CRIລາຍງານວ່າ:ວັນທີ18ມີນາ,ນັກຂ່າວໄດ້ຊາບຈາກຫ້ອງວ່າການສະພາປຶກສາການ
ເມືອງປະຊາຊົນແຫ່ງຊາດຈີນວ່າ,ຍັດຕິ4100ກວ່າສະບັບທີ່ຮັບໃນກອງປະຊຸມຄັ້ງທີ2
ສະພາປຶກສາການເມືອງປະຊາຊົນແຫ່ງຊາດຈີນສະໄໝທີ10ໃນຫວ່າງແລ້ວນີ້,ໄດ້ເລີ່ມ
ສົ່ງໃຫ້ພາກສ່ວນທີ່ກ່ຽວຂ້ອງຂອງລັດຖະບານຊຳລະແກ້ໄຂ.
ທ່ານວາງຈົງຢູ ຮອງປະທານສະພາປຶກສາການເມືອງປະຊາຊົນແຫ່ງຊາດຈີນຫວັງ
ໃຫ້ບັນດາຫົວໜ່ວຍທີ່ຊຳລະຍັດຕິຈົ່ງເພີ່ມທະວີການປະສານງານ,ຊຳລະແກ້ໄຂຍັດຕິ
ຢ່າງດີ,ຕັ້ງໜ້າຮັບເອົາແລະດູດດຶງຄວາມເຫັນແລະຂໍ້ສະເໜີທີ່ດີໃນຍັດຕິ,ປົວແປງວຽກ
ງານໃຫ້ດີ,ຊຸກຍູ້ທົ່ວສັງຄົມມີການຂະຫຍາຍຕົວ.
ຍັດຕິແມ່ນດ້ານສຳຄັນຂອງວຽກງານສະພາປຶກສາການເມືອງປະຊາຊົນຈີນ,ແມ່ນວິທີ
ອັນສຳຄັນທີ່ກຳມະການສະພາປຶກສາການເມືອງແລະບັນດາຫົວໜ່ວຍທີ່ເຂົ້າຮ່ວມສະ
ພາປຶກສາການເມືອງປະຕິບັດພາລະບົດບາດທີ່ປຶກສາຫາລືການເມືອງ ຕິດຕາມກວດ
ກາປະຊາທິປະໄຕ ເຂົ້າຮ່ວມແລະຫາລືວຽກບ້ານການເມືອງ.ເນື້ອໃນຂອງຍັດຕິສ່ວນ
ຫຼາຍໄດ້ພົວພັນເຖິງການພັດທະນາເສດຖະກິດແລະສັງຄົມ,ກໍ່ມີບັນຫາຈຸດຮ້ອນທີ່ປະ
ຊາຊົນສົນໃຈນຳ.ຕາມການກຳນົດ,ບັນດາຫົວໜ່ວຍທີ່ຊຳລະແກ້ໄຂຍັດຕິຕ້ອງໃຫ້ສຳ
ເລັດວຽກງານຊຳລະແລະຕອບຄືນຍັດຕິກ່ອນທ້າຍເດືອນສິງຫາປີ2004.
|
