ຕາມຂ່າວCRI:ວັນທີ 19 ພຶດສະພາ,ສະພາຄວາມໝັ້ນຄົງສະຫະປະຊາຊາດໄດ້ຜ່ານ
ມະຕິ,ກ່າວປະນາມກອງທະຫານອິດສະລະແອນທີ່ໄດ້ໃຊ້ການເຄື່ອນໄຫວທາງການ
ທະຫານມ້າງເຮືອນຊາວປາເລັສຕີນຢູ່ແຖບກາຊາໃນຫວ່າງມໍ່ໆນີ້,ແລະຮຽກຮ້ອງໃຫ້
ຝ່າຍອິດສະລະແອນຢຸດຕິການເຄື່ອນໄຫວໃນທັນທີ.

ມື້ດຽວກັນ,ທ່ານພໍແວວ ລັດຖະມົນຕີກະຊວງການຕ່າງປະເທດອາເມລິກາແລະທ່ານ
ເມັກເຄຼແລນ ໂຄສົກທຳນຽບຂາວອາເມລິກາຕ່າງໄດ້ຕິຕຽນການເຄື່ອນໄຫວຂອງກອງ
ທະຫານອິດສະລະແອນຢູ່ກາຊາ,ເຫັນວ່າການເຄື່ອນໄຫວດັ່ງກ່າວບໍ່ມີຜົນດີຕໍ່ສັນຕິພາບ
ແລະຄວາມປອດໄພຂອງພາກພື້ນແຫ່ງນີ້.

ມື້ດຽວກັນ,ທ່ານອານນານ ເລຂາທິການໃຫຍ່ສະຫະປະຊາຊາດ ທ່ານໂຊລານາ ຜູ້ຕາງ
ໜ້າຊັ້ນສູງສະຫະພາບເອີລົບທີ່ຮັບຜິດຊອບນະໂຍບາຍການຕ່າງປະເທດແລະຄວາມ
ປອດໄພ ທ່ານອາລາຟັດ ປະທານອົງການອຳນາດແຫ່ງຊາດປາເລັສຕີນ ທ່ານຄູລາຍ
ນາຍົກລັດຖະມົນຕີປາເລັສຕີນແລະທ່ານຊາປາເຕໂຣ ນາຍົກລັດຖະມົນຕີແອັສປາຍ
ລ້ວນແຕ່ໄດ້ກ່າວປະນາມຢ່າງຮຸນແຮງຕໍ່ການເຄື່ອນໄຫວຂອງກອງທະຫານອິດສະລະ
ແອນ.ຝລັ່ງແລະລັດເຊຍກໍສະແດງຄວາມວິຕົກກັງວົນຫຼາຍນຳການເຄື່ອນໄຫວຂອງ
ກອງທະຫານອິດສະລະແອນ.