ວິທະຍຸສາກົນແຫ່ງປະເທດຈີນລາຍງານວ່າ,ວັນທີ 2 ມີນານີ້,ກອງປະຊຸມສະໄໝວິສາ
ມັນຈີນອາຊຽນກ່ຽວກັບການປ້ອງກັນແລະປ່ິນປົວພະຍາດໄຂ້ຫວັດສັດປີກໄດ້ໄຂຂຶ້ນຢູ່
ປັກກ່ິງ. ໃນພິທີໄຂກອງປະຊຸມ ທ່ານຫຸຍລຽງຢູ ຮອງນາຍົກລັດຖະມົນຕີຈີນໄດ້ວາງຂ້ໍ
ສະເໜີ 6 ຂ້ໍກ່ຽວກັບການຮ່ວມມືສາກົນໃນດ້ານປ້ອງກັນແລະປ່ິນປົວພະຍາດໄຂ້ຫວັດ
ສັດປີກ:ຈີນຫວັງໃຫ້ຜ່ານການຮ່ວມມືໃນພາກພື້ນຢ່າງບັງເກີດຜົນ,ສ້າງແລະເພ່ີມຄວາມ ໝັ້ນໃຈຂອງພວກເຮົາທ່ີເອົາຊະນະພະຍາດໄຂ້ຫວັດສັດປີກ; ສ້າງ ປົວແປງແລະເພ່ີມ ທະວີກົນໄກແຈ້ງສະພາບພະຍາດໄຂ້ຫວັດສັດປີກເຊ່ິງກັນແລະກັນ;ເພ່ີມທະວີການແລກ
ປ່ຽນກັນໃນດ້ານມາດຕະການ ເຕັກໂນໂລຢີແລະບົດຮຽນໃນການປ້ອງກັນແລະປ່ິນປົວ
ພະຍາດໄຂ້ຫວັດສັດປີກ; ຊອກຄົ້ນແລະສ້າງກົນໄກປ້ອງກັນແລະຄວບຄຸມຮ່ວມກັນໃນ
ພາກພື້ນແຫ່ງນີ້; ຮັບປະກັນຄວາມປອດໄພດ້ານສາທາລະນະສຸກແລະຄວາມປອດໄພ
ຂອງການຜະລິດສັດປີກ ລະດົມໃຫ້ການຊ່ອຍເຫຼືອອັນຈຳເປັນເຊ່ິງກັນແລະກັນ.ນອກນີ້ ພວກເຮົາຍັງຄວນຕັ້ງໜ້າດຳເນີນການແລກປ່ຽນແລະຮ່ວມມືລະຫວ່າງສອງຝ່າຍ ຫຼາຍ
ຝ່າຍ ໂດຍສະເພາະແມ່ນການແລກປ່ຽນແລະການຮ່ວມມືກັບອົງການສາກົນຄືອົງການ
ຟາວເປັນຕົ້ນ.

ຕາມສະຖິຕິຂອງອົງການຟາວ,ປະລິມານການຄ້າສັດປີກລ້ຽງຂອງເຂດອາຊີໄດ້ກວມ1/4
ຂອງໂລກ.ແຕ່ພະຍາດໄຂ້ຫວັດສັດປີກໄດ້ເຮັດໃຫ້ສັດປີກລ້ຽງປະມານ 1 ຮ້ອຍລ້ານໂຕ
ຕິດພະຍາດຕາຍຫຼືຖືກຂ້າຕາຍ,ຂະແໜງການລ້ຽງສັດປີກ ຂະແໜງການຜະລິດຫົວອາ ຫານສັດແລະຂະແໜງການທ່ອງທ່ຽວລ້ວນແຕ່ຮັບຜົນກະທົບທາງລົບ, ໄດ້ເສຍຫາຍ 5
ຮ້ອຍລ້ານໂດລາສະຫະລັດເປັນຢ່າງໜ້ອຍ.

ທ່ານສຸວິດ ຄຸນກິຕິ ຮອງນາຍົກລັດຖະມົນຕີໄທກ່າວວ່າ:ຂ້າພະເຈົ້າຫວັງວ່າກອງປະຊຸມ
ສາມາດເພ່ີມທະວີການຮ່ວມມືອັນບັງເກີດຜົນລະຫວ່າງຈີນກັບປະເທດອາຊຽນໃນການ
ຮ່ວມກັນຕ້ານພະຍາດໄຂ້ຫວັດສັດປີກ.ຂ້າພະເຈົ້າຄິດວ່າຄຽງຄູ່ກັບການພົວພັນລະຫວ່າງ ຈີນກັບບັນດາປະເທດອາຊຽນແໜ້ນແຟ້ນຍິ່ງຂຶ້ນ,ນີ້ຈະເສີມຂະຫຍາຍບົດບາດອັນຕັ້ງໜ້າ ໃນການຄວບຄຸມການແຜ່ລາມຂອງພະຍາດໄຂ້ຫວັດສັດປີກໃນປະຈຸບັນ,ແລະເຮັດໃຫ້ພະ ຍາດໄຂ້ຫວັດສັດປີກສ່ົງຄວາມອັນຕະລາຍເຖິງສຸກຂະພາບສາທາລະນະແລະການທຳ
ລາຍເສດຖະກິດອາຊີນັ້ນຫຼຸດລົງເຖິງລະດັບຕ່ຳສຸດ.

ຜູ່ແທນເກືອບຮ້ອຍທ່ານທ່ີມາຈາກ 10 ປະເທດອາຊຽນຄື ລາວ ໄທ ກຳປູເຈຍເປັນຕົ້ນ
ແລະຈີນ ອົງການຟາວແລະອົງການອະນາໄມໂລກໄດ້ເຂົ້າຮ່ວມກອງປະຊຸມເທ່ືອນີ້. ຜູ່
ຮ່ວມປະຊຸມກ່າວວ່າ, ທະແນມແຕ່ປະເທດແລະເຂດແຄວ້ນໃນອາຊີຖອດຖອນເອົາບົດ
ຮຽນທາງລົບ, ເພ່ີມທະວີການຮ່ວມມືກັນແລ້ວ, ການປ້ອງກັນແລະຄວບຄຸມພະຍາດໄຂ້
ຫວັດສັດປີກຢ່າງສຳເລັດຜົນນັ້ນແມ່ນມີຫວັງຫຼາຍ.