ເພງຮັກຂອງຂ້າ, ສ່ອງແສງນຳ້ໃສໃຈຈິງ, ຮ່ວມທຸກຮ່ວມສຸກ, ບໍ່ກິນແໜງແຄງໃຈ, ຮັກ
ເຈົ້າເຖິງຟ້າຈະລົມຝົນຈະຕົກກໍ່ບໍ່ຫົວຊາ, ຮັກເຈົ້າເຖິງນຳ້ທະເລເຫືອດແຫ້ງຫີນຈະລະ
ລາຍກໍບໍ່ປ່ຽນໃຈ. ທີ່ທ່ານຟັງມານັ້ນແມ່ນເພງຮັກຂອງຂ້າ, ສ່ອງແສງໃຫ້ເຫັນຄວາມຮັກ
ແພງແລະຄວາມອາໄລວອນຂອງປະຊາຊົນຈີນທີ່ມີຕໍ່ມະຫາຄອບຄົວປະຊາຊາດຈີນ.

ການລວບລວມເພງຮັກປະເທດຊາດຢ່າງຂະໜາດໃຫຍ່ເທື່ອນີ້ແມ່ນລິເລີ່ມດຳເນີນໃນ
ເດືອນມັງກອນປີ2003, ໃນປີໜຶ່ງມານີ້, ນັກດົນຕີຈີນແຜ່ນດິນໃຫຍ່, ພີ່ນ້ອງຮ່ວມຊາດ
ໃຕ້ຫວັນແລະຊາວ ຈີນອັນໄພສານພາຍໃນປະເທດແລະຕ່າງປະເທດພາກັນເຂົ້າຮ່ວມ
ດ້ວຍຄວາມກະຕືລືລົ້ນ,    ໄດ້ແຕ່ງເພງດີເດັ່ນງວດໜຶ່ງທີ່ສ່ອງແສງຄວາມຄິດຮອດຄິດ
ເຖິງບ້ານເກີດເມືອງນອນ, ແລະພີ່ນ້ອງຮ່ວມອຸທອນແລະຫວັງໃຫ້ປະເທດຊາດໂຮມ
ເຂົ້າເປັນເອກະພາບກັນໂດຍໄວ. ນັບມາຮອດເດືອນມັງກອນປີນີ້, ຄະນະກຳມະການ
ຈັດການເຄື່ອນໄຫວເທື່ອນ້ີໄດ້ຮັບບົດເພງ4444ບົດ,   ເນື່ອໄດ້ປະກວດໃນເບື້ອງຕົ້ນ,
ປະກວດຄືນແລະປະກວດສຸດທ້າຍແລ້ວ, ມີ65ເພງໄດ້ຮັບລາງວັນປະພັນ,  184ເພງ
ໄດ້ຮັບລາງວັນຖືກສະເໜີຊື່.

ເພງທີ່ທ່ານຟັງມານັ້ນແມ່ນເພງ ເພງດຽວກັນ, ເຊິ່ງແຕ່ງໂດຍທ່ານ ຫຼຽງເຫີພີນແລະ
ທ່ານ ເຟີນຊືສວນ, ເພງນ້ີໄດ້ສ່ອງແສງໃຫ້ເຫັນອາລົມຈິດທີ່ຄືກັນຂອງພີ່ນ້ອງຮ່ວມ
ຊາດສອງຝັ່ງຮ່ອມທະເລໃຕ້ຫວັນທີ່ຢາກເຕົ້າໂຮມກັນ.

ການເຄື່ອນໄຫວເທື່ນນີ້, ແມ່ນກະຊວງວັດທະນະທຳຈີນແລະວົງການສິນລະປະວັນ
ນະຄະດີຈີນຮ່ວມການແຕ່ງເພງແລະຮ້ອງເພງ, ສະແດງໃຫ້ເຫັນປະຫວັດສາດຍາວ
ນານ ແລະວັດທະນະທຳອັນຮຸ່ງເຮືອງຂອງປະຊາຊາດຈີນ, ລະບາຍຄວາມຮັກແພງ
ລະຫວ່າງພີ່ນ້ອງຮ່ວມຊາດສອງຝັ່ງຮ່ອມທະເລ, ສົ່ງເສີມນຳ້ໃຈບາກບັ່ນສູ້ຊົນ ແລະ
ມານະຈິດອັນເຂັ້ມແຂງຂອງປະຊາຊາດຈີນ,  ສ່ອງແສງຄວາມປາຖະໜາຮ່ວມຂອງ
ຊາວຈີນທຸກຖ້ວນໜ້າທີ່ຈະສາມັກຄີກັນ, ສ້າງປະຊາຊາດຈີນໃຫ້ຈະເລີ່ນແລະສຳເລັດ
ພາລະກິດອັນຍິ່ງໃຫຍ່ທີ່ໂຮມປະເທດຊາດໃຫ້ເປັນເອກະພາບກັນ. ຕໍ່ໄປເຊີນຟັງເພງ
ໄດ້ຮັບລາງວັນອີກເພງໜຶ່ງທີ່ຊື່ວ່າ ບ້ານເກີດຂອງປູ່. ເພງນີ້ໄດ້ບັນລະຍາຍເຖິງຄວາມ
ຮັກຫອມແລະຄວາມຄຶດຮອດຄຶດເຖິງປະເທດຊາດຂອງພີ່ນ້ອງຮ່ວມຊາດໃຕ້ຫວັນໃນ
ໄວຕ່າງກັນ,    ສະແດງໃຫ້ເຫັນຈິດໃຈທີ່ຄອງຄອຍໃຫ້ປະເທດຊາດໂຮມເປັນເອກະ
ພາບກັນ.

ພໍ່ຄິດຮອດບ້ານເກີດຂອງປູ່, ເພີ່ນວ່ານັ້ນແມ່ນບ້ານເກີດຂອງລູກຫຼານຜູ່ໄປທີ່ຢູ່ບ້ານ
ເພິ່ນເມືອງເຂົາ. ເມື່ອໄດ້ກັບບ້ານ, ຈຶ່ງຮູ້ສຶກສະບາຍໃຈ, ສຳນຽງສຽງເວົ້າໃນບ້ານເກີດ
ໄດ້ປົວບາດແຜໃນໃຈຂອງຂ້າໃຫ້ຫາຍ. ຂ້າໄດ້ພາກຈາກພໍ່ແມ່ທີ່ຢູ່ພົ້ນທະເລ, ເມື່ອ
ກັບມາບ້ານແລ້ວ, ຂ້າບໍ່ຢາກຈາກໄປອີກ.

ຕໍ່ໄປໃຫ້ພວກເຮົາມາຟັງເພງ ເພງທີ່ໄດ້ຮັບລາງວັນເທື່ອນີ້, ເພງນ້ີໄດ້ສະແດງຄວາມ
ງ່ວມເຫງົາ ຂອງພີ່ນ້ອງໃຕ້ຫວັນທີ່ອາໃສຢູ່ທາງນອກບໍ່ສາມາດກັບເມື່ອບ້ານເກີດ.

ເນື້ອເພງຂຽນວ່າ: ເຫັນຕົ້ນມີດອກຂາວ, ຈິ່ງຮູ້ວ່າຮອດລະດູໃບໄມ້ຫຼົ່ນອີກແລ້ວ, ຊີວິດ
ພັດເຊພະເນຈອນບໍ່ມີວັນສຸດສ້ຽງ, ຄວາມງ່ວມເຫງົາເສົ້າໝອງບໍ່ມີວັນຈາງຫາຍ. ຄຶດ
ເຖິງບ້ານເກີດ, ຄຶດເຖິງຍາດພີ່ນ້ອງ, ຄິດເຖິງປະເທດຊາດທີ່ສວຍງາມ,   ບໍ່ຮູ້ວ່າບ້ານ
ເນືອງເຮົາກໍຍັງງາມຄືເກົ່າບໍ່.

ທ່ານຜູ່ຟັງທີ່ໂຄລົບ, ໃນທ່ານກາງສຽງເພງ, ລາຍການຂອງພວກເຮົາມື້ນີ້ກໍຕ້ອງອຳລາ
ຈາກທ່ານແລ້ວ, ພວກເຮົາຂໍໃຫ້ໃຕ້ຫວັນຈົ່ງກັບຄືນສູ່ຊວງເອິກຂອງປະເທດຊາດໂດຍ
ໄວ, ຂໍໃຫ້ປະຊາຊົນສອງຝັ່ງຮ່ວມທະເລໄດ້ເຕົ້າໂຮມກັນໂດຍໄວ, ຂອບໃຈທ່ານທີ່ຮັບ
ຟັງ, ພົບກັນໃໝ່ໃນລາຍການໜ້າ, ສະບາຍດີ.