ສະບາຍດີທ່ານຜູ່ຟັງ,  ຊົມເຊີຍທ່ານເຂົ້າສູ່ລາຍການຢ່ອນອາລົມໃນວັນເສົາ.  ວັນ
ທີ4ພຶດສະພາວັນຊາວໜຸ່ມຈີນຈະວຽນມາເຖິງແລ້ວ, ໃນລາຍການມື້ນີ້, ເຮົາຈະສະເໜີ
ເພງປະມວນໜຶ່ງທີ່ຂັບຮ້ອງໂດຍພະນະຮ້ອງຮວມໝູ່ຂອງນັກສຶກສາຈີນສູ່ທ່ານຟັງ.ຈາກ
ສຽງເພງຂອງພວກເຂົາເຈົ້າ, ທ່ານກໍຈະບຸກີະລິກຂອງນັກສຶກສາຈີນຍຸກປະຈຸບັນ.

     ເນື້ອເພງຮ້ອງວ່າ: ເຈົ້າຮູ້ວ່ານົກນ້ອຍມັກບ່ອນຫົ່ມເຢັນຂ້ອຍຮູ້ລົມລະດູບານໃໝ່ມັກ
ດອກໄມ້ຫອມ.  ເຈົ້າຮູ້ທ້ອງຟ້າສີຄາມມັກເມກເຈັດສີ,   ຂ້ອຍຮູ້ປາມັກນຳ້ທີ່ໃສສະອາດ.
ພວກເຮົາຈົ່ງປູກຕົ້ນໄມ້ໃຫ້ຫລາຍ, ພວກເຮົາຈົ່ງປູກດອກໄມ້ໃຫ້ຫລາຍ.ຕົບແຕ່ງໜ່ວຍ
ໂລກສີຄາມ, ໃຫ້ມັນສ້າງຄວາມມ່ວນຊື່ນແກ່ເພື່ອນທັງຫລາຍ.

      ທີ່ຟັງມານັ້ນແມ່ນເພງຕົບແຕ່ງໜ່ວຍໂລກສີຄາມທີ່ຂັບຮ້ອງໂດຍຄະນະຮ້ອງຮ່ວມ
ໝູ່ຂອງນັກສຶກສາວິທະຍາຄານເພສັດຊະສາດກວາງຕຸ້ງ.

      ຢູ່ຈີນການຮ້ອງຮວມໝູ່ມີພື້ນຖານມະຫາຊົນຢ່າງກວ້າງຂວາງ. ການຮ້ອງຮວມໝູ່
ສາມາດສະແດງຄວາມຮູ້ສຶກຕໍ່ຊີວິດການເປັນຢູ່  ແລະ ແນວຄິດຈິດໃຈຂອງຄົນສ່ວນ
ຫລາຍ. ແຕ່ໃດມາການຮ້ອງຮວມໝູ່ກໍແມ່ນປ່ອງຢ້ຽມທີ່ສ່ອງແສງໃຫ້ເຫັນຈິດໃຈຂອງ
ໝູ່ີະນະຂອງປະເທດໜຶ່ງແລະຂອງຊາດໜຶ່ງ.

    ຢູ່ຈີນ, ໂຮງຮຽນຊັ້ນສູງທົ່ວໄປລ້ວນແຕ່ມີຄະນະຮ້ອງຮວມໝູ່ຂອງໂຮງຮຽນຕົນເອງ, ຄະນະຮ້ອງຮວມໝູ່ເຫຼົ່ານີ້ປະສານສຽງໄດ້ມ່ວນຫລາຍ, ມີສິລະປະຂັບຮ້ອງດີເດັ່ນແລະ
ສະແດງໃຫ້ເຫັນບັນຍາກາດວັດທະນະທຳອັນພິເສດຂອງໂຮງຮຽນຊັ້ນສູງເຫຼົ່ານີ້,  ສະ
ແດງໃຫ້ເຫັນສິ່ງສະແຫວງແລະຄຸນທາດຂອງນັກສຶກສາຈີນຂຸກປະຈຸບັນ.

     ທີ່ທ່ານພວກຟັງຢູ່ນີ້ແມ່ນເພງໃຕ້ແສງຈັນສີເງິນທີ່ຂັບຮ້ອງໂດຍຄະນະຮ້ອງຮວມໝູ່
ຂອງນັກສຶກສາວິທະຍາຄານເພສັດຊະສາດກວາງຕຸ້ງ.   ນີ້ແມ່ນເພງພື້ນເມືອງຊິນຈ່ຽງ,
ທຳນອງເພງອ່ອນຊ້ອຍອ້ອຍອິ່ນ, ສະແດງໃຫ້ເຫັນຄວາມຄຶດຮອດຄິດເຖິງຂອງອ້າຍ
ບ່າວທີ່ມີຕໍ່ສາວຮັກທີ່ຈາກກັນດົນນານ.

     ຄະນະຮ້ອງຮວມໝູ່ຂອງນັກສຶກສາວິທະຍາຄານເພສັດຊະສາດກວາງຕຸ້ງສ້າງຕັ້ງ
ຂຶ້ນເມື່ນປີ 1991, ໃຕ້ການຊີ້ນຳຂອງທ່ານລ້າຍກວາງຢີ້ ວາດທະຍາກອນທີ່ຊື່ດັງຂອງ
ຈີນ, ໄດ້ຝຶກແອບຕາມມາດຕະຖານວິຊາສະເພາະ, ໄດ້ຫັດຮ້ອງເພງທີ່ດີເລີດຂອງຈີນ
ແລະຕ່າງປະເທດເກືອບຮ້ອຍເພງ, ມີເອກະບັກຂັບຮ້ອງທີ່ເສາະໃສກົມກຽວກັບ ແລະ
ເຕັມໄປດ້ວຍຄວາມກັນຫ້າວແຫ່ງໄວຄະນອງ.  ຕໍ່ໄປເຊີນຟັງເພງອີກເພງໜຶ່ງທີ່ພວກ
ເຂົາເຈົ້າຂັບຮ້ອງ, ຊື່ວ່າ ກີບດອກໄມ້ທີ່ປິວມາ.

    ເນື້ອເພງຮ້ອງວ່າ ຈົດໝາຍທີ່ບິນມາ, ເໝືອນດັ່ງກີບດອກໄມ້ສີ, ເປັນກີບໆໄດ້ຝາກ
ຄວາມຄິດຮອດຄິດເຖິງດ້ວຍຄວາມບໍລິສຸດໃຈ. ແມ່ນຄຳຖາມຂ່າວຄູອາຈານ, ແມ່ນສົ່ງ
ບົດສອບອັນດີເລີດມາໃຫ້.   ກີບດອກໄມ້ສົ່ງກິ່ນຫອມຫວນໃນທ່ານກາງສາຍລົມລະດ
ູບານໃໝ່, ຕອບຄຳອວຍພອນຂອງອາຈານໃນຄາວກ່ອນ.

      ວິທະຍາຄານດົນຕີອູຮ້ານແມ່ນໂຮງຮຽນຊັ້ນສູງທີ່ສ້າງຜູ່ມີຄວາມສາມາດດ້ານສິນ
ລະປະດົນຕີໂດຍຈຳເພາະ, ວິທະຍາຄານນີ້ມີປະຫວັດດົນນານ, ໄດ້ອົບຮົມຜູ່ມີຄວາມ
ສາມາດດ້ານດົນຕີດີເລີດຈຳນວນຫຼວງຫຼາຍ.    ຕໍ່ໄປເຊີນຟັງເພງ    ນໍເອີນຈີຢາ  ຮ້ອງ
ຮວມໝູ່ໂດຍສຽງຍິງວິທະຍາຄານດົນຕີອູຮ້ານ.

   ທີ່ທ່ານພວມຟັງຢູ່ນີ້ແມ່ນເພງ ນໍເອີນຈີຢາ ເພງພື້ນເມືອງເຜົ່າມົງໂກນຂອງຈີນ.ເພງ
ນີ້ສະແດງອາລົມຈິດຂອງນາງ  ນໍເອີນຈີຢາ ຜູ່ສາວທີ່ສວຍງາມອາໄລອາວອນຕໍບ້ານ
ເກີດເມືອງນອນແລະພໍ່ແມ່ໃນເວລາຈະແຕ່ງດອງໄປຢູ່ເຂດຊາຍແດນ.ເນື້ອເພງມີຢູ່ວ່າ,
ນໍເອີນຈີຢາທີ່ສວຍງາມອ່ອນຫວານ, ຈະແຕ່ງດອງໄປຢູ່ເຂດຊາຍແດນທີ່ກວງໄກ. ຄັນ
ຂີ່ລົດມ້າແມ່ນໄປບໍ່ຮອດຈັກເທື່ອ. ພໍ່ຮັກຂ້ອຍ ຂ້ອຍລືມລໍ່ໄດ້, ແມ່ຮັກຂ້ອຍ, ຂ້ອຍກໍລືມ
ບໍ່ໄດ້, ຢູ່ບ້ານຂ້ອຍນຸ່ງແຕ່ເສື້ອຜ້າໄໝຜ້າຕ່ວນ. ເມື່ອໄປຢູ່ພາກເໜືອທີ່ລຳບາກກາກກຳ,
ກໍມີແຕ່ເອົາຮັງສືບຫຍາບໆມາເຮັດເຄື່ອງນຸ່ງ.

     ທີ່ຟັງມານັ້ນແມ່ນເພງຮ້ອງຮວມໝູ່ໂດຍສຽງຍິງທີ່ຊື່ວ່າ ນໍເອີນຈີຢາ .

     ການຮ້ອງຮວມໝູ່ໂດຍບໍ່ມີດົນຕີສະຫຼັບສາມາດສະແດງໃຫ້ເຫັນລະດັບແລະສິນລະ
ປະຂັບຮ້ອງຂອງຄະນະຮ້ອງຮວມໝູ່, ດ້ວຍເຫດຄະນະຮ້ອງຮວມໝູ່ສະເພາະຫຼາຍຄະ
ນະລ້ວນແຕ່ມີລາຍການຮ້ອງຮວມໝູ່ທີ່ບໍ່ມີດົນຕີສະຫຼັບທີ່ດີເດັ່ນທີ່ສຸດຂອງຕົນ, ເພື່ອສະ
ແດງໃຫ້ເຫັນລະດັບຂອງຄະນະ, ຕໍ່ໄປເຊີນເພງບ້ານເກີດທີ່ບໍ່ມີດົນຕີສະຫຼັບຂອງຄະນະ
ຮ້ອງຮວມໝູ່ວິທະຍາຄານດົນຕີອູຮ້ານ.

      ທ່ານຜູ່ຟັງທີ່ໂຄລົບທີ່ຟັງມານັ້ນແມ່ນເພງຮ້ອງຮວມໝູ່ປະມວນໜຶ່ງທີ່ຂັບຮ້ອງໂດຍ
ຄະນະຮ້ອງຮວມໝູ່ຂອງນັກສຶກສາມະຫາວິທະຍາໄລຂອງຈີນ.  ລາຍການຢ່ອນອາລົມ
ໃນວັນເສົາພາກນີ້ຂໍຈົບລົງພຽງເທົ່ານີ້, ພົບກັນໃໝ່ໃນລາຍການໜ້າ. ຂໍຂອບໃຈ.