ທ່ານຜູ່ຟັງທ່ີໂຄລົບທ່ີຟັງຢູ່ນີ້ແມ່ນເພງ"ມໍ້ລີ້ຮວ່າ"ແປວ່າດອກຊ້ອນ ເພງພື້ນເມືອງແຂວງ
ຈຽງຊູ່ຂອງຈີນ,  ເພງນີ້ຜ່ານການຍ້ອງຍໍສັນລະເສີນດອກຊ້ອນໄດ້ສະແດງອອກເຖິງຈິດ
ໃຈນິຍົມຄວາມງາມຂອງພວກນາງສາວ. ມີທຳນອງອ່ອນໂຍນ ໜ້າຟັງແລະເຕັມໄປແຕ່
ລົດນິຍົມຂອງຊາວເມືອງຢູ່ແຄມນ້ຳລ້ອງແມ່ນ້ຳຢາງເຊຕອນໃຕ້ຂອງຈີນ.

ໃນຈຳນວນເພງພື້ນເມືອງອັນຫຼວງຫຼາຍຂອງຈີນນັ້ນ, ເພງດອກຊ້ອນແມ່ນເພງພື້ນເມືອງ
ທ່ີໄດ້ຮັບຄວາມນິຍົມກວ້າງຂວາງກວ່າໝູ່, ໃນກວ່າເຄ່ິງສັດຕະວັດມານີ້, ເພງດອກຊ້ອນ ແມ່ນເພງທ່ີຄົນທັງຫຼາຍມັກຮ້ອງສືບທອດກັນມາໂດຍຕະຫຼອດ,ບໍ່ໜຳຍັງຂຶ້ນສູ່ເວທີໂລກ
ອີກຊ້ຳ.ສ່ວນຢູ່ຕ່າງປະເທດ ເຂົາເຈົ້າໄດ້ແປປ່ຽນເພງດອກຊ້ອນເປັນຫຼາຍແບບຫຼາຍສະ
ບັບ, ຕົວຢ່າງຄືທ່ານປູຊີນີ ນັກແຕ່ງດົນຕີອີຕາລີກໍໄດ້ໃຊ້ທຳນອງເພງດອກຊ້ອນມາເປັນ
ທຳນອງຫຼັກຂອງລະຄອນຮ້ອງຕູລັນດົດ,  ທ່ານແຄນນີ ນັກເປ່ົາຊັກໂຊໂຟນທ່ີມີຊ່ືສຽງ
ຂອງອາເມລິກາກໍ່ຮຽບຮຽງເພງດອກຊ້ອນເປັນດົນຕີດ່ຽວດ້ວຍຊັກໂຊໂຟນ.  ທຳມະດາ
ແລ້ວ, ເພງດຽວແຕ່ໃຊ້ແບບວິທີບັນເລງທ່ີຕ່າງກັນ,   ກໍຈະໄດ້ຮັບຜົນສິລະປະຕ່າງກັນ,
ເພງດອກຊ້ອນທ່ີທ່ານເຄລີ ຄິນດັດແປງຮຽບຮຽງແລະບັນເລງນັ້ນ, ໄດ້ຕ່ືມລົດນິຍົມດົນ
ຕີແຈັສຂອງອາເມລິກາໃສ່,   ຈ່ຶງເຮັດໃຫ້ຄົນມີຄວາມຮູ້ສຶກນິ້ມນວນລະອຽດອອນແລະ
ນ້ຳໃສໃຈຈິງ.

ໃນສາຍຕາຂອງຄົນຈີນ,ດອກຊ້ອນແມ່ນເປັນສັນຍາລັກໃຫ້ແກ່ຄວາມງາມແບບສຸພາບ
ແລະບໍລິສຸດຜຸດຜ່ອງ, ນັກແຕ່ງດົນຕີຈີນຫຼາຍທ່ານໄດ້ແຕ່ງເພງສັນລະເສີນດອກຊ້ອນ.

ເພງ "ໂຢ້ວຈ້ຽນມໍ້ລີ້ຮວ່າ" ແປວ່າໄດ້ເຫັນດອກຊ້ອນອີກກໍຍ້ອງຍໍສັນລະເສີນດອກຊ້ອນ ມາສະແດງໃຫ້ເຫັນວ່າຄົນທັງຫຼາຍຍັງຄິດເຖິງຄວາມຮັກແພງອັນຜ່ອງໃສໃນເມ່ືອກ່ອນ,
ບໍ່ວ່າຈະແມ່ນທາງດ້ານເນື້ອເພງ  ຈັງຫວະດົນຕີຫຼືໃນການຂັບຮ້ອງລ້ວນແຕ່ມີລົດນິຍົມ
ຍຸກປະຈຸບັນ.

ເພງຮ້ອງວ່າ: ດຽວນີ້ເຈົ້າກໍສະບາຍດີບໍ່? ເລົ່າເລ່ືອງຢູ່ໃນໃຈສູ່ຟັງແດ່, ລາງເທ່ືອເຈົ້າອາດ
ຈະບໍ່ມ່ວນໃຈ, ເວົ້າອອກມາໄດ້ບໍ່. ຂ້ອຍເປັນຫ່ວງເຈົ້າຢູ່ຕະຫຼອດ,  ເຖິງວ່າກໍ່ໄດ້ຮູ້ຂ່າວ
ຄາວເຈົ້າຢູ່, ແຕ່ກໍຍັງບໍ່ວາງໃຈ, ເຈົ້າມັກເວົ້າວ່າດຽວນີ້ມີສ່ວນໄດ້ບໍ່ໜ້ອຍແລ້ວ, ແຕ່ບາງ
ທີເຈົ້າພັດເວົ້າວ່າຢູ່ໃນໃຈຊອກອີຫຍັງກໍ່ບໍ່ເຫັນ, ມີແຕ່ໄດ້ດົມກ່ິນດອກຊ້ອນທ່ີຫອມຫວນ
ພັດໂຊຍມາ, ຫວນຄືນຄາວກ່ອນ ທ່ີເຮົາຫົວຊົມຊ້ອຍຊ່ືນ, ດອກຊ້ອນທ່ີສວຍງາມ, ບານ
ຫອມຫວນເຕັມກ່ິງງ່າ, ທັງຫອມທັງຂາວໃຜກໍ່ຍໍຍ້ອງ.

ທ່ານຜູ່ຟັງທ່ີຮັກແພງທ່ີທ່ານພວມຟັງຢູ່ນີ້ແມ່ນດົນຕີດອກຊ້ອນບັນເລງດ້ວຍວີໂອລົງ.ດົນ
ຕີວີໂອລົງນີ້ແມ່ນຮຽບຮຽງຕາມເພງພື້ນເມືອງແຂວງຈຽງຊູ່, ເປັນສຽງທຳມະຊາດທ່ີອ່ອນ
ຊ້ອຍ, ຮັບເອົາຈຸດພິເສດຂອງເພງພື້ນເມືອງທ່ີກະທັດຮັດແລະມີລັກສະນະສຸພາບ,ທັງໄດ້
ເຮັດໃຫ້ສຽງວີໂອລົງອັນອ່ອນຊ້ອຍພົ້ນເດ່ັນຂຶ້ນທ່າມກາງສຽງເສບສະຫຼັບກັນດ້ວຍ 4
ເຄ່ືອງສາຍ,  ແລະໃນທ່າມກາງຈັງຫວະເສບປຽນໂຟຟ້າປານຟອງນ້ຳອ່ອນໆທ່ີໃສສະ
ອາດ, ຄືມີກ່ິນຫອມອ່ອນຂອງດອກຊ້ອນສ່ົງມາ, ແລະຫຼຽວເຫັນດອກຊ້ອນທ່ີງາມເຢັນໆ
ລຽບໆ.

ທ່ານຜູ່ຟັງທ່ີຮັກແພງ, ໃນຕອນທ້າຍຂອງລາຍການມື້ນີ້,  ທ່ານຈະໄດ້ຟັງດົນຕີທ່ີບັນເລງ
ຮ່ວມດ້ວຍຂິມສາມຫຼ່ຽມ.ຂິມສາມຫຼ່ຽມແມ່ນເຄ່ືອງເສບດົນຕີຊົນເຜ່ົາດັ້ງເດີມຂອງລັດເຊຍ, ດົນຕີດອກຊ້ອນຂອງຈີນທ່ີບັນເລງໂດຍວົງດົນຕີຂິມສາມຫຼ່ຽມຂອງລັດເຊຍ   ແມ່ນເຕັມ
ໄປດ້ວຍເອກະລັກດົນຕີລັດເຊຍ, ມີບັນຍາກາດຕ່າງປະເທດອັນເຂັ້ມຂຸ້ນ, ຮູ້ສຶກວ່າມີລົດນິ
ຍົມໄປອີກແນວໜ່ຶງ.

ທ່ານຜູ່ຟັງທ່ີຮັກແພງ, ລາຍການນັດພົດໃນວັນອາທິດພາກນີ້ຂ້ໍສ້ຽງສຸດລົງພຽງທໍ່ນີ້, ຂອບ
ໃຈທ່ີທ່ານຮັບຟັງ, ພົບກັນໃໝ່ໃນລາຍການໜ້າ, ສະບາຍດີ.