CRIລາຍງານວ່າ:ວັນທີ8ເມສາ,ສອງຝ່າຍປາເລັດສະຕິນກັບອິດສະລະແອນມີການສະ ທ້ອນຕ່າງກັນກ່ຽວກັບຄຳເວົ້າຂອງທ່ານບຸສທີ່ວ່າຈະສ້າງຕັ້ງປະເທດປາເລັດສະຕິນໃນ ປີ2005ແມ່ນເລື່ອງຍາກຫຼາຍ.
ທ່ານອາລາຟັດ ປະທານອົງການອຳນາດແຫ່ງຊາດປາເລັດສະຕິນເວົ້າວ່າ,ທ່ານເອງ ເຫັນວ່າ,ບັນລຸເປົ້າໝາຍສ້າງຕັ້ງປະເທດປາເລັດສະຕິນຕາມເວລາກຳນົດຍັງອາດເປັນ ໄປໄດ້ຢູ່.ທ່ານຄູໄລ ນາຍົກລັດຖະມົນຕີລັດຖະບານປາເລັດສະຕິນປົກຄອງຕົນເອງເວົ້າ ວ່າ,ກ່ອນປີ2005,ປາເລັດສະຕິນກັບອິດສະລະແອນຍັງມີເວລາພ້ອມກັນທຳຄວາມພະ ຍາຍາມເພື່ອເຊັນສັນຍາສັນຕິພາບຮອບດ້ານ.ທ່ານເອເລຄາດ ຜູ່ແທນເຈລະຈາຊັ້ນສູງ ຂອງຝ່າຍປາເລັດສະຕິນຕິຕຽນຄຳເວົ້າຂອງທ່ານບຸສບໍ່ມີຜົນດີຕໍ່ການປະຕິບັດແຜນການ ເສັ້ນທາງສັນຕິພາບຕາເວັນອອກກາງ.
ທ່ານໂຊວານ ທີ່ປຶກສານະໂຍບາຍການຕ່າງປະເທດຂອງທ່ານຊາລົງ ນາຍົກລັດຖະ ມົນຕີອິດສະລະແອນເວົ້າວ່າ,ເປົ້າໝາຍທີ່ຈະສ້າງຕັ້ງປະເທດປາເລັດສະຕິນໃນປີ2005 ໄດ້ກາຍເປັນເລື່ອງທີ່ບໍ່ອາດເປັນໄປໄດ້ຈັກເມັດແລ້ວ.
ຕາມໜັງສືພິມອານ ອາລາມຂອງເອຢິບແຈ້ງຂ່າວວ່າ,ໃນເວລາໃຫ້ສຳພາດຕໍ່ນັກຂ່າວ ໜັງສືພິມດັ່ງກ່າວ,ທ່ານບຸສເວົ້າວ່າ,ເປົ້າໝາຍກ່ຽວກັບການສ້າງຕັ້ງປະເທດປາເລັດສະ ຕິນໃນປີ2005ໃນແຜນການເສັ້ນທາງສັນຕິພາບຕາເວັນອອກກາງນັ້ນແມ່ນບັນລຸຜົນເປັນ ຈິງຍາກຫຼາຍ.
|