ທ່ານໂລຊິວຄົຟ ລັດຖະມົນຕີຊ່ອຍວ່າການກະຊວງການຕ່າງປະເທດລັດເຊຍໄດ້ນຳ
ພາຄະນະຜູ້ແທນລັດເຊຍເດີນທາງມາຮອດປັກກ່ິງໃນວັນທີ 23 ກຸມພາ,ເພ່ືອເຂົ້າຮ່ວມ
ການເຈລະຈາ 6 ຝ່າຍຮອບທີສອງທ່ີຈະຈັດຂຶ້ນຢູ່ປັກກ່ິງໃນວັນທີ 25 ກຸມພາ.

ທ່ານອາເລັກຊັນເດີ ໂລຊິວຄົຟ ປີນີ້ອາຍຸ 61 ປີ,ແມ່ນນັກການທູດອາຊີບ,ຖືກຖືເປັນ
ຜູ້ຊ່ຽວຊານບັນຫາອາຊີຂອງລັດເຊຍ. ໃນເວລາຈັດການເຈລະຈາ 6 ຝ່າຍຮອບທຳອິດ
ທ່ີປັກກ່ິງເມ່ືອເດືອນສິງຫາປີກາຍນີ້,ທ່ານກໍແມ່ນຫົວໜ້າຄະນະຜູ້ແທນລັດເຊຍ. ທ່ານ
ໂລຊິວຄົຟເຄີຍໄປສປປເກົາຫຼີຫຼາຍເທ່ືອໃນນາມເປັນທູດພິເສດຂອງປະທານາທິບໍດີ
ລັດເຊຍ,ຈັດການເຈລະຈາກັບທ່ານກິມເຈີງອິນຜູ້ນຳສປປເກົາຫຼີ. ທ່ານແມ່ນທູດພິເສດ
ຕ່າງປະເທດຜູ້ທຳອິດທ່ີໄກ່ເກ່ຍບັນຫານີ້ຫຼັງຈາກເກີດວິກິດການນິວເຄຼຍຂອງແຫຼມ
ເກົາຫຼີແລ້ວ. ຕ່າມຂ່າວແຈ້ງວ່າ,ທ່ານມີການພົວພັນເປັນຢ່າງດີກັບຄອບຄົວຂອງທ່ານ
ກິມເຈີງອິນ.

ເມ່ືອທຽບກັບການເຈລະຈາ 6 ຝ່າຍຮອບທຳອິດທ່ີປັກກ່ິງ,ສະມາຊິກຄະນະຜູ້ແທນລັດ
ເຊຍຊຸດນີ້ບໍ່ມີການປ່ຽນແປງຫຍັງຫຼາຍ,ຍັງຄົງປະກອບດ້ວຍພະນັກງານຂອງພາກສ່ວນ
ທ່ີກ່ຽວຂ້ອງເຊັ່ນກະຊວງການຕ່າງປະເທດແລະກະຊວງປ້ອງກັນປະເທດເປັນຕົ້ນ. ຫຼັກ
ໝັ້ນສຳຄັນຂອງຝ່າຍລັດເຊຍແມ່ນມີເຈດຈຳນົງໃຫ້ແຫຼມເກົາຫຼີປອດນິວເຄຼຍ,ຫວັງໃຫ້
ຝ່າຍສປປເກົາຫຼີປະກາດຢ່າງຄັກແນ່ວ່າປະລະແຜນການນິວເຄຼຍຂອງຕົນ,ແຕ່ພ້ອມ
ກັນນັ້ນກໍເຫັນວ່າ,ຄວນພິຈາລະນາຢ່າງເຕັມສ່ວນຕໍ່ຄຳຮຽກຮ້ອງຂອງຝ່າຍສປປເກົາຫຼີ
ໃນດ້ານຮັກສາຄວາມປອດໄພແລະການສະໜອງພະລັງງານແລະຫວັງໃຫ້ແກ້ໄຂບັນ
ຫາດ້ວຍຮູບການເຈລະຈາສັນຕິພາບໃຕ້ເງ່ືອນໄຂເບ່ິງແຍງຜົນປະໂຫຍດຂອງບັນດາ
ຝ່າຍ,. ນອກນີ້,ຕາມສະມາຊິກທ່ີບໍ່ຍອມເຜີຍຊ່ືຂອງຄະນະຜູ້ແທນລັດເຊຍເຜີຍໃຫ້ຮູ້ວ່າ,
ຝ່າຍລັດເຊຍເຫັນວ່າ,ຂໍກະແຈໃນການແກ້ໄຂບັນຫານິວເຄຼຍຂອງແຫຼມເກົາຫຼີແມ່ນຢູ່
ນຳຝ່າຍອາເມລິກາ,ຖ້າຝ່າຍອາເມລິກາຍັງໃຊ້ຍຸດທະວິທີໃຊ້ກຳລັງໜີບຕໍ່ໄປແລ້ວ,ຝ່າຍ
ລັດເຊຍກໍຈະໃຊ້ມາດຕະການທີ່ສົມຄູ່ກັນ. ຝ່າຍລັດເຊຍຍັງກ່າວວ່າ,ບໍ່ໄດ້ຝາກຄວາມ
ຫວັງອັນໃດສູງເກີນໄປຕໍ່ການເຈະລຈາເທ່ືອນີ້.

ຝ່າຍລັດເຊຍກ່າວເນັ້ນວ່າ,ລັດເຊຍເອົາໃຈໃສ່ນຳການຂະຫຍາຍການພົວພັນມິດຕະ
ພາບກັບສປປເກົາຫຼີ,ແຕ່ບໍ່ຫ່ອນຈະຂະຫຍາຍການພົວພັນກັບສປປເກົາຫຼີເປັນພັນທະ
ມິດການທະຫານຄືໃນສະໄໝອະດີດສະຫະພາບໂຊວຽດອີກ.