ທ່ານເວ່ິນເຈ່ຍປາວກ່າວວ່າ, ໃນລະດູບານໃໝ່ປີກາຍ, ຈີນໄດ້ປະສົບໄພພິບັດຢ່າງໃຫຍ່
ຄືໄດ້ເກີດມີພະຍາດຊາສ. ສູນກາງພັກແລະຄະນະລັດຖະບານໄດ້ເອົາສຸຂະພາບແລະ
ຄວາມປອດໄພທາງຊີວິດຂອງມວນຊົນໄວ້ຢູ່ຖານະອັນດັບໜ່ຶງ, ຄົ້ນຄວ້າແລະຈັດວາງ ວຽກງານປ້ອງກັນແລະປົວພະຍາດຊາສຢ່າງທັນການ. ຜັນຂະຫຍາຍກົດໝາຍປ້ອງກັນ ແລະປົວພະຍາດຕິດແປດຂອງສາທາລະນະລັດປະຊາຊົນຈີນ, ວາງກົດຂ້ໍກຳນົດຮັບມື ເຫດການສຸກເສີນດ້ານສາທາລະນະສຸກປະຊາຊົນ, ໄດ້ຈັດເອົາພະຍາດຊາສເຂົ້າໃນ
ການຄວບຄຸມພະຍາດຕິດແປດຕາມກົດໝາຍ, ປະກາດສະພາບພະຍາດຕາມສະພາບ
ຕົວຈິງ,ປະຕິບັດການປ້ອງກັນແລະຄວບຄຸມຂອງມວນຊົນໃນຂອບເຂດທົ່ວປະເທດ.ຄະ
ນະລັດຖະບານແລະອົງການປົກຄອງທ້ອງຖ່ິນສ້າງຕັ້ງກອງບັນຊາການປ້ອງກັນແລະປົວ
ພະຍາດຊາສ, ຈັດວາງກຳລັງຄົນ, ກຳລັງວັດຖຸແລະກຳລັງຊັບຢ່າງເປັນເອກະພາບກັນ,
ເສີມຂະຫຍາຍບົດບາດຂອງອົງການຮາກຖານໃນຕົວເມືອງແລະຊົນນະບົດຢ່ງເຕັມສ່ວນ,
ຮັບປະກັນວຽກງານປ້ອງກັນປ່ິນປົວດຳເນີນໄປຢ່າງເຄັ່ງຕຶງແລະເປັນລະບຽບ. ຈັດຕັ້ງ
ການຄົ້ນຄວ້າວິທະຍາສາດແກ້ຂອດຍາກ, ໄດ້ຮັບຄວາມຄືບໜ້າສຳຄັນໃນດ້ານບົ່ງມະຕິ,
ປ່ິນປົວແລະປ້ອງກັນເປັນຕົ້ນ. ໃຊ້ມາດຕະການຕ່າງໆເຊັ່ນ: ປ່ິນປົວຊາວກະສິກອນຜູ່ຕິດ
ພະຍາດຊາສໂດຍບ່ໍເກັບຄ່າເປັນຕົ້ນ, ປ້ອງກັນຢ່າງເຄັ່ງຄັດບ່ໍໃຫ້ສະພາບພະຍາດແຜ່ລະ
ບາດໄປສູ່ຊົນນະບົດ.

ທ່ານເວ່ິນເຈ່ຍປາວເວົ້າວ່າ, ໃນໄລຍະຫຍຸ້ງຍາກແຫ່ງການຕ່ໍສູ້ຕ້ານພະຍາດຊາສນັ້ນ,
ພະນັກງານການນຳທຸກຂ້ັນໄດ້ລົງສູ່ແນວທີໜ່ຶງ, ປະຊາຊົນທົ່ວປະເທດເປັນຈິດໜ່ຶງໃຈ
ດຽວກັນ, ວົງການຕ່າງໆໃນສັງຄົມຮ່ວມຈິດຮ່ວມໃຈກັນ, ພະນັກງານແພດອັນໄພສານ
ປະເຊີນກັບຄວາມອັນຕະລາຍແຕ່ບ່ໍຢ້ານກົວ, ປະຊາຊາດຈີນໄດ້ທົນຕ່ໍການທົດສອບ
ອັນຂ້ຽວຂາດ.