ຕາມຂ່າວສານຊິນຮວາ, ໜັງສືພິມໂລດົງຊິນມູນ ສຽງຂອງສູນກາງພັກແຮງງານສປປ
ເກົາຫຼີສະບັບວັນທີ 8 ມີນາໄດ້ພົມບົດວິຈານກ້ອມ,ຕິຕຽນຢ່າງຮຸນແຮງຕໍ່ເຈົ້າໜ້າທ່ີລັດ ຖະບານສາທາລະນະລັດເກົາຫຼີກ່າວໃນຫວ່າງມໍ່ໆນີ້ວ່າຈະເອົາການຮ່ວມມືເສດຖະກິດ
ລະຫວ່າງສປປເກົາຫຼີກັບສາທາລະນະລັດເກົາຫຼີເກາະກັບຂະບວນການແກ້ໄຂບັນຫາ
ນິວເຄຼຍ.

ບົດວິຈານຂຽນວ່າ,ຫວ່າງມໍ່ໆນີ້ໃນເວລາໄປຢ້ຽມຢາມອາເມລິກາ ທ່ານບານຄິມູນ ລັດ ຖະມົນຕີການຕ່າງປະເທດແລະການຄ້າສາທາລະນະລັດເກົາຫຼີກ່າວວ່າ, ຖ້າບັນຫານິວ
ເຄຼຍແຫຼມເກົາຫຼີແກ້ໄຂບໍ່ຕົກ, ທ່ີຈິງແລ້ວ ການຮ່ວມມືແລະການແລກປ່ຽນດ້ານເສດຖະ ກິດລະຫວ່າງເໜືອໃຕ້ຈະຍາກທ່ີຈະດຳເນີນໄປຢ່າງຂະໜາດໃຫຍ່.

ບົດວິຈານຂຽນວ່າ, ໃຕ້ສະຖານະການທ່ີອາເມລິກາເຈດຕະນາກໍ່ສົງຄາມນິວເຄຼຍ ບີບ
ຮັດສປປເກົາຫຼີດ້ວຍອາວຸດນິວເຄຼຍໃນປະຈຸບັນ, ສປປເກົາຫຼີມີກຳລັງສະກັດກັ້ນດ້ວຍ
ນິວເຄຼຍເພ່ືອປົກປັກຮັກສາສິດຢູ່ລອດແລະອະທິປະໄຕແມ່ນສົມເຫດສົມຜົນ. ເວົ້າໃນ
ດ້ານທາດແທ້ແລ້ວ, ບັນຫານິວເຄຼຍແມ່ນບັນຫາລະຫວ່າງສປປເກົາຫຼີກັບອາເມລິກາ.
ສ່ວນການຮ່ວມມືເສດຖະກິດລະຫວ່າງເໜືອໃຕ້ແມ່ນບັນຫາພາຍໃນຊົນຊາດທ່ີມີຈຸດ
ປະສົງບັນລຸຄວາມຈະເລີນຮຸ່ງເຮືອງພ້ອມກັນຂອງຊົນຊາດ, ບໍ່ໄດ້ກ່ຽວພັນເຖິງບັນຫາ
ນິວເຄຼຍຈາກດ້ານທາດແທ້,ດ່ັງນັ້ນບໍ່ມີເຫດຜົນໃດໆເອົາສອງບັນຫາດ່ັງກ່າວເກາະກັນ.