ໃນການເລ່ີມຕົ້ນ, ທ່ານເວ່ີນເຈ່ຍປາວເວົ້າວ່າ, ໜ່ຶງປີທ່ີຜ່ານມາແມ່ນໜ່ຶງປີບໍ່ເປັນທຳມະ
ດາ, ໂດຍຜ່ານຄວາມພະຍາຍາມຂອງປະຊາຊົນທ່ົວປະເທດຈີນ, ການຕ້ານພະຍາດ
ຊາສໄດ້ຮັບໄຊຊະນະອັນໃຫຍ່ຫລວງ, ການພັດທະນາເສດຖະກິດສັງຄົມໄດ້ຮັບຜົນສຳ
ເລັດອັນເດັ່ນຊັດ.

ທ່ານເວົ້າວ່າ, ຫວ່າງມໍ່ໆນີ້, ທ່ານໄດ້ຮັບຈົດໝາຍຈາກນັກຮຽນມັດທະຍົມ 30 ກວ່າຄົນ
ຢູ່ລັດຂັນຊາສອາເມລິກາ, ພວກເຂົາເຈົ້າໄດ້ວາງ 54 ບັນຫາຕໍ່ທ່ານ, ໃນນັ້ນລວມທັງ
ການເມືອງ ເສດຖະກິດ ວັດທະນະທຳ ສັງຄົມຂອງຈີນ, ກໍ່ມີທັງຊີວິດການເປັນຢູ່ແລະ
ຄວາມນິຍົມສ່ວນຕົວຂອງທ່ານເອງ, ພວກເຂົາເຈົ້າໄດ້ຫັນ ສາຍຕາມາສູ່ຈີນຢ່າງແທ້ຈີງ
ແລ້ວ. ບັນຫາເຫຼ່ົານີ້ແມ່ນຜູ່ຟັງCRIຂອງອາເມລິກາຖາມນາຍົກລັດຖະມົນຕີເວ່ີນເຈຍ
ປາວ. ທ່ານເວ່ີນເຈຍປາວສະແດງຄວາມຂອບອົກຂອບໃຈນຳຊາວຕ່າງປະເທດທ່ີມີໄມ
ຕີຈິດຕໍ່ຈີນເຊ່ິງສົນໃຈນຳການພັດທະນາຂອງຈີນ.

ທ່ານເວ່ີນເຈຍປາວເວົ້າວ່າ, ວຽກງານສຳຄັນກວ່າໝູ່ຂອງລັດຖະບານຈີນໃນປີນີ້ແມ່ນຮັກ ສາໃຫ້ເສດຖະກິດພັດທະນາຢ່າງໝັ້ນທ່ຽງແລະຂ້ອນຂ້າງໄວ. ພ້ອມກັນນັ້ນ, ກໍ່ມີຄວາມ
ໝັ້ນໃຈແກ້ໄຂບັນຫາໃນວຽກງານ. ທ່ານເວົ້າວ່າ, ພໍເລ່ີມຕົ້ນ, ການປະຕິຮູບຂອງຈີນກໍ
ແມ່ນການປະຕິຮູບຮອບດ້ານທ່ີລວມທັງການປະຕິຮູບໂຄງປະກອບການເມືອງແລະໂຄງ
ປະກອບເສດຖະກິດ. ຖ້າບ່ໍມີຜົນສຳເລັດແຫ່ງການປະຕິຮູບໂຄງປະກອບການເມືອງ, ກໍບ່ໍມີຜົນສຳເລັດແຫ່ງການປະຕິຮູບຢ່າງຮອບດ້ານ. ທ່ານກ່າວເນັ້ນວ່າ, ການຕ້ານ ການເສຍທາດຂາດຄຸນແມ່ນວຽກງານສຳຄັນທ່ີພົວພັນເຖິງຄວາມເປັນຄວາມຕາຍຂອງ
ພັກຄອງອຳນາດແລະປະເທດຊາດ, ລັດຖະບານຈີນຈະສືບຕ່ໍຖືເອົາການຕ້ານການ ເສຍທາດຂາດຄຸນແລະການສົ່ງເສີມໃຫ້ການປົກຄອງຢ່າງປອດໄສໄຮ້ມົນທິນເປັນໜ້າ
ທ່ີສຳຄັນລາຍໜ່ຶງ.

ທ່ານເວ່ິນເຈ່ຍປາວເຊ່ິງເປັນໜ່ຶງໃນກຳມະການປະຈຳກົມການເມືອງສູນກາງພັກກອມມ
ູນິດຈີນກ່າວວ່າ, ລັດຖະທຳມະນູນແລະກົດໝາຍລ້ວນແຕ່ມີລັກສະນະກົກຮາກແລະລັກ
ສະນະຍາວນານ, ບ່ໍຄວນປ່ຽນແປງຍ້ອນການປ່ຽນແທນຂອງຜູ່ນຳ, ກໍບ່ໍຄວນປ່ຽນແປງ
ຍ້ອນການປ່ຽນແປງຂອງຄວາມເອົາໃຈໃສ່ຂອງຜູ່ນຳ.

ທ່ານຍັງກ່າວວ່າ, ກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນຄັ້ງນ້ີໄດ້ຜ່ານ
ຮ່າງຍັດຕິດັດແກ້ລັດຖະທຳມະນູນ, ມີຄວາມໝາຍສຳຄັນຕ່ໍການພັດທະນາຂອງຈີນ. ໃນກອງປະຊຸມມ້ືນ້ີໄດ້ຜ່ານຮ່າງຍັດຕິດັດແກ້ລັດຖະທຳມະນູນດ້ວຍຄະແນນສຽງສູງ, ນ້ີກໍສະແດງໃຫ້ເຫັນວ່າການດັດແກ້ລັດຖະທຳມະນູນເທ່ືອນ້ີໄດ້ສ່ອງແສງໃຫ້ເຫັນຜົນປະ
ໂຫຍດຂອງປະຊາຊົນທົ່ວປະເທດ.

ໃນເວລາຕອບຄຳຖາມຂອງນັກຂ່າວ, ທ່ານເວ່ິນເຈ່ຍປາວກ່າວວ່າ, ຂະບວນການໂຮມ ສອງຝ່ັງຮ່ອມທະເລໃຕ້ຫວັນເປັນເອກະພາບກັນໂດຍສັນຕິກໍແມ່ນຂະບວນການທ່ີໃຫ້
ສອງຝ່ັງຮ່ອມທະເລພ້ອມກັນພັດທະນາແລະຈະເລີນຮຸ່ງເຮືອງຂ້ຶນ. ທ່ານເວ່ິນເຈ່ຍປາວ
ໄດ້ກ່າວເນັ້ນອີກເທ່ືອໜ່ຶງວ່າ, ແຜ່ນດິນໃຫຍ່ຈີນເດັດດ່ຽວຄັດຄ້ານໃຕ້ຫວັນເປັນເອກະ
ລາດ, ຄັດຄ້ານບຸກຄົນໃດໆຕັດແຍກໃຕ້ຫວັນອອກຈາກປະເທດຈີນດ້ວຍຮູບການໃດໆ.
ທ່ານກ່າວວ່າ, ອະທິປະໄຕຕໍ່ໄຕ້ຫວັນຂອງຈີນໄດ້

ຖືກປະຊາຄົມໂລກຮັບຮອງແລ້ວ, ຫວັງໃຫ້ອາເມລິກາແລະປະເທດອ່ືນໆຈົ່ງເຄົາລົບຄຳ
ໝັ້ນສັນຍາປະເທດຈີນດຽວຂອງພວກເຂົາເຈົ້າ, ປະກອບສ່ວນເທ່ົາທ່ີຄວນເຂົ້າໃນການ ຮັກສາສະຖຽນລະພາບຂອງເຂດໄຕ້ຫວັນແລະຊຸກຍູ້ຈີນໂຮມເຂົ້າເປັນເອກະພາບກັນ
ໂດຍສັນຕິ. ພ້ອມກັນນັ້ນ, ທ່ານຍັງເວົ້າວ່າ, ລັດຖະບານກາງຈະຍຶດໝັ້ນທິດທາງປະເທດ
ດຽວສອງລະບອບ, ຊາວຮົງກົງປົກຄອງຮົງກົງ, ການປົກຄອງຕົນເອງໃນລະດັບສູງຢ່າງ
ບ່ໍຫວັ່ນໄຫວຄອນແຄນ, ຍຶດໝັ້ນກົດໝາຍພ້ືນຖານຂອງຮົງກົງ.

ທ່ານເວ່ີນເຈຍປາວຍັງກ່າວວ່າ, ການພົ້ນເດ່ັນຂຶ້ນໂດຍສັນຕິຂອງຈີນບໍ່ຫ່ອນເປັນການ
ຂ່ົມຂູ່ໂລກ. ດຽວນີ້, ຈີນບໍ່ເປັນເຈົ້າອຳນາດ, ໃນອະນາຄົດ, ຖ້າຈີນເຂ້ັມແຂງແລ້ວກໍ່ບໍ່
ເປັນເຈົ້າອຳນາດຈົນເທົ້າໃດໆ.