ທ່ານເວົ້າວ່າ,ວາງການສຶກສາໄວ້ຢູ່ຖານະພັດທະນາບູລິມະສິດຢ່າງແທ້ຈີງ,ໃຊ້ກຳລັງຈິດ
ໃຈແລະກຳລັງການເງິນຫຼາຍກວ່າເກົ່າເລັ່ງລັດພັດທະນາພາລະກິດການສຶກສາ.ປະຕິບັດ
"ແຜນການດຳເນີນງານສ້າງການສຶກສາໃຫ້ຈະເລີນ"ຮອບໃໝ່,ເຈາະຈົງເພີ່ມທະວີການ
ສຶກສາພາກບັງຄັບໂດຍສະເພາະແມ່ນການສຶກສາຢູ່ຊົນນະບົດ.ປີນີ້,ຕ້ອງເລີ່ມປະຕິບັດ
ແຜນການບຸກຂໍ້ຍາກສອງພື້ນຖານຢູ່ພາກຕາເວັນຕົກຂອງຈີນ,ເມື່ອຮອດປີ 2007,ເຮັດ
ໃຫ້ພາກຕາເວັນຕົກເຜີຍແຜ່ການສຶກສາພາກບັງຄັບ 9 ປີໃຫ້ທົ່ວເຖິງໂດຍພື້ນຖານ,ລົບ
ລ້າງຊາວໜຸ່ມໄວຊະກັນຜູ້ກືກໜັງສືໂດຍພື້ນຖານ,ການເງິນສູນກາງຈະລົງທຶນ 10 ຕື້
ຢວນເພື່ອເລື່ອງນີ້.

ທ່ານເວີ່ນເຈຍປາວເວົ້າວ່າ,ປີນີ້,ຕ້ອງສືບຕໍ່ສຸມກຳລັງສຳເລັດການຮຽບຮຽງແຜນການພັດ
ທະນາວິທະຍາສາດແລະເຕັກໂນໂລຢີໄລຍະກາງແລະໄລຍະຍາວແຫ່ງຊາດ,ກຳນົດຍຸດ
ທະສາດ ຈຸດໝາຍ ໜ້າທີ່ແລະນະໂຍບາຍແຫ່ງການພັດທະນາວິທະຍາສາດເຕັກໂນ
ໂລຢີຂອງຈີນໃນ 15 ປີຂ້າງໜ້າ.ຕ້ອງຊຸກຍູ້ການປະຕິຮູບໂຄງປະກອບວິທະຍາສາດເຕັກ
ໂນໂລຢີແລະປະດິດສ້າງກົນໄກໃໝ່.ເລັ່ງລັດກໍ່ສ້າງລະບົບປະດິດສ້າງຂອງລັດແລະພື້ນ
ຖານໂຄງລ່າງວິທະຍາສາດເຕັກໂນໂລຢີ,ເພີ່ມທະວີການຄົ້ນຄວ້າພື້ນຖານຢ່າງແທ້ຈີງ.ຈັດ
ຕັ້ງປະຕິບັດໂຄງການວິທະຍາສາດເຕັກໂນໂລຢີສຳຄັນງວດໜຶ່ງທີ່ພົວພັນເຖິງການພັດ
ທະນາເສດຖະກິດສັງຄົມ, ຊຸກຍູ້ໃຫ້ວິທະຍາສາດ ເຕັກນິກແລະອຸດສາຫະກຳປະສານສົມ
ທົບກັນ,ຊຸກຍູ້ໃຫ້ເຕັກນິກສູງແລະໃໝ່ຫັນເປັນອຸດສາຫະກຳ.ຍຶດໝັ້ນໃຫ້ຄວາມສຳຄັນຕໍ່
ວິທະຍາສາດສັງຄົມແລະວິທະຍາສາດທຳມະຊາດຢ່າງສະເໝີພາບກັນ,ເສີມຂະຫຍາຍ
ບົດບາດສຳຄັນຂອງປັດສະຍາສັງຄົມສາດໃນການພັດທະນາເສດຖະກິດແລະສັງຄົມຢ່າງ
ເຕັມທີ່.

ທ່ານຊີ້ອອກວ່າ,ປະຕິບັດຍຸດທະສາດສ້າງປະເທດຊາດໃຫ້ເຂັ້ມແຂງດ້ວຍຜູ້ມີຄວາມຮູ້
ຄວາມສາມາດຢ່າງຈີງຈັງ.ອອກແຮງບຳລຸງສ້າງ ຕັ້ງໜ້ານຳເຂົ້າແລະນຳໃຊ້ຜູ້ມີຄວາມ
ຮູ້ຄວາມສາມາດປະເພດຕ່າງໆຢ່າງເໝາະສົມ,ອຳນວຍການຮັບປະກັນດ້ານຜູ້ມີຄວາມ
ຮູ້ຄວາມສາມາດແລະການສະໜັບສະໜູນດ້ານສະຕິປັນຍາອັນເຂັ້ມແຂງໃຫ້ແກ່ການ
ສ້າງສາທັນສະໄໝ.