ຂ່າວສານຊິນຮວາລາຍງານວ່າ:ວັນທີ 7 ມີນາ,ຜູ້ຮັບຜິດຊອບທີ່ກ່ຽວຂ້ອງຂອງກະຊວງ
ການເງິນຈີນສະເໜີໃຫ້ຮູ້ວ່າ, ປີ 2004, ພາຍຫຼັງເຂດສ່ວນໜຶ່ງຂອງຈີນໄດ້ເກີດພະຍາດ
ໄຂ້ຫວັດສັດປີກປະເພດຮ້າຍແຮງແລ້ວ,ການເງິນສູນກາງຈີນໄດ້ສະໜັບສະໜູນວຽກ
ງານປ້ອງກັນຄວບຄຸມຢ່າງຕັ້ງໜ້າ,ແລະໄດ້ວາງມາດຕະການເພື່ອຊຸກຍູ້ການລ້ຽງສັດປີກ
ໃຫ້ພັດທະນາຢ່າງສືບເນື່ອງແລະໜັກແໜ້ນ.
ຜູ້ຮັບຜິດຊອບຜູ້ນີ້ສະເໜີວ່າ,ນັບມາຮອດທ້າຍເດືອນກຸມພາ,ລາຍຈ່າຍທຸກລາຍທີ່ການ
ເງິນສູນກາງແລະທ້ອງຖິ່ນໃຊ້ເຂົ້າໃນການປ້ອງກັນແລະຄວບຄຸມໄຂ້ຫວັດສັດປີກນັ້ນໄດ້
ລື່ນກາຍ 800 ລ້ານຢວນ.ກະຊວງການເງິນແລະກະຊວງກະສິກຳຂອງຈີນໄດ້ຮ່ວມກັນ
ວາງແລະປະກາດນະໂຍບາຍເກື້ອກູນການປ້ອງກັນແລະຄວບຄຸມໄຂ້ຫວັດສັດປີກຂອງ
ລັດ.ຄ່າຢາວັກແຊງປ້ອງກັນໄຂ້ຫວັດສັດປີກແບບບັງຄັບລ້ວນແຕ່ແມ່ນລັດຖະບານຫາບ
ແບກ,ຜູ້ລ້ຽງສັດປີກໃນເຂດທີ່ບໍ່ບັງຄັບໃຊ້ວັກແຊງນັ້ນ,ຖ້າສະໝັກສັກຢາວັກແຊງ,ລັດຖະ
ບານກໍຈ່າຍຄ່າວັກແຊງໃຫ້ເຄິ່ງໜຶ່ງ. ລັດຖະບານໄດ້ພະຍາຍາມສຸດຂີດຮັກສາຜົນປະ
ໂຫຍດຂອງຊາວນາທີ່ລ້ຽງສັດປີກໃນເຂດເກີດພະຍາດ.
|
