ວັນທີ2ເມສາປີ2004,ກົມໄປສະນີແຫ່ງຊາດຈີນໄດ້ພິມຈຳໜ່າຍສະແຕມນິທານສຸພາ
ສິດຊຸດໜຶ່ງ4ໃບ.ຢູ່ບ່ອນຈັດພິທີວັນແຮກຈຳໜ່າຍສະແຕມທີ່ຈັດຂຶ້ນຢູ່ເມືອງເຢ້ ແຂວງ
ເຮີນານຂອງຈີນ,ທ່ານນາງຈ້າວຢູ້ຮ່ວາ ຮອງຫົວໜ້າພະແນກຄຸ້ມຄອງຄ່າໄປສະນີແລະ
ສະແຕມຂອງກົມໄປສະນີແຫ່ງຊາດຈີນໄດ້ແນະນຳຕົ້ນເຫດທີ່ຈີນພິມຈຳໜ່າຍສະແຕມ
ນິທານສຸພາສິດເປັນຄັ້ງທຳອິດ.

        (ຫັດຍ່າງຢູ່ຮານຕ່ານ)                              (ຂຸນເຢ້ມັກມັງກອນ)

ທ່ານນາງຈ້າວຢູ້ຮ່ວາແນະນຳວ່າ,ຄຳສຸພາສິດຂອງຈີນມີປະຫວັດມາດົນນານແລ້ວ,
ແມ່ນຮູບການພາສາອັນພິເສດຂອງຊາດຈີນທີ່ຄ່ອຍໆຈໍ່ຕົວຂຶ້ນໃນປະຫວັດສາດຍາວ
ນານ,ແມ່ນສ່ວນປະກອບອັນສຳຄັນຂອງພາສາຈີນສະໄໝປະຈຸບັນ.ທຳມະດາແລ້ວ,
ສຸພາສິດປະກອບດ້ວຍວິລີອັນແນ່ນອນ,ສ່ວນຫຼາຍປະກອບດ້ວຍໂຕໜັງສືຈີນ4ໂຕ.ສຸ
ພາສິດຂອງຈີນສ່ວນຫຼາຍມີການພົວພັນຢ່າງແໜ້ນແຟ້ນກັບເລື່ອງບູຮານຢ່າງກວ້າງ
ຂວາງທີ່ສຸດ,ຕົ້ນຕໍກຳເນີດຈາກປື້ມບູຮານ ກາບກອນແລະນິທານພື້ນສືບ,ລວມທັງເນື້ອ
ໃນຫຼາຍດ້ານ ເຊັ່ນການເມືອງ ການທະຫານ ການທູດ ວິທະຍາສາດເຕັກນິກ ວັນ
ນະຄະດີ ສິລະປະ ປັດຊະຍາ ສາສະໜາແລະຮີດຄອງປະເພນີເປັນຕົ້ນ,ໄດ້ສ່ອງແສງ
ໃຫ້ເຫັນປະຫວັດສາດແລະວັດທະນະທຳອັນເກົ່າແກ່ຂອງຊາດຈີນ.ພ້ອມກັນນັ້ນ,ສຸພາ
ສິດແລະນິທານປະຫວັດສາດສ່ວນຫຼາຍມີຄວາມໝາຍທາງປັດຊະຍາຢ່າງເລິກເຊ່ິງ
ແລະບົດຮຽນອັນລ້ຳຄ່າ,ມີພະລັງຊີວິດຢ່າງແຮງກ້າ,ໄດ້ສືບທອດກັນມາຫຼາຍພັນປີ,ອາດ
ເວົ້າໄດ້ວ່າແມ່ນຂອງປະເສີດແຫ່ງວັດທະນະທຳທີ່ມີສີສັນພິເສດຂອງຊາດຈີນ.