ນທີ່ກ່ຽວຂ້ອງ.

ທ່ານເຫັນວ່າ,ກ້າວຕໍ່ໄປ,ຈີນຄວນດຳເນີນການຮ່ວມມືກັບປະເທດແລະເຂດແຄວ້ນທີ
ກ່ຽວຂ້ອງພາຍພາກພື້ນແຫ່ງນີ້ເປັນເວລາຍາວານ,ສ້າງຊ່ອງທາງທີ່ຕິດຕໍ່ພົວພັນເຊິ່ງກັນ
ແລະກັນ,ແລ້ວສາມາດເກັບໂຮມແລະຊົມໃຊ້ຂໍ້ມູນຂ່າວສານທີ່ກ່ຽວຂ້ອງຢ່າງສະດວກ
ແລະໄວກວ່າເກົ່າ.ທັງນີ້ຈະມີຜົນດີຕໍ່ການຄວບຄຸມພະຍາດໄຂ້ຫວັດສັດປີກໃນປະຈຸບັນ
ນີ້ແລະພະຍາດຊະນິດອື່ນໆ.

ຕາມຊາບວ່າ,ອົງການຟາວໄດ້ຈັດວາງຜູ້ຊ່ຽວຊານຊັ້ນສູງອົສຕຼາລີຜູ້ໜ່ຶ່ງມາຈີນຊ່ອຍ
ເຫຼືອວຽກງານກັນແລະປົວພະຍາດໄຂ້ຫວັດສັດປີກ,ຜູ້ຊ່ຽວຊານທີ່ຄົ້ນຄວ້າເຊື້ອໄວລັດ
ພະຍາດສັດຜູ້ນີ້ຈະເດີນທາງມາຮອດປັກກິ່ງໃນວັນທີ15ກຸມພາ.