ວັນທີ 16 ມີນາຢູ່ປັກກິ່ງ ກະຊວງກະສິກຳຈີນປະກາດຍົກເລີກການອັດຕັນສອງເຂດ
ສຸດທ້າຍທ່ີເກີດພະຍາດໄຂ້ຫວັດສັດປີກ. ນີ້ເປັນຂີດຫມາຍສະແດງໃຫ້ເຫັນວ່າ,ພະ
ຍາດໄຂ້ຫວັດສັດປີກທ່ີມີການຕິດແປດຢ່າງຮ້າຍແຮງທ່ີສຸດທ່ີແຜ່ລາມເຖິງເຂດແຂວງ
50% ຂອງເຂດໃນຈີນເຊິ່ງຍືດເຍືອມາເກືອບ50ມື້ນັ້ນໄດ້ຖືກດັບສູນຫມົດແລ້ວ.
ທ່ານເຈ່ຍໂຢລິງ ໂຄສົກກະຊວງກະສິກຳຈີນເວົ້າວ່າ,ມູນເຫດທ່ີຈີນດັບສູນພະຍາດ ໄຂ້ຫວັດສັດປີກກ່ອນປະເທດອ່ືນໂດຍຢູ່ໃຕ້ສະພາບການທ່ີເກີດພະຍາດຢ່າງກວ້າງ
ຂວາງນັ້ນ,ແມ່ນຍ້ອນວ່າໄດ້ນຳໃຊ້ມາດຕະການປ້ອງກັນແລະປິ່ນປົວຢ່າງວ່ອງໄວ
ແລະບັງເກີດຜົນ.ທ່ານເວົ້າວ່າ:ຈີນໄດ້ໃຊ້ສອງມາດຕະການໄປພ້ອມກັນຄືຈັບຂ້າໄກ່
ທ່ີເປັນພະຍາດແລະບັງຄັບສັກວັກແຊງດັບເຊື້ອຢູ່ເຂດເກີດພະຍາດໃຫ້.ນີ້ໄດ້ຮັບປະ
ກັນການຄວບຄຸມພະຍາດນີ້ຢູ່ໃນເຂດເກີດພະຍາດ, ສະກັດກັ້ນການແຜ່ລາມໄປວົງ
ນອກ.ພຶດຕິກຳຢືນຢັນວ່າ, ພະຍາດໄຂ້ຫວັດສັດປີກທ່ີເກີດຢູ່ 49 ບ່ອນບໍ່ໄດ້ແຜ່ລາມ
ອອກຫມົດຄູ່ບ່ອນ..
ທ່ານເຈ່ຍໂຢລິງຊີ້ອອກວ່າ, ຢູ່ຈີນບໍ່ມີສະພາບການປິດອຳພະຍາດໄຂ້ຫວັດສັດປີກ.
ທ່ານເວົ້າວ່າ, ຕາມກົດຫມາຍທ່ີກ່ຽວຂ້ອງຂອງຈີນ, ຖ້າຜູ່ໃດຕັ້ງແກ້ງປິດອຳພະຍາດ,
ກໍ່ຈະຖືກປະຕິບັດວິໃນຢ່າງເຂັ້ມງວດ; ຖ້າວ່າໄດ້ສ້າງຄວາມເສຍຫາຍຢ່າງຫນັກ
ຫນ່ວງ, ຍັງຈະຖືກລົງໂທດຜູ່ກ່ຽວທາງອາຍາ.ຕາມສະເຫນີວ່າ, ກະຊວງກະສິກຳຈີນ
ໄດ້ສົ່ງຜູ່ຊ່ຽວຊານຫລາຍຮ້ອຍທ່ານໄປເຂດເກີດພະຍາດສຳຫລວດແລະຊີ້ນຳການ
ປ້ອງກັນແລະປົວພະຍາດ.ພ້ອມກັນນັ້ນ ໄດ້ຕັ້ງສາຍຮ້ອນສະເພາະ,ຮັບເອົາການລາຍ
ງານພະຍາດໄຂ້ຫວັດສັດປີກຂອງມວນຊົນຢູ່ແຫ່ງຕ່າງໆ.
ໂດຍແນໃສ່ສະພາບການໃນສະເພາະຫນ້ານີ້,ທ່ານເຈ່ຍໂຢລິງກ່າວເນັ້ນວ່າຈະສືບຕໍ່
ເພີ່ມທະວີວຽກງານປ້ອງກັນພະຍາດໄຂ້ຫວັດສັດປີກ,ທ່ານເວົ້າວ່າ:ກະຊວງກະສິກຳ ຮຽກຮ້ອງຂະແຫນງການບໍລິຫານຄຸ້ມຄອງການລ້ຽງສຸດແລະພະຍາດສັດທຸກຂັ້ນຕ້ອງ
ສະຫລຸບບົດຮຽນຂອງວຽກງານປອ້ງກັນໃນໄລຍະກ່ອນ, ລົງເລິກເຮັດວຽກງານປ້ອງ
ກັນຕື່ມອີກ.
ທ່ານຍັງກ່າວວ່າ, ຕໍ່ໄປພາຍຫນ້າ, ຈີນຈະສືບຕໍ່ຮ່ວມມືກັບບັນດາປະເທດອາຊຽນໃນ
ດ້ານປ້ອງກັນແລະປົວພະຍາດໄຂ້ຫວັດສັດປີກ, ແລະຈະໃຫ້ການຊ່ອຍເຫລືອດ້ານ
ເຕັກນິກແລະເງິນທຶນແກ່ປະເທດທ່ີກ່ຽວຂ້ອງ;ພ້ອມກັນນັ້ນ,ຈີນຈະລົງມືສ້າງລະບົບ
ປ້ອງກັນພະຍາດສັດ,ຍົກຄວາມສາມາດປ້ອງກັນແລະປົວພະຍາດສັດຂອງຈີນ.
ຕາມຊາບວ່າ, ຍ້ອນລັດຖະບານຈີນໄດ້ໃຫ້ການທົດແທນຕາມລາຄາຕະຫລາດແກ່
ຊາວລ້ຽງສັດປີກເກືອບ9ລ້ານໂຕທ່ີຖືກຈັບຂ້າ,ແລະໄດ້ປະຕິບັດນະໂຍບາຍພິເສດຕໍ່່
ວິສາຫະກິດລ້ຽງສັດປີກແລະປຸງແຕ່ງສັດປີກ,ປະຈຸບັນ,ຂະແຫນງການລ້ຽງສັດປີກ
ຂອງຈີນພວມຄ່ອຍໆຟື້ນຕົວຄືນ,ລາຄາຜະລິດຕະພັນສັດປີກເກືອບທໍ່ກັບລະດັບກ່ອນ
ເກີດພະຍາດໄຂ້ຫວັດສັດປີກແລ້ວ.
|
