ວິທະຍຸສາກົນແຫ່ງປະເທດຈີນລາຍງານວ່າ:ວັນມີ2ມີນາ,ຢູ່ທີ່ປັກກິ່ງ,ທ່ານເວີ່ນເຈຍ
ປາວ ນາຍົກລັດຖະມົນຕີຈີນກ່າວວ່າ,ລັດຖະບານຈີນເອົາໃຈໃສ່ໃນລະດັບສູງນຳວຽກ
ງານປ້ອງກັນແລະປິ່ນປົວພະຍາດໄຂ້ຫວັດສັດປີກ,ໃຊ້ມາດຕະການອັນເດັດຂາດຢ່າງ
ເປັນລະບົບ,ສະກັດກັ້ນການແຜ່ລາມຂອງພະຍາດ.
ໃນເວລາພົບປະຜູ້ແທນບັນດາຝ່າຍທີ່ເຂົ້າຮ່ວມກອງປະຊຸມພິເສດຈີນອາຊຽນກ່ຽວກັບ
ການປ້ອງກັນແລະປິ່ນປົວພະຍາດໄຂ້ຫວັດສັດປີກ,ທ່ານເວີ່ນເຈຍປາວເວົ້າວ່າ,ລັດຖະ
ບານຈີນຍິນດີເພີ່ມທະວີການຮ່ວມມືກັບອາຊຽນແລະອົງການສາກົນໃນຫຼາຍຂົງເຂດ
ເຊັ່ນສາທາລະນະສຸກ ການຕິດຕາມກວດກາຄຸນນະພາບແລະກວດກາພະຍາດເປັນ
ຕົ້ນ,ບູລະນະແລະຍົກລະດັບການພົວພັນໝູ່ຄູ່ຍຸດທະສາດລະຫວ່າງຈີນອາຊຽນ,ປັບປຸງ
ແລະເຮັດໃຫ້ການປະສານສົມທົບລະຫວ່າງຈີນກັບອົງການສາກົນທີ່ກ່ຽວຂ້ອງລົງສູ່
ລວງເລິ.
ໃນມື້ດຽວກັນ,ໃນກອງປະຊຸມພິເສດຈີນອາຊຽນກ່ຽວກັບການປ້ອງກັນແລະປ່ິນປົວພະ
ຍາດໄຂ້ຫວັດສັດປີກທີ່ຈັດຂຶ້ນຢູ່ທີ່ປັກກິ່ງ,ທ່ານຮຸຍລຽງຢູ້ ຮອງນາຍົກລັດຖະມົນຕີຈີນ
ໄດ້ວາງຂໍ້ສະເໜີ6ຂໍ້ກ່ຽວກັບການຮ່ວມມືບັນດາປະເທດອາຊຽນແລະອົງການສາກົນໃນ
ການປ້ອງກັນແລະປິ່ນປົວພະຍາດໄຂ້ຫວັດສັດປີກ.
ທ່ານເຮນກ໌ ເບເກແດັມ ຜູ້ຕາງໜ້າອົງການອະນາໄມໂລກປະຈຳຈີນກ່າວວ່າ,ຜູ້ແທນ
ບັນດາປະເທດແລະອົງການສາກົນທີ່ກ່ຽວຂ້ອງທີ່ຮ່ວມປະສະແດງຄວາມຊຸມຊົມເຊີຍ
ຕໍ່ລັດຖະບານຈີນທີ່ໄດ້ໃຊ້ມາດຕະການອັນເດັດຂາດແລະບັງເກີດຜົນ.ທ່ານໂຈເຊຟ
ໂດເມເນກ ຜູ້ຕາງໜ້າອົງການຟາວແລະທ່ານເບີນາດ ວາລາດ ຜູ້ອຳນວຍການໃຫຍ່
ຂອງອົງການພະຍຸສັດຂອງໂລກກ່າວວ່າ,ຍິນດີຮ່ວມມືກັບຝ່າຍຈີນ,ເອົາຊະນະພະຍາດ
ໄຂ້ຫວັດສັດປີກ.
|
