ວິທະຍຸສາກົນແຫ່ງປະເທດຈີນລາຍງານວ່າ:ວັນທີ25ກຸມພາ,ການເຈລະຈາຫົກຝ່າຍ
ຮອບທີສອງເລີ່ມຈັດຂຶ້ນຢູ່ທີ່ປັກກິ່ງ,ບັນດາຝ່າຍທີ່ກ່ຽວຂ້ອງໄດ້ທຳປະຕິກິລິຍາຢ່າງວ່ອງ
ໄວ.ຕໍ່ໄປ,ຂໍໃຫ້ນັກຂ່າວວິທະຍຸCRIປະຈຳວໍຊິງຕັນ ເຊອຸນແລະໂຕກຽວສະເໜີປະຕິກິລິ
ຍາຂອງອາເມລິກາ ສາທາລະນະລັດເກົາຫຼີແລະຍີ່ປຸ່ນ.

ນັກຂ່າວວິທະຍຸພວກເຮົາປະຈຳວໍຊິງຕັນກ່າວວ່າ,ໄລຍະມໍ່ໆມານີ້,ສື່ມວນຊົນອາເມລິກາ
ລາຍງານການເຈລະຈາຫົກຝ່າຍຮອບນີ້ບໍ່ຫຼາຍປານໃດ,ແຕ່ທ່າທີຂອງຊັ້ນສູງອາເມລິກາ
ກໍ່ຍິ່ງຕິດແທດຕົວຈິງ,ທັງກ່າວລື້ມວ່າອາເມລິກາບໍ່ມີຄວາມເຈດທະນາຮຸກຮານແລະບຸກ
ໂຈມຕີສປປເກົາຫລີ.

ເຈົ້າຫນ້າທ່ີອາເມລິກາເວົ້າຕໍ່ນັກຂ່າວວິທະຍຸພວກເຮົາວ່າ,ລັດຖະບານອາເມລິກາຈະ
ເອົາໃຈໃສ່ຢ່າງໃກ້ຊິດນຳສະພາບການຄືບຫນ້າແຫ່ງການເຈລະຈາຫົກຝ່າຍປັກກິ່ງຮອບ
ທີສອງ.ວັນທີ23ກຸມພາ,ທ່ານໂບເຊີໄດ້ບັນລະຍາຍທ່າທີຂອງອາເມລິກາກ່ຽວກັບການເຈ
ລະຈາຫົກຝ່າຍປັກກິ່ງຢ່າງຄົບຖ້ວນ.ທ່ານໂບເຊີກ່າວວ່າ, ທ່ານພໍແວວ ລັດຖະມົນຕີການ
ຕ່າງປະເທດ ທ່ານເຄລີ ຜູ່ຊ່ອຍລັດຖະມົນຕີການຕ່າງປະເທດພ້ອມດ້ວຍເຈົ້າໜ້າທີ່ຊັ້ນ
ສູງທ່ານອື່ນໆຂອງອາເມລິກາລ້ວນແຕ່ກ່າວວ່າ,ຫວັງໃຫ້ການເຈະລຈາຫົກຝ່າຍມີຜົນອັນ
ຕັ້ງໜ້າ.

ທ່າທີຂອງຝ່າຍທາງການອາເມລິກາຄ້າຍຄືກັນກັບການແຈ້ງຂ່າວໃນທຳນອງຕຳ່ຂອງສື່
ມວນຊົນອາເມລິກາ.ແຕ່ໃນວັນທີ24ເວລາທ້ອງຖິ່ນ,ໜັງສືພິມວໍຊິງຕັນແທມສ໌ ເຊິ່ງເປັນ
ໜັງສືພິມສຳຄັນຂອງອາເມລິກາພັດລົງພິມການແຈ້ງຂ່າວຂອງສື່ມວນຊົນຈີນທີ່ກ່ຽວກັບ
ຫົວໜ້າຄະນະຜູ້ແທນສປປເກົາຫຼີກ່າວສະແດງທ່າທີທີ່ເຂົ້າຮ່ວມການເຈລະຈາຫົກຝ່າຍ
ຂອງຝ່າຍສປປເກົາຫຼີຢ່າງເປັນພິເສດ.ການແຈ້ງຂ່າວສະບັບນີ້ຂຽນວ່າ,ວັນທີ24ກຸມພາ,
ທ່ານກິມເກກວນ ຫົວໜ້າຄະນະຜູ້ແທນສປປເກົາຫຼີເວົ້າຢູ່ພຽງຢາງວ່າ,ບັນຍາກາດແຫ່ງ
ການເຈລະຈາຄັ້ງນີ້ດີກວ່າຄັ້ງກ່ອນ,ສປປເກົາຫຼີຈະທຳຄວາມພະຍາຍາມເຮັດໃຫ້ການເຈ
ລະຈາຄັ້ງນີ້ຮັບຜົນ.

ນັກຂ່າວວິທະຍຸພວກເຮົາປະຈຳເຊອຸນເວົ້າວ່າ,ໂດຍບໍ່ຕ່າງກັນກັບສື່ມວນຊົນອາເມລິກາ,
ສື່ມວນຊົນສາທາລະນະລັດເກົາຫຼີສຸດທິເອົາໃຈໃສ່ນຳການເຈລະຈາຫົກຝ່າຍປັກກິ່ງ
ຮອບນີ້. ພາຍຫຼັງໄດ້ຕົກລົງວັນເວລາທີ່ຈັດການເຈລະຈາຫົກຝ່າຍປັກກິ່ງຮອບທີສອງ
ແລ້ວ,ສື່ມວນຊົນສາທາລະນະລັດເກົາຫຼີກໍ່ເອົາໃຈໃສ່ນຳສະພາບການຄືບໜ້າແຫ່ງການ
ປຶກສາຫາລືກັນລະຫວ່າງຝ່າຍຕ່າງໆ.ເທື່ອນີ້,ສື່ມວນຊົນສາທາລະນະລັດເກົາຫຼີໄດ້ແຕ່ງ
ນັກຂ່າວ60ກວ່າຄົນໄປເອົາຂ່າວຢູ່ປັກກິ່ງ.ວັນທີ25ກຸມພາ,ໜັງສືພິມສຳຄັນຂອງສາທາລະ
ນະລັດເກົາຫຼີລ້ວນແຕ່ໄດ້ແຈ້ງສະພາບການແຫ່ງການເຈລະຈາຫົກຝ່າຍປັກກິ່ງຢູ່ບ່ອນ
ສຳຄັນຂອງໜ້າທຳອິດ.ສື່ມວນຊົນລ້ວນແຕ່ຊີ້ອອກວ່າ,ການເຈລະຈາຫົກຝ່າຍປັກກິ່ງຄັ້ງ
ນີ້ແມ່ນໂອກາດເອື້ອອຳນວຍອັນສຳຄັນຄັ້ງໜຶ່ງ,ຫວັງໃຫ້ມີຜົນ,ແລ້ວຊຸກຍູ້ຂະບວນວິວັດ
ເຈລະຈາ.ຍັງຊີ້ອອກວ່າ,ຍ້ອນວ່າຫຼັກໝັ້ນລະຫວ່າງສປປເກົາຫຼີກັບອາເມລິກາຂັດກັນ,
ການເຈລະຈາຫົກຝ່າຍປັກກິ່ງຮອບທີສອງກໍ່ບໍ່ຫ່ອນຊິສະດວກໂດຍຕະຫຼອດ.

ສຸດທ້າຍ,ນັກຂ່າວວິທະຍຸພວກເຮົາປະຈຳໂຕກຽວເວົ້າວ່າ,ພາຍໃນປະເທດຍີ່ປຸ່ນກໍ່ສຸດທີ່
ເອົາໃຈໃສ່ນຳການເຈລະຈາຫົກຝ່າຍຮອບນີ້,ແຕ່ເລື່ອງທີ່ຄົນຍີ່ປຸ່ນສົນໃຈກວ່າໝູ່ແມ່ນ
ບັນຫາລັກພາຕົວລະຫວ່າງຍີ່ປຸ່ນກັບສປປເກົາຫຼີ.

ຫຼາຍມື້ມານີ້,ສະພາບການການກະກຽມແລະການຄືບໜ້າແຫ່ງການເຈລະຈາຫົກຝ່າຍ,
ການເຈລະຈາຫົກຝ່າຍຈະໄດ້ຜົນຫຍັງ,ໂດຍສະເພາະແມ່ນບັນຫາລັກພາຕົວລະຫວ່າງ
ຍີ່ປຸ່ນກັບສປປເກົາຫຼີທີ່ຄົນຍີ່ປຸ່ນເອົາໃຈທີ່ສຸດນັ້ນແມ່ນຈຸດເດືອດທີ່ສື່ມວນຊົນສຳຄັນຂອງ
ຍີ່ປຸ່ນສົນໃຈນຳ.