ກ່ອນການເຈລະຈາຫົກຝ່າຍທີ່ປັກກິ່ງຮອບທີສອງຈະຈັດຂຶ້ນ,ທ່ານຈິ້ນລິນໂບ ຫົວໜ້າ
ຫ້ອງການອາຊີປາຊິຟິກສະຖາບັນຄົ້ນຄວ້າບັນຫາສາກົນຂອງຈີນໄດ້ໃຫ້ສຳພາດຕໍ່ນັກ
ຂ່າວວິທະຍຸCRI.ທ່ານຈິ້ນລິນໂບເຫັນວ່າ,ສອງຝ່າຍສປປເກົາຫຼີແລະອາເມລິກາລ້ວນ
ແຕ່ອາດຈະໃຊ້ຫຼັກໝັ້ນອັນຄ່ອງແຄ້ວໃນການເຈລະຈາຫົກຝ່າຍທີ່ປັກກິ່ງຮອບນີ້.

ທ່ານຈິ້ນລິນໂບເວົ້າວ່າ,ອາເມລິກາຮຽກຮ້ອງສປປເກົາຫຼີປະລະແຜນການນິວເຄຼຍຢ່າງ
ສິ້ນເຊິງ,ຮັບເອົາການກວດສອບ,ນີ້ແມ່ນຫຼັກໝັ້ນທີ່ເປັນຫຼັກການທີ່ສຸດຂອງອາເມລິກາ.
ຢູ່ໃຕ້ຫຼັກການດັ່ງກ່າວ,ຈະບັນລຸເປົ້າໝາຍດັ່ງກ່າວແນວໃດນັ້ນ,ອາເມລິກາອາດຈະມີ
ການສັບຊ້ອນດ້ານວິຊາການບາງຢ່າງ.

ໃນເວລາຕອບຄຳຖາມຂອງນັກຂ່າວກ່ຽວກັບສປປເກົາຫຼີຈະມີທ່າທີຄ່ອງແຄ້ວຫຼາຍກວ່າ
ເກ່ົາຫຼືບໍ່ໃນການເຈລະຈາຮອບນີ້,ທ່ານຈິ້ນລິນໂບເວົ້າວ່າ,ເມື່ອສັງເກດຈາກທ່າທີຕ່າງໆ
ຂອງລັດຖະບານສປປເກົາຫຼີໃນເວລາເກືອບ6ເດືອນຫຼັງການເຈລະຈາຮອບທຳອິດ,ສປປ
ເກົາຫຼຼີຍັງຫວັງແກ້ໄຂບັນຫານິວເຄຼຍແຫຼມເກົາຫຼີໂດຍຜ່ານຊ່ອງທາງການເຈລະຈາຫົກ
ຝ່າຍ,ກໍ່ຍິນດີໃຫ້ການຜ່ອນສັ້ນຜ່ອນຍາວອັນຈຳເປັນ.ຂໍກະແຈແມ່ນການຕອບຂອງຝ່າຍ
ອາເມລິກາ.

ນອກນີ້,ທ່ານຈິ້ນລິນໂບໄດ້ຄາດຄະເນໝາກຜົນແຫ່ງການເຈລະຈາຫົກຝ່າຍທີ່ປັກກິ່ງ
ຮອບທີສອງວ່າ, ຜົນດີທີ່ສຸດແມ່ນການເຈລະຈາສາມາດກ້າວເຖິງຂັ້ນເຊັນສັນຍາກວມ
ລວມສະບັບໜຶ່ງໃນດ້ານຫຼັກການກ່ຽວກັບການແກ້ໄຂບັນຫານິວເຄຼຍແຫຼມເກົາຫຼີຢ່າງ
ສິ້ນເຊິງແລະເຖິງຖອງ.ແຕ່ສັງເກດໃນປະຈຸບັນນີ້ເຫັນວ່າ,ຍັງມີຄວາມຫຍຸ້ງຍາກອັນແນ່
ນອນ.

ຜົນລະດັບກາງແມ່ນ,ບັນດາຝ່າຍຮັບຮອງເປົ້າໝາຍຈຳນວນໜ່ຶງໃນຂະບວນວິວັດທີ່ກ້າວ
ໄປສູ່ຫຼັກການແລະເປົ້າໝາຍອັນໃຫຍ່ນັ້ນໂດຍແບ່ງເປັນໄລຍະ.

ຜົນຂີ້ຮ້າຍທີ່ສຸດແມ່ນ,ບັນດາຝ່າຍທັງບໍ່ສາມາດກ້າວເຖິງຂັ້ນຕົກລົງກັນແຕ່ຢ່າງໃດໃນ
ການແກ້ໄຂບັນຫາລັກສະນະທາດແທ້,ທັງບໍ່ມີການຄືບໜ້າໃນບັນຫາທີ່ຫັນການເຈລະ
ຈາຫົກຝ່າຍເປັນກົນໄກ.ຖ້າວ່າເປັນແນວນີ້,ຄວາມນິຍົມຊົມຊອບຂອງບັນດາຝ່າຍທີ່ມີ
ຕໍ່ການເຈລະຈາຮອບໜ້າກໍ່ອາດຈະຈືດຈາງຢ່າງໃຫຍ່.