(ເປີດເພງຊື່ວ່າຜູ່ຊາຍຄ່ັງປ່າ )

ທ່ານຜູ່ຟັງທີ່ໂຄລົບ,ທີ່ທ່ານພວມຟັງຢູ່ນີ້ແມ່ນເພງແປວ່າຜູ່ຊາຍຄ່ັງປ່າທີ່ຂັບຮ້ອງໂດຍ
ທ່ານຢາຕົງ,ເມືອງຄັງບາຕັ້ງຢູ່ພາກຕາເວັນຕົກສຽງໃຕ້ຂອງຈີນ,ຢູ່ແຫ່ງນັ້ນມີພູຜາແມ່
ນ້ຳທີ່ສວຍງາມ,ແມ່ນບ່ອນທີ່ເຜ່ົາຕິເບດຕັ້ງພູມລຳເນົາຢູ່.ເພງຊື່ວ່າຜູ່ຊາຍຄ່ັງປ່າມີເນື້ອ
ຮ້ອງອັນມີຊີວິດຊີວາແລະທຳມະຊາດທຳນອງເພງກໍມີຈຸດພິເສດຂອງຊົນເຜ່ົາ,ສະແດງ
ໃຫ້ເຫັນບຸກຄະລິກທີ່ເປີດອົກສະຫງ່າຜ່າເຜີຍແລະຈູຸບຈ້າວຂອງຜູ່ຊາຍຄັງປ່າ.

(ເປີດເພງ )

ທ່ານຢາຕົງແມ່ນນັກຮ້ອງເຜ່ົາຕິເບດທີ່ມີຊື່ສຽງຂອງຈີນ,ທ່ານເກີດຢູ່ເມືອງຄັງປ່າ,ຖືກ
ຜົນສະທ້ອນຈາກວັດທະນະທຳຊົນເຜ່ົາ,ແຕ່ຍາມຍັງນ້ອຍທ່ານກໍໄດ້ສະແດງໃຫ້ເຫັນ
ພອນສະຫວັນດ້ານດົນຕີແລ້ວ,ປີ 1994,ບັງເອີນມີໂອກາດເທື່ອນ່ຶງ,ທ່ານຢາຕົງ
ໄດ້ຮ້ອງເພງໄຝ່ຫາພະຍາຮຸ້ງທີ່ມີເອກະລັກພິເສດຂອງເຜ່ົາຕິເບດ,ເພງນີ້ໄດ້ຊົມເຊີຍ
ເມືອງລາຊາເທສະບານເຂດຕິເບດປົກຄອງຕົນເອງໄຂລາຍການບິນໄປສູ່ແຫ່ງຕ່າງໆ
ຂອງຈີນ,ສັນລະເສີນຕິເບດທີ່ໄຂປະຕູສູ່ພາຍນອກຢ່າງບໍ່ຢຸດຢັ້ງ,ສະແດງຄວາມຕື້ນ
ຕັນໃຈຂອງປະຊາຊົນຕິເບດ,ການຂັບຮ້ອງຂອງທ່ານຢາຕົງມີຈຸດພິເສດຂອງຊົນເຜ່ົາ
ຢ່າງເຂັ້ມຂຸ້ນໄດ້ຮັບລາງວັນຄຳໃນງານປະກວດດົນຕີໂທລະພາບຂອງຈີນປີ 1995,
ຄຽງຄູ່ກັບການເຜີຍແຜ່ຂອງເພງນີ້,ທ່ານຢາຕົງກໍໄດ້ຮັບຄວາມນິຍົມຊົມຊອບຈາກ
ຜູ່ຟັງນັບມື້ນັບຫຼາຍ.

(ເປີດເພງໄຝ່ຫາພະຍາຮຸ້ງ )

ທ່ານຜູ່ຟັງທີ່ໂຄລົບທີ່ທ່ານພວມຟັງຢູ່ນິ້ແມ່ນເພງໄຝ່ຫາພະຍາຮຸ້ງທີ່ຂັບຮ້ອງໂດຍ
ທ່ານຢາຕົງ,ເນື້ອເພງມີຢູ່ວ່າ:ຢູ່ບ່ອນທີ່ຕາເວັນໂພ່ຂຶ້ນທຸກມື້,ພະຍາຮຸ້ງສີເງິນໄດ້ບິນ
ມາຫາບ້ານບູຮານ,ໄລຍະທາງທີ່ບັນພະບູລຸດທັງຫຼາຍຍັງໄປບໍ່ສຸດ,ພໍພິບຕາດຽວ,
ພະຍາຮຸ້ງກໍໄດ້ປ່ຽນແປງຮູບໂສມຂອງຜືນແຜ່ນດິນ,ຍ່າງເຂົ້າສູ່ຫ້ອງຍົນອັນກວ້າງ
ຂວາງຫຼຽວເບ່ິງໂລກພາຍນອກ,ຂ້າຕື້ນຕັນໃຈຈົນນ້ຳຕາຜ່າຫນ່ວຍ,ພະຍາຮຸ້ງ,ເຈົ້າ
ນຳເອົາຄວາມຄຶດຮອດຄຶດເຖິງຂອງຂ້າບິນໄປສູ່ແດນໄກ,ໃຈຂ້າກໍບິນໄປນຳພະຍາ
ຮຸ້ງ.

(ເປີດເພງ )

ນອກຈາກເພງເຜົ່າຕິເບດແລ້ວ,ທ່ານຢາຕົງຍັງລອງຮ້ອງເພງຫຼາຍປະເພດເຊ່ັນ:
ເພງຕ່າງປະເທດແລະເພງພື້ນເມືອງຂອງບັນດາຊົນເຜ່ົາທີ່ໃຫມ່ອ່ຽມ,ມ່ວນຊື່ນ
ແລະມີລົດນິຍົມພິເສດ,ຕໍ່ໄປເຊີນຟັງເພງພື້ນເມືອງຊິນຈຽງອາວາກູລີທີ່ສວຍງາມ
ທີ່ຂັບຮ້ອງໂດຍທ່ານຢາຕົງ.

(ເປີດເພງອາວາກູລີທີ່ສວຍງາມ )

ຢູ່ເຂດຕິເບດອັນກວ້າງຂວາງໃຫຍ່ໄພສານຂອງຈີນ,ຫມົດທຸກຄົນຮູ້ຊື່ທ່ານຢາຕົງ,
ເພງຂອງທ່ານໄດ້ຊາບຊຶ້ງເຂົ້າໃຈຄົນ,ບໍ່ວ່າຢູ່ໃນລົດເມທາງໄກ,ຢູ່ບ່ອນທ່ອງທ່ຽວ,
ຫຼືວ່າໃນຮ້ານຄ້າ,ໂຮງແຮມ,ຢູ່ແຫ່ງໃດກໍໄດ້ຍິນສຽງເພງຂອງທ່ານຢາຕົງ,ປະຊາ
ຊົນເຜ່ົາຕິເບດເອີ້ນທ່ານດ້ວຍຄວາມສະຫນິດສະຫນົມວ່າ,ລາຊາເພງເທິງພູພຽງ.
ມື້ນີ້ແມ່ນວັນແມ່.ເພງທີ່ຊື່ວ່າແມ່ຜູ່ເມດຕາທີ່ຂັບຮ້ອງໂດຍທ່ານຢາຕົງໄດ້ໃຊ້ທຳ
ນອງເພງອັນຊາບຊື້ງອ່ອນໂຍນວາດພາບມານດາເຜ່ົາຕິເບດທີ່ອຸທິດຕົນຢ່າງບໍ່
ເຫັນແກ່ຕົວໃຫ້ແກ່ພວກລູກ,ເພງນີ້ໄດ້ສັນລະເສີນຄວາມຮັກອັນບໍລິສຸດຜຸດຜອງ
ແລະຍ່ິງໃຫຍ່ຂອງແມ່.

(ເປີດເພງແມ່ທີ່ມີຄວາມເມດຕາ )

ແມ່ຜຸ່ເມດຕາ--ເພື່ອພວກລູກ,ແມ່ຜົມຫງອກແລ້ວ,ຫຼັງກ່ອມແລ້ວ,ແມ່ຜູ່ເມດຕາ,
ແມ່ໃຊ້ແສງຕາເວັນສານເປັນປີກລູກ,ແຕ່ບໍ່ວ່າລູກຈະບິນສູງບິນໄກຊຳ່ໃດຈະບິນ
ໄປຮອດຂອບຟ້າແຈດິນ,ໃນທີ່ສຸດກໍຕ້ອງບິນກັບມາຫາແມ່.ຄຽງຄູ່ກັບເພງແມ່ທີ່
ເມດຕາທີ່ຂັບຮ້ອງໂດຍທ່ານຢາຕົງສິ້ນສຸດລົງ.ລາຍການພາກນີ້ຂໍຈົບລົງພຽງເທ່ົາ
ນີ້.ຂໍສ່ົງຄຳອວຍພອນພິເສດໃຫ້ແມ່ທັງຫມົດ,ໂລກຈົ່ງມີສຸພະພາບແຂງແຮງ, ມີ
ຄວາມສຸກຕະຫຼອດໄປ.ພົບກັນໃຫມ່ໃນລາຍການຫນ້າ.ສະບາຍດີ!