ໃນຈຳນວນຜູ່ກຳກັບການສະແດງຂອງຈີນຢ່າງຫຼາກຫຼາຍນັ້ນ, ນາງລີຊາວຫົງ ຜູ່ກຳກັບ
ການສະແດງຜູ່ນີ້ແມ່ນຈັບຕາຄົນທ່ີສຸດ, ໃນບໍ່ທໍ່ໃດປີມານີ້,ໂທລະພາບເລ່ືອງຢ່າງຕໍ່ເນ່ືອງ ກັນໂດຍແມ່ນນາງລີຊາວຫົງເປັນຜູ່ກຳກັບການສະແດງຄື ເລ່ືອງເຫຼີຍຢູ ແປວ່າຝົນຕົກ
ຟ້າຮ້ອງ ເລ່ືອງຕ້າໝິງກົງສື ແປວ່ານິທານໃນວັງລາຊະວົງໝິງ ແລະເລ່ືອງຈີຈືຫົງລາ ແປວ່າໝາກຈອມສຸກແລ້ວໄດ້ມີສຽງກະທົບຄືນຢ່າງແຂງແຮງຕໍ່ເນ່ືອງກັນ, ສ່ວນຮູບເງົາ
ເລ່ືອງລ້ຽນອາຍຈ່ົງເຕີປາວເປີ້ຍ ແປວ່າຄູ່ຄີມທ່ີພວມມັກຮັກກັນ ທ່ີຖ່າຍທຳຫວ່າງມໍ່ໆ ນີ້ກໍ່ໄດ້ດູດດຶງຄວາມສົນໃຈຈາກແຟນຮູບເງົາຢ່າງຫຼວງຫຼາຍພາຍມາກເຊ່ັນດຽວກັນ,ໃນ
ລາຍການພາກນີ້, ເຮົາຈະສະເໜີນາງລີຊາວຫົງ ຜູ່ກຳກັບການສະແດງຈີນ.

ນາງລີຊາວຫົງປີນີ້ອາຍຸ 40 ປາຍແລ້ວ ເບ່ິງຮູບນອກກໍຮູ້ສຶກວ່ານາງເປັນຄົນສະຫຼາດ
ຫຼັກແຫຼມ, ສຽງປາກສຽງເວົ້າແລະເຮັດວຽກແມ່ນໄວປານນ້ຳໄຫຼໄຟມອດ, ນາງກຳເນີດ
ໃນຄອບຄົວປັນຍາຊົນ, ແຕ່ອາຍຸ 14 ປີ ນາງກໍເລ່ີມດຳລົງຊີວິດໃນກອງທັບໄດ້ຫຼາຍ
ເຕີບ, ຈາກນັ້ນຈ່ິງເຮັດໃຫ້ນາງມີບຸກຄະລິກະພາບໂດຍອິດສະລະທ່ີສຸດ,ທັງນີ້ໄດ້ເປັນ ຮອຍພິມອັນເລິກລ້ຳໃນຊີວິດແລະພາລະກິດຂອງນາງໃນຂັ້ນຕໍ່ມາ. ເມ່ືອປີ 1978, ນາງລີຊາວຫົງໄດ້ເສັງເຂົ້າຮຽບໃນສະຖາບັນຮູບເງົາປັກກ່ິງ ຮຽນວິຊາກຳກັບການສະ
ແດງ, ທັງນີ້ເປັນບາດລ້ຽວໃນຊີວິດຂອງນາງ, ນາງລີຊາວຫົງເວົ້າວ່າ:  ການເສັງເຂົ້າ
ຮຽນໃນສະຖາບັນຮູບເງົາແມ່ນບາດລ້ຽວໃຫຍ່ທ່ີສຸດໃນຊີວິດຂອງເຮົາ,  ເຊິ່ງເຮັດໃຫ້
ເຮົາມີຄວາມຮູ້ສຶກວ່າຕົນໄດ້ຮັບການເປີດໂປ່ງແລະປົດປ່ອຍແລ້ວ,ນັບແຕ່ມື້ເຮົາກ້າວ
ເຂົ້າສູ່ສະຖາບັນຮູບເງົາເປັນຕົ້ນມາ,  ເຮົາແມ່ນໄດ້ຄັດເລືອກຢ່າງບໍ່ມີການກິນແໜງ
ແຄງໃຈຫຍັງໝົດ, ເຖິງວ່າກ່ອນໜ້ານັ້ນຍັງບໍ່ທັນເຂົ້າໃຈປານໃດກໍ່ຕາມ, ແຕ່ເຮົາກໍຮູ້
ວ່າ, ເຮົາເອງແມ່ນມີຄາດຢູ່ແຖນແນນຢູ່ຟ້າກັບຮູບເງົາແລ້ວ.

ປີ 1982, ນາງລີຊາວຫົງໄດ້ຮຽນຈົບຈາກວິຊາສະເພາະກຳກັບການສະແດງໃນສະ
ຖາບັນຮູບເງົາປັກກ່ິງ, ຜູ່ກຳກັບການສະແດງຮູບເງົາແລະໂທລະພາບເລ່ືອງທ່ີມີຊ່ືສຽງ
ດົງດັງຢູ່ຈີນ ຄື ທ່ານຈ່າງຢີ້ໂໝວ ທ່ານເສີນຄາຍເກ່ີແລະທ່ານຖຽນຈວ້າງຈວ້າງເປັນ
ຕົ້ນລ້ວນແຕ່ແມ່ນໝູ່ນັກສຶກສາຫ້ອງດຽວກັບເພ່ີນ. ຮູບເງົາເລ່ືອງທຳອິດທ່ີນາງລີຊາວ
ຫົງກຳກັບການສະແດງຜູ່ດຽວຫຼັງຈາກເພ່ິນຮຽນຈົບແລ້ວແມ່ນຮູບເງົາເລ່ືອງໜ່ຶງທ່ີເຕັມ
ໄປດ້ວຍຄວາມສຳນຶກອັນຄົງຄ້າງແຕ່ພັດມີລັກສະນະຊວນຊົມຫຼາຍ, ແລະມີລາຍຮັບ
ຂາຍປີ້ໄດ້ຫຼາຍ.  ສ່ວນຮູບເງົາເລ່ືອງທ່ີພາໃຫ້ວົງການຮູບເງົາແລະວົງການວິພາກວິ
ຈານຂອງຈີນສົນໃຈນຳນາງລີຊາວຫົງນັ້ນພັດແມ່ນຮູບເງົາເລ່ືອງແຊ້ເຊີ້ຫວງຮຸ່ນແປ
ວ່າຟ້າແດງແສດໃນຍາມຄ່ຳ, ໂດຍແມ່ນເພ່ິນເປັນຜູ່ກຳກັບການສະແດງເມ່ືອປີ1990, ຮູບເງົາເລ່ືອງນີ້ໄດ້ເຜີຍດ້ານໜ່ຶງອີກທ່ີເຊ່ືອງຊ້ອນຄວາມເປັນມະນຸດ,ແລະວິເຄາະຈິດ
ຕະໂລກາດ້ານໃນອັນສັບສົນຂອງບຸກຄົນ.

ຫຼັງຈາກນັ້ນຕໍ່ມາອີກ 12 ປີ, ນາງລີຊາວຫົງກໍໄດ້ກຳກັບການສະແດງຮູບເງົາເລ່ືອງຊື້
ສືປູໂຮ້ ແປວ່າຄົນອາຍຸ 40 ບໍ່ອຸກອ່ັງ, ຮູບເງົາເລ່ືອງຫົງເຝິນ ແປວ່າແປ້ງສີແດງ
ແລະຮູບເງົາເລ່ືອງຫົງຊີ່ຝູ ແປວ່າຊຸດສາກົນສີແດງ, ຮູບເງົາເຫຼ່ົານີ້ລ້ວນແຕ່ເອົາເພດ
ຍິງເປັນເຄົ້າເລ່ືອງ, ເຊ່ິງສະແດງອອກເຖິງຈິດຕະໂລກາຂອງເພດຍິງຢ່າງແນບນຽນທ່ີ
ສຸດ, ທັງນີ້ແມ່ນການທົດລອງປະດິດສ້າງບຸກຄະລິກກະພາບຂອງເພ່ິນ.

ໃນຫຼາຍປີມານີ້,  ຢູ່ໃນຮູບເງົາແລະໂທລະພາບເລ່ືອງທ່ີນາງລີຊາວຫົງເປັນຜູ່ກຳກັບ
ການສະແດງນັ້ນ,ເພ່ິນໄດ້ເນັ້ນເຖິງຈິດສຳນຶກຂອງເພດຍິງແລະມຸມແຈຂອງເພດຍິງຢູ່
ເລ້ືອຍໆ, ບຸກຄົນທ່ີເປັນຜູ່ຍິງໄດ້ຍຶດຖານະພາທາງຢູ່ໃນບົດປະພັນຂອງເພ່ິນ,ສ່ວນຕົວ ສະແດງເພດຊາຍນັ້ນໄດ້ຖືກຍຸບລົງເປັນຕົວປະກອບທ່ໍນັ້ນ.

ໂທລະພາບເລ່ືອງເຫຼີຍຢູແປວ່າຝົນຕົກຟ້າຮ້ອງທ່ີນາງລີຊາວຫົງເປັນຜູ່ກຳກັບການສະ
ແດງນັ້ນແມ່ນຮຽບຮຽງຂຽນໃໝ່ຕາມລະຄອນປາກ ທ່ີປະດິດແຕ່ງໂດຍທ່ານເສົາຢູ
ນັກຂຽນເລ່ືອງລະຄອນທ່ີມີຊ່ືສຽງຂອງຈີນ. ບົດເດີມແມ່ນຂຽນເລ່ືອງພາຍໃນຄອບຄົວ
ໃຫຍ່ແບບເກົ່າຂອງຈີນຕາມສາຍຕາຜູ່ຊາຍ, ສ່ວນລະຄອນໂທລະພາບເຊ່ິງກຳກັບ ການສະແດງໂດຍນາງລີຊາວຫົງນັ້ນພັດເອົານາງຝານຢີ່   ຜູ່ມີບຸກຄະລິກກະພາບ
ຫຼາຍກວ່າໝູ່ມາເປັນນາງເອກ, ເຊ່ິງສະແດງອອກເຖິງຄວາມຮັກຄວາມຊັງຂອງນາງ
ຈົນສຸດຂັ້ນສຸດຂີດ.

ໃນໂທລະພາບເລ່ືອງຕ້າໝິງກົງສື ແປວ່ານິທານໃນວັງຂອງລາຊະວົງໝິງ   ເຊ່ິງມີ
ເຄົ້າເລ່ືອງອີງປະຫວັດສາດນັ້ນ, ນາງລີຊາວຫົງໄດ້ປັ້ນແຕ່ງຜູ່ຍິງສອງຄົນທ່ີມີຊ່ືສຽງ
ຢູ່ຈີນຄື ພະນາງເຈົ້າຈັກກະພັດອູເຈີທ່ຽນແລະເຈົ້າຍິງທ້າຍຜິງ   ລາຊະທິດາຂອງ
ເພ່ິນ, ໄດ້ສະແດງໃຫ້ເຫັນຊີວິດຂອງພວກເພ່ິນທ່ີຍາດສິດກັນກັບເພດຊາຍໃນລາຊະ
ວັງຫຼວງທ່ີຖືເພດຊາຍເປັນຫຼັກ.ໃນນະຄອນເລ່ືອງນີ້ ມີພາບອັນໃຫຍ່ໂຕມະໂຫຖານ,
ມີບຸກຄົນຫຼາກຫຼາຍ ແລະຄວາມສຳພັນກັນຢ່າງສະຫຼັບສັບຊ້ອນ, ໃນລະຄອນດ່ັງກ່າວ, ນາງລີຊາວຫົງແມ່ນບໍ່ໄດ້ກ້ຽວວຽນນຳເລ່ືອງປະຫວັດສາດຫຍັງໝົດ,ເພ່ິນໄດ້ໃຊ້ສາຍ
ຕາຂອງເພ່ິນມາຊອກຄົ້ນເນື້ອຫາໃນເລ່ືອງປະຫວັດສາດຄືນອີກ.

ໂທລະພາບເລ່ືອງຈີຈືຫົງລາ   ແປວ່າໝາກຈອມສຸກແລ້ວທ່ີເຫີ່ກັນອອກອາກາດຢູ່ຈີນ
ເມ່ືອປີ 2002 ນັ້ນ ມີ 25 ຕອນ, ນາງລີຊາວຫົງໄດ້ສະແດງອອກເຖິງຊາຕາໂສກ
ນາດຕະກຳຂອງຜູ່ຍິງຫຼາຍຄົນໃນສະໄໝເກ່ົາ,  ສະແດງອອກເຖິງຈິດອາລົມອັນຟົດ
ເດືອດ ແນວຄິດຕະເຫຼີດເປີດເປີ້ງ ອາລົມອັນຫຍຸ່ງເຫຍີງແລະຈິດໃຈຖືກກົດໜີບຢ່າງ
ທາລຸນ, ຕະຫຼອດຮອດຊີວິດອັນບໍ່ສົມບູນຂອງເພດຍິງ. ນາງລີຊາວຫົງໄດ້ໃຊ້ພາຫະນະ
ສິລະປະຕ່າງໆ, ມາປະດິດຄຳແຕ່ງໂລກາຈິດອາລົມຂອງເພດຍິງທ່ີມະຫັດສະຈັນຢ່າງ
ຈັບບໍ່ໄດ້ໄລ່ບໍ່ທັນ.

ໃນໂທລະພາບເລ່ືອງຈີຈືຫົງລາ ແປວ່າໝາກຈອມສຸກແລ້ວນັ້ນ,ນາງລີຊາວຫົງຍັງສະ
ແດງອອກເຖິງທ່າອຽງເຫັນແກ່ແຕ່ຄວາມງາມອັນແຮງກ້າທ່ີສຸດ, ຮູບພາບອັນສວຍສົດ
ງົດງາມໃນເລ່ືອງນັ້ນ ຮູບແຕ່ລະໜ້າ ໜ້າໃດກໍຄືຮູບແຕ້ມສີນ້ຳມັນ,ບຸກຄົນໃດກໍມີບຸກ
ຄະລິກກະພາບຂອງຕົນ, ເຄ່ືອງນຸ່ງຂອງຖືກໍສວຍງາມ,  ດົນຕີກໍມີກຳລັງສ່ັນສະເທືອນ
ອັນແຮງກ້າ,  ໝົດຂະບວນເລ່ືອງແຕ່ຕົ້ນຕະຫຼອດປາຍກໍປົກຄຸມໄປດ້ວຍບັນຍາກາດ
ອ່ອນໂຍນຂອງເພດຍິງທັງນັ້ນ.

ຕາມນາງລີຊາວຫົງເວົ້າວ່າ, ໃນຕອນນາງອາຍຸແຕ່ 10 ປີປາຍຮອດ 20 ປີປາຍນັ້ນ,
ປະເທດຈີນແມ່ນພວມຢູ່ໃນຊຸມປີ 6-70 ຂອງສັດຕະວັດທ່ີແລ້ວ, ໃນຄາວນັ້ນ,ສະຕິ ສະແຫວງຫາຄວາມງາມຂອງຄົນທັງຫຼາຍໄດ້ຖືກກົດດັນແລະລຶບລ້າງ, ເວົ້າສຳລັບ
ຜູ່ຍິງຈີນສ່ວນຫຼວງຫຼາຍແລ້ວ,  ແມ່ນບໍ່ຫ່ອນຈະເນັ້ນໜັກເປັນພິເສດກ່ຽວກັບເພດ.
ນາງລີຊາວຫົງຫວນຄືນຫຼັງແລ້ວເວົ້າວ່າ, ໃນຄາວນັ້ນ   ເວົ້າສຳລັບນາງເອງແລ້ວ,
ສີສັນແລະບຸກຄະລິກກະພາບແມ່ນຈຸດມືດ.  ແຕ່ວ່າຄຽງຄູ່ກັບຈີນໄດ້ໄຂປະຕູສູ່ພາຍ
ນອກແລະປະສົບການສ່ວນຕົວໄດ້ມີການປ່ຽນແປງແລ້ວ, ນາງລີຊາວຫົງຈ່ຶງເລ່ີມມີ
ສະຕິອັນແຮງກ້າຕໍ່ສີສັນແລະເພດ,ສະຕິດ່ັງກ່າວໄດ້ຖືກເນັ້ນໜັກແລະສະແດງອອກ
ຢ່າງພົ້ນເດ່ັນໃນບົດປະພັນຂອງເພ່ິນ.

ໃນນາມເປັນຜູ່ກຳກັບການສະແດງ, ນາງລີຊາວຫົງເຫັນວ່າອາຊີບດ່ັງກ່າວສາມາດ
ເຮັດໃຫ້ເພ່ິນເສີມຂະຫຍາຍບຸກຄະລິກກະພາບຂອງເພ່ິນອອກມາໂດຍເສລີ,  ເພ່ິນ
ເວົ້າວ່າ: ຜູ່ກຳກັບການສະແດງເຊ່ິງເປັນອາຊີບໜ່ຶງນັ້ນ,  ແມ່ນອາຊີບທ່ີມີຫົວຄິດປະ
ດິດສ້າງ, ບໍ່ມີຜູ່ໃດກຳນົດໃຫ້ເຈົ້າຕ້ອງເຮັດວຽກນີ້ວຽກນັ້ນ. ເມື່ອຄິດຢາກເຮັດວຽກໃດ
ວຽກໜ່ຶງແລ້ວ ເຈົ້າກໍຕ້ອງເຮັດໃຫ້ມັນປະກົດຜົນເປັນຈິງ,  ເຮົາເຫັນວ່າວຽກນີ້ແມ່ນ
ວຽກມ່ວນແລະດີແທ້. ວຽກນີ້ມັນເຮັດໃຫ້ເຮົາຕື້ນຕັນໃຈທ່ີສຸດ,ເຮົາບໍ່ຢາກເຮັດຕາມລະ
ບຽບແບບແຜນເດີມ.

ເມ່ືອນາງລີຊາວຫົງກຳກັບການສະແດງລາວ ກໍ່ພະຍາຍາມເຮັດຢ່າງສຸດຂັ້ນສຸດຂີດ
ເໝືອນຜູ່ກຳກັບການສະແດງເພດຊາຍ,ລາງເທ່ືອພໍກຳກັບການສະແດງເລ່ືອງໜ່ຶງແລ້ວ,
ເພ່ິນກໍຮູ້ສຶກເມ່ືອຍໝົດທັງໃຈແລະກາຍ, ຮູ້ສຶກວ່າເຖົ້າໄປຫຼາຍເຕີບ. ແຕ່ພໍໄປພໍ່ບົດລະ
ຄອນເລ່ືອງໃດທ່ີເພ່ິນເຫັນວ່າຄັກໃຈ, ເພ່ິນກໍໝຶງໜັງຂຶ້ນອີກ. ໂຊກດີທ່ີວ່າ   ທ່ານເຈ່ິງ
ນ້ຽນຜິງ ຜົວຂອງເພ່ິນແມ່ນຊ່າງຖ່າຍຮູບເງົາທ່ີດີເດ່ັນຜູ່ໜ່ຶງ.ສອງຄົນເພ່ິນໄດ້ຮ່ວມມືກັນ
ຖ່າຍທຳຫຼາຍເລ່ືອງ, ເປັນຄູ່ປະສານງານກັນໄດ້ດີທ່ີໝົດທຸກຄົນໃນວົງການຮູບເງົາໂທ
ລະພາບຈີນໃຜກໍພາກັນຮັບຮູ້. ພໍກ່າວເຖິງຫົວຂອງເພ່ິນ, ນາງລີຊາວຫົງກໍຂໍຂະມາໂທດ
ໂລດ,ເພ່ິນເວົ້າວ່າ,ຄູ່ຮ່ວມມືຂອງເພ່ິນເຕືອນສະຕິເພ່ິນວ່າ ໃນຍາມນອກໂມງການ,ໃຫ້ ເຈົ້າໃຊ້ຄຳວ່າເມຍກັບຜົວແລະຜົວກັບເມຍມາເວົ້າກັນບໍ່ແມ່ນຈະໃຊ້ຄຳວ່າຜູ່ກຳກັບການ
ສະແດງຊິໄດ້ບໍ? ຄຳເວົ້າຄຳນີ້ໄດ້ເຮັດໃຫ້ນາງລີຊາວຫົງຕ່ືນຕົກໃຈວາບບາດໜ່ຶງ. ອາ ຊີບຜູ່ກຳກັບການສະແດງນີ້ເຮັດໃຫ້ເພ່ິນຮູ້ສຶກເພ່ິງພໍໃຈ ແລະດີໃຈຫຼາຍ, ແຕ່ພ້ອມກັນ
ນັ້ນ ພັດເຮັດໃຫ້ເພ່ິນເສຍທຳມະຊາດຂອງຜູ່ຍິງໂດຍບໍ່ຮູ້ສຶກຕົວ, ທັງນີ້ແມ່ນຜົນທ່ີເພ່ິນ
ບໍ່ຫວັງຢາກພົບພໍ່.

ນາງລີຊາວຫົງກໍແມ່ນຄົນຜູ່ໜ່ຶງທ່ີມີຄວາມຂັດແຍ່ງກັນ, ບົດຮູບເງົາໂທລະພາບຂອງເພ່ິນ
ແມ່ນເຕັມໄປດ້ວຍລົດຊາດເພດຍິງ, ແຕ່ຍ້ອນໄດ້ທຸ່ມເທຄວາມພະຍາຍາມຢ່າງລຳບາກ
ກາກກຳເຂົ້າໃນວຽກ,  ເພ່ິນເອງຊ້ຳພັດໄດ້ເສ່ືອມເສຍລົດຊາດເພດຍິງໄປສ່ວນໃດສ່ວນ
ໜ່ຶງແລ້ວ.