ໃນເວລາກ່າວບົດລາຍງານວຽກງານລັດຖະບານໃນກອງປະຊຸມຄັ້ງທີສອງຂອງສະພາຜູ່
ແທນປະຊາຊົນແຫ່ງຊາດຈີນສະໄໝທີ10ເມື່ອວັນທີ5ມີນາ,ທ່ານເວິ່ນເຈ່ຍປາວນາຍົກ
ລັດຖະມົນຕີຈີນກ່າວວ່າ,ໃນການພັດທະນາພາລະກິດສາທາລະນະສຸກປີ2004,ຈີນຈະ
ເຈາະຈົງເຮັດວຽກງານສາມດ້ານໃຫ້ດີ.
ໜຶ່ງ,ເພີ່ມທະວີການກໍ່ສ້າງລະບົບສາທາລະນະສຸກ.ຍາດແຍ່ງໃຊ້ເວລາສາມປີ,ສ້າງລະ
ບົບປ້ອງກັນແລະຄວບຄຸມພະຍາດແລະກອບກູ້ປິ່ນປົວທີກວມເຖິງຕົວເມືອງແລະຊົນນະ
ບົດແລະມີສັບພະຄຸນສົມບູນໃຫ້ສຳເລັດໃນຂັ້ນພື້ນຖານ.ຍົກຄວາມສາມາດຮັບມືກັບເຫດ
ການສາທາລະນະສຸກກະທັນຫັນເຊັ່ນພະຍາດຕິດແປດເປັນຕົ້ນໃຫ້ສູງຂຶ້ນ.ຕ້ອງເອົາໃຈ
ໃສ່ໃນລະດັບສູງແລະໃຊ້ມາດຕະການຢ່າງເດັດດ່ຽວແຂງແຮງ,ເຮັດວຽກງານປ້ອງກັນ
ແລະປິ່ນປົວພະຍາດຕິດແປດໜັກໜ່ວງເຊັ່ນພະຍາດຊາສ໌,ໂລກເອດແລະພະຍາດໝາກ
ເຫຼືອງເປັນຕົ້ນ.
ສອງ,ປົວແປງເງື່ອນໄຂການປິ່ນປົວແລະສາທາລະນະສຸກໃນຊົນນະບົດໃຫ້ດີຂຶ້ນ,ເຮັດ ວຽກຈຸດທົດລອງລະບອບຮ່ວມມືປິ່ນປົວໃນຊົນນະບົດແບບໃໝ່ໃຫ້ດີ.ຕ້ອງວາງຈຸດໜັກ ຂອງວຽກງານປິ່ນປົວແລະສາທາລະນະສຸກຢູ່ຊົນນະບົດຢ່າງແທ້ຈິງ.ປົວແປງສະພາບ
ຂາດເຂີນນາຍໝໍແລະຢຸກຢາໃນຊົນນະບົດໃຫ້ດີຂຶ້ນເທື່ອລະກ້າວ.
ສາມ,ຕັ້ງໜ້າຊຸກຍູ້ການປະຕິຮູບລະບອບການປິ່ນປົວແລະສາທາລະນະສຸກໃນຕົວເມືອງ.ສືບຕໍ່ປະຕິຮູບລະບອບປະກັນສຸກຂະພາບພື້ນຖານຂອງພະນັກງານກຳມະກອນໃນຕົວ
ເມືອງແລະລະບອບການປິ່ນປົວແລະໂຄງປະກອບຈໍລະຈອນການປິ່ນປົວສາທາລະນະ
ສຸກແລະການຜະລິດຢຸກຢາ.ພ້ອມກັນນັ້ນ,ກໍດຳເນີນຂະບວນການອະນາໄມຮັກຊາດຢ່າງ
ກວ້າງຂວາງໃນຕົວເມືອງແລະຊົນນະບົດ.
|
